2 CORINTIOS 1:6 - Chatino Tataltepec

⁶ Masi tyacua cha' ti'í ji'i̱ ya, masi lya' ti' ngu' ji'i̱ ya, xqui'ya cu'ma̱ laca cha' ti'í bi', cha' taca xtyucua la ycui' Ndyosi ji'i̱ ma̱ cha' caja ñi'ya̱ clyaá ma̱ ji'i̱ nu cuxi li'. Nu lo'o xtyucua Ni ji'i̱ ya ni, xqui'ya cu'ma̱ ndu'ni Ni jua'a̱ li', cha' caja ñi'ya̱ xtyucua ya ji'i̱ ma̱; jua'a̱ ta Ni juersa ji'i̱ ma̱ cha' lo'o cu'ma̱ talo ma̱ ji'i̱ cha' ti'í, la cui' ña'a̱ cha' ti'í nu ndyaca ji'i̱ ya.

2 CORINTIOS 1:6 Referans Kwoze

2 TIMOTEO 2:10

bi' cha' talo tyiquee na' ji'i̱ ngu', masi nchcube' tsa ngu' jna'. Talo na' ji'i̱ cha' cuxi bi' cuentya ji'i̱ ca ta'a ñati̱ nu ngusubi ycui' Ndyosi ji'i̱, cha' lo'o ñati̱ bi' ngua'ni lyaá Jesucristo ji'i̱, cha' caja chalyuu nu ná nga'a̱ cha' tye ji'i̱ ñati̱ bi'. Caca tyi'i̱ ngu' bi' ca slo ycui' Ndyosi su tso'o tsa ña'a̱ lcaa cha'.

2 CORINTIOS 1:4

Nu nxtyucua Ni ji'na ni, jua'a̱ ndu'ni Ni cha' tiya' la taca xtyucua na ji'i̱ xa' ñati̱, nu lo'o tyacua cua ña'a̱ ca cha' ti'í ji'i̱ ngu'; ñi'ya̱ lo'o nguxtyucua ycui' Ndyosi ji'na, la cui' jua'a̱ taca xtyucua na ji'i̱ xa' ñati̱ li'.

FILIPENSES 1:19

Ndu̱ ti' na' cha' yala ti caca tso'o la cha' jna' re, cha' cua jlo ti' na' ñi'ya̱ ndijña tsa ma̱ ji'i̱ ycui' Ndyosi cha' tyu'u na' ne' chcua̱ re, cha' tyu'u na' nde liya'; jlo ti' na' cha' nxtyucua tsa la cui' Xtyi'i ycui' Jesucristo 'na.

EFESIOS 3:13

Bi' cha' juani chcui' na' lo'o ma̱ cha' ná ca taja ti' ma̱, cha' ná tya'a̱chu̱' ma̱ ji'i̱ ycui' Ndyosi, masi nchcube' na' xi ca su ndi'i̱ na' re cuentya ji'i̱ cu'ma̱; sca cha' tso'o cuentya ji'i̱ cu'ma̱ laca cha' bi'.

2 CORINTIOS 5:5

Na cua ngua'ni cho'o ycui' Ndyosi cha' jua'a̱ caca ji'na ca li'; cua nda Ni Xtyi'i ycui' Ni cha' tyanu ne' cresiya ji'na juani. Laca bi' sca cha' nu nda Ni ji'na yala ti, cha' tyi'u ti' na lcaa cha' nu cua'ni Ni cuentya ji'na ca nde loo la.

ROMANOS 8:28

Jlo ti' na cha' cua nda ycui' Ndyosi chacuayá' ñi'ya̱ caca lcaa cha' nu ndyaca chalyuu, cha' caca tso'o chalyuu su ndi'i̱ na si ntsu'u tyiquee na ña'a̱ na ji'i̱ Ni. Na cua ngusubi Ni ji'na juani, cha' caca na ñi'ya̱ nu ngua ti' Ni tya clyo cha' caca na.

2 CORINTIOS 12:15

Lo'o jua'a̱ na', tso'o tsa nti' na' masi culiji na' lcaa na nu ntsu'u xi 'na, masi tye juersa ji'i̱ ycui' na' tsiya' ti, cha' caja ñi'ya̱ xtyucua na' xi ji'i̱ cu'ma̱. Bi' cha' ná tso'o laca si xti ti ntsu'u tyiquee ma̱ ña'a̱ ma̱ 'na, masi tso'o la ntsu'u tyiquee na' ña'a̱a̱ ji'i̱ cu'ma̱.

LOS HECHOS 21:5

Lo'o ndye cati tsa̱, li' ndu'u ya ndyaa ya. Nguxtyucua lcaa tya'a ngu' ji'i̱ ya tyucui̱i̱ su ndyaa ya to' tyujo'o; lo'o jua'a̱ lcaa nu cuna'a̱ lo'o nu sube ji'i̱ ngu', ndyaa ngu' lo'o ya. Li' ngutu̱ sti̱' lcaa ya ca to' tyujo'o cha' stu'ba ti chcui' ya lo'o ycui' Ndyosi.

EFESIOS 3:1

Xqui'ya cha' nu cua nchcui' ca na', bi' cha' nchcui' tsa na' lo'o Cristo cuentya ji'i̱ cu'ma̱. La cui' Pablo laca na'; ntsu'u na' ne' chcua̱ juani xqui'ya cha' cua nchcui' na' cha' ji'i̱ Jesucristo lo'o ñati̱, cha' nguxtyucua na' ji'i̱ cu'ma̱ nu si'i ngu' judío laca ma̱.