2 CORINTIOS 10:7 - Chatino Tataltepec

⁷ Na la xña nchcui' ti ma̱ ji'i̱ ya. Pana tso'o la si culacua xi ti' ma̱ ñi'ya̱ ndyu'u scaa cha' nu liñi ca; nu ñati̱ nu nti' cha' cuentya ji'i̱ Cristo laca ngu' bi' ni, ndu'ni cha' culacua tso'o la xi ti' ngu' bi', cha' caca cuayá' ti' ngu' li', cha' lo'o cuare laca ya cuentya ji'i̱ Cristo.

2 CORINTIOS 10:7 Referans Kwoze

2 CORINTIOS 5:12

si'i cha' tyixi ti ya nchcui' tso'o ti ya cha' ji'i̱ ycui' ca ti ya. Ndi'ya̱ nti' ya: caja ñi'ya̱ xtyacui ma̱ cha' lo'o ngu' cuentya ji'i̱ ya, si tso'o ti nti' ma̱ ña'a̱ ma̱ ji'i̱ ya. Ntsu'u ñati̱ ca bi' nu ná ndube ti' ñi'ya̱ ndu'ni ngu' lo'o tya'a ngu', pana ndube la ti' ngu' bi' ñi'ya̱ ndu'ni chi̱ ngu' loo ycui' ca ngu'.

1 CORINTIOS 14:37

¿Ha ntsu'u chacuayá' ji'i̱ ma̱ cha' chcui' ma̱ cha' nu cua nda ycui' Ndyosi lo'o ngu' nti' ma̱? ¿Ha ji'i̱ cu'ma̱ ti cua nda Ni Xtyi'i ycui' Ni cha' cua'ni ma̱ cña ji'i̱ Ni? Cua'a̱ jyaca̱ ma̱ lacua; cña nu nclyo na' ji'i̱ ma̱ lo'o nscua na' quityi re, chacuayá' ji'i̱ ycui' Ndyosi laca cña bi',

2 CORINTIOS 11:23

Nacui̱ ngu' bi', cha' cña ji'i̱ Cristo ndyu'ni ngu'; la cui' cña bi' ndyu'ni na'. Masi tonto ti nchcui' na', pana tso'o la cña nu ndyu'ni na' que cña nu ndyu'ni ngu' bi'; lye la ngua'ni na' cña, lu'ba la ngusu'ba ngu' 'na ne' chcua̱, tyu̱u̱ tsa quiya' cua ngujui'i̱ ngu' juata hichu̱' na', lu'ba ti ndyaca cha' cua cajaa ti na' xqui'ya Cristo.

SAN JUAN 7:24

Ná tso'o cua'ni cuayá' ma̱ ji'i̱ sca ñati̱ lo'o ña'a̱ ti ma̱ ji'i̱ ―nacui̱ yu―. Ñi'ya̱ nu tyu'u liñi cha' ji'i̱ sca ngu', jua'a̱ cua'ni cuayá' ma̱ ji'i̱ ngu' tso'o la.

1 JUAN 4:6

Pana ñati̱ ji'i̱ ycui' Ndyosi laca na. Nu lo'o ntsu'u cha' ji'i̱ ñati̱ lo'o ycui' Ndyosi, cuna ngu' lcaa cha' nu chcui' na lo'o ngu' li'; ñati̱ nu ná ntsu'u cha' ji'i̱ lo'o ycui' Ndyosi tsiya' ti, bi' ñati̱ laca nu ná nduna cha' nu nchcui' na. Jua'a̱ taca quijeloo cha' ji'na tilaca laca nu ntsu'u cha' liñi ji'i̱, tilaca laca nu ntsu'u cha' cuiñi ji'i̱.

1 CORINTIOS 9:1

Cua ntsu'u chacuayá' 'na cha' cua'ni na' cua ña'a̱ ca lo cha'. Cua ngua'a̱ loo ycui' Ndyosi 'na cha' cua'ni na' cña ji'i̱ Ni, nu lo'o na'a̱ na' ji'i̱ ycui' Jesús nu Xu'na na. Ngusñi ma̱ cha' ji'i̱ Jesús juani xqui'ya cha' ndu'ni na' cña ji'i̱ Ni,

1 CORINTIOS 3:23

Pana cu'ma̱ ni, cuentya ji'i̱ Cristo laca ma̱; lo'o nu Cristo bi', cuentya ji'i̱ ycui' Ndyosi laca Ni.

GÁLATAS 3:29

Nu lo'o ngusñi na cha' ji'i̱ ycui' Cristo, li' la cui' jua'a̱ laca na ñati̱ nu ndyu'u ji'i̱ jyo'o Abraham, masi tiya' la ñaa na chalyuu. Su cua ndye, li' tyanu cha' ji'na, lcaa ña'a̱ cha' nu cua ngüiñi ji'i̱ ycui' Ndyosi lo'o nu Abraham bi' cua sa'ni la cha' tyacua ji'na.

2 CORINTIOS 10:1

Pablo laca na' nu nchcui' na' lo'o cu'ma̱ juani; tyu'u cha' clyu ti' ji'i̱ ma̱, masi chcui' liñi na' lo'o ma̱. Nacui̱ ngu' cha' ntsi̱i̱ na' lo'o nchcui' na' lo'o ma̱ nu lo'o ndi'i̱ na' slo ma̱, pana tyaala tsa ndu'ni na' lo'o ma̱ nu lo'o nga'a̱ na' tyijyu'; jua'a̱ cha' nda ngu'. Tyi'u ti' ma̱ lacua, cha' xcui' tso'o ti nti' Cristo lo'o ña'a̱ Ni ji'na.

1 CORINTIOS 1:12

xa' ña'a̱ nchcui' sa scaa ma̱. Ntsu'u sca taju ji'i̱ ma̱ nu nacui̱: “Ji'i̱ Pablo ngusñi ya cha'”; chaca taju ji'i̱ ma̱ nacui̱: “Ñati̱ ji'i̱ Apolos laca ya”; jua'a̱ tya xa' la ngu' taju ji'i̱ ma̱ nacui̱ ngu': “Ñati̱ ji'i̱ Pedro laca ya”; jua'a̱ tya xa' la ngu' nacui̱: “Ñati̱ ji'i̱ Cristo laca ya”.

2 CORINTIOS 13:3

Ca li' caca cuayá' ti' ma̱ cha' ycui' Cristo laca nu nda cha' nu nchcui' na'; lo'o jua'a̱ si'i na xti ti cña nchca ji'i̱ Cristo lo'o xcube' Ni ji'i̱ ma̱, masi lye tsa cua'ni Ni cña cha' chcube' ma̱ li'.

2 CORINTIOS 12:11

Cu'ma̱ ngua'ni ma̱ lo'o na' cha' nchcui' na' cha' tonto re, pana cu'ma̱ laca nu nga'a̱ cha' chcui' tso'o ma̱ 'na nquicha'. Masi ná sca cha' ndyaca 'na tsiya' ti, si'i na xti la cña nchca 'na lo'o quiña'a̱ la cña nchca ji'i̱ nu ngu' cuiñi bi', masi tyaca'a tsa ndyu'ni ma̱ ji'i̱ ngu'; si'i jua'a̱ ndyu'u cha'.

2 CORINTIOS 11:18

Pana ná ndube ti' na', chcui' na' xi juani, cha' ntsu'u tsa ngu' nu jua'a̱ nchcui' tsa ngu' cha' caca chi̱ la loo ycui' ca ngu', nti' ngu'; bi' cha' lo'o na' ntsu'u chacuayá' chcui' na' xi, nti' na'.

2 CORINTIOS 11:4

Ngujui cha' jna' cha' ndi'ya̱ ndu'ni ma̱: tso'o tsa nchcui' ma̱ lo'o cua ña'a̱ ca ñati̱ nu lijya̱ ca slo ma̱, masi xa' ña'a̱ cha' nu nda ngu' cuentya ji'i̱ Jesús, masi ná stu'ba cha' nu nda ngu' bi' lo'o cha' nu cua nda ya lo'o ma̱ tya clyo la. La cui' jua'a̱ nduna ma̱ chaca cha', pana si'i cha' tso'o ji'i̱ Jesús nu ndu'ni lyaá ji'na ji'i̱ nu cuxi nu cua nchcui' ya lo'o ma̱ laca bi'. Bi' cha' laca cha' chaca xtyi'i ndyu'ú ne' cresiya ji'i̱ ma̱ juani, nga'aa si'i Xtyi'i ycui' Ndyosi laca bi'.

1 CORINTIOS 15:23

Ntsu'u ñi'ya̱ caca cha' re: tya clyo cua ndyu'ú ycui' Cristo chaca quiya'; tiya' la lo'o tyalaa tsa̱ nu ca̱a̱ Cristo chaca quiya', li' tyu'ú na, lcaa na nu ntsu'u cha' ji'na lo'o ycui' Ni;

SAN LUCAS 16:15

Li' nguxtyacui Jesús cha' lo'o ngu' bi': ―Cu'ma̱ ―nacui̱ yu―, tso'o tsa ndu'ni ma̱ cha' ña'a̱ ti xa' ñati̱ ji'i̱ ma̱, pana cua jlo ti' ycui' Ndyosi lcaa ña'a̱ cha' nu ntsu'u tyiquee ma̱. Ñati̱ nu tlyu tsa ndu'ni ji'i̱ ycui' ca ngu', xtyanu ti'i̱ ycui' Ndyosi ji'i̱ ngu' bi'.

SAN MATEO 23:5

Lcaa cha' nu ndu'ni nu ngu' bi' ni, ndu'ni ngu' ji'i̱ cha' ña'a̱ ti ñati̱ ji'i̱ ngu'; bi' cha' ndyaaca̱' juata su nscua cha' ji'i̱ ycui' Ndyosi hique ngu', lo'o jua'a̱ scu̱ ngu', cha' nti' ngu' cha' chcui' ñati̱ ji'i̱ ngu' cha' tacati tsa ndu'ni ngu'. Lo'o jua'a̱ nchcu' ngu' bi' payu̱ nu tonu tsa lsu ndacui lo cha' ña'a̱ ñati̱ ji'i̱.