2 CORINTIOS 1:23 - Chatino Tataltepec

²³ Ná nguta'a̱ na' quichi̱ tyi ma̱ tu'ni, cha' ná nti' na' cha' caca ñasi̱' na' ji'i̱ cu'ma̱. Chañi cha' xqui'ya cha' bi' ti, bi' cha' ná ndya'a̱ na' ca slo ma̱ li'. Cua jlo ti' ycui' Ndyosi cha' bi'. Qui'ya ycui' Ndyosi cresiya 'na si ná chañi cha' nu nchcui' na' re.

2 CORINTIOS 1:23 Referans Kwoze

GÁLATAS 1:20

Chacuayá' ji'i̱ ycui' Ndyosi, liñi tsa cha' nu nscua na' lo quityi re; ni sca cha' cuiñi ná nscua na' tsiya' ti re.

1 CORINTIOS 4:21

Cua jlo ti' na' cha' tso'o la caca ji'i̱ ma̱ si tso'o ti tyu'u tyiquee na' ña'a̱ na' ji'i̱ ma̱ lo'o tyalaa na' ca slo ma̱; tso'o la si tso'o ti chcui' na' lo'o cu'ma̱ li'. Ná tso'o ca ti' ma̱ si ta na' cha' cusu̱u̱ lo'o ma̱ li'.

2 CORINTIOS 13:10

Lo'o jua'a̱ nscua na' quityi re, masi tyijyu' tsa ndi'i̱ na' cuentya ji'i̱ cu'ma̱, cha' ná caca tyaala na' lo'o cu'ma̱ nu lo'o cua ndyalaa na' ca quichi̱ tyi ma̱. Chañi cha' cua nda ycui' nu Xu'na na chacuayá' 'na, pana ndi'ya̱ ndyu'u cha' bi': cua'ni na' cha' caja ñi'ya̱ tyanu tachaa la cha' bi' ne' cresiya ji'i̱ ma̱; ná ntsu'u chacuayá' 'na cha' cua'ni ñu'u̱ lyiji na' ji'i̱ cu'ma̱.

2 CORINTIOS 13:2

Bi' laca cha' nu nchcui' na' lo'o lcaa cu'ma̱ ngu' Corinto nu cua ngusñi cha' ji'i̱ Jesucristo, lo'o jua'a̱ nchcui' na' lo'o cu'ma̱ ngu' taju ji'i̱ Jesús ca ndacua nu ngua'ni cha' cuxi tya tsubi' la. Nu lo'o ñaa na' nu ndyaca tyucuaa quiya' ni, cua laca nda na' cha' re lo'o cu'ma̱ li', pana juani lo'o ndi'i̱ na' tyijyu', tya chaca quiya' chcui' na' cha' bi' lo'o ma̱, cha' ni sca ñati̱ nu ndu'ni cha' cuxi ná nga'a̱ cha' clyaá ngu' lo'o ca̱a̱ na' chaca quiya'; cua'ni cuayá' na' ji'i̱ lcaa ngu' bi'.

ROMANOS 1:9

Lo'o na' ni, cua ngujui cña jna' cha' chcui' na' cha' tso'o ji'i̱ Jesucristo Sñi' ycui' Ndyosi lo'o xa' ñati̱; tyucui tyiquee na' ndyu'ni na' cña bi' cuentya ji'i̱ Ni. Jlo ti' ycui' Ndyosi cha' lu'ba ti ndyi'u ti' na' ji'i̱ ma̱ laja lo'o nchcui' na' lo'o ycui' Ni.

FILIPENSES 1:8

Cua jlo ti' ycui' Ndyosi cha' ñi'ya̱ ntsu'u tyiquee ycui' Jesucristo ña'a̱ Ni ji'i̱ lcaa cu'ma̱, la cui' jua'a̱ ntsu'u tsa tyiquee na' ña'a̱ na' ji'i̱ cu'ma̱.

2 CORINTIOS 12:20

Quiña'a̱ xi nclyacua ti' na' xqui'ya cu'ma̱ juani. Lo'o tyalaa na' ca su ndi'i̱ ma̱, si quije cha' 'na lo'o ma̱ cha' xa' ña'a̱ ndu'ni ma̱, nga'aa si'i ñi'ya̱ nu ngulu'u na' ji'i̱ ma̱ tya clyo, ¿ñi'ya̱ cua'ni ta na' lo'o ma̱ li'? Ca cuayá' ti' ma̱ cha' taca cua'ni tyaala na' xi lo'o ma̱ li', masi ná ndiya ti' ma̱ cha' cua'ni na' jua'a̱. Ndube ti' na' cha' tya ntsu'u xi ngu' tya'a ma̱ nu ña'a̱ ti nxu̱u̱ tya'a ngu', nu ti'í tsa ti' ngu' ña'a̱ ji'i̱ tya'a ngu', nu ñasi̱' tsa ngu' ña'a̱ ji'i̱ tya'a ngu', nu sca ti ji'i̱ ycui' ca ngu' ndube ti' ngu'; lo'o jua'a̱ nchcui' ca'a̱ ti ngu' ji'i̱ tya'a ngu', cuentyu tsa ti' ngu' lo'o tya'a ngu', ntyucuaa tsa ti' ngu' ndyu'ni ngu' lo'o tya'a ngu'. Lcaa lo cha' cuxi bi' ndyu'ni ngu' cha' ná ndube ti' ngu' tsiya' ti.

1 TIMOTEO 1:20

Ñi'ya̱ nti' yu Himeneo lo'o yu Alejandro ni, nga'aa ndaquiya' ngu' ji'i̱ cha' liñi, bi' cha' cua nguxtyanu na' ji'i̱ ngu' bi' ya' nu xña'a̱, cha' ca cuayá' ti' ngu' cha' tlyu tsa cha' cuxi laca lo'o nchcui' ngu' cha' suba' ji'i̱ ycui' Ndyosi.

1 TESALONICENSES 2:5

Si'i na tso'o tsa ndyu'ni ya lo'o ma̱ cha' cua'ni ya ngana ji'i̱ ma̱, ni si'i na tso'o tsa nchcui' ya lo'o ma̱ cha' caja cha' tso'o nu ntsu'u ji'i̱ ma̱ ji'i̱ ya. Jlo ti' ycui' Ndyosi cha' xcui' cha' liñi nchcui' ya; lo'o jua'a̱ cu'ma̱, cua ndyuna ma̱ cha' bi'.

2 CORINTIOS 11:31

Ycui' Ndyosi Sti Jesucristo nu Xu'na na ni, tyucui tyempo nga'a̱ cha' cua'ni tlyu na ji'i̱ Ni: la cui' Ni jlo ti' Ni cha' si'i cha' cuiñi laca nu nda na' lo'o cu'ma̱.

2 CORINTIOS 11:11

Si'i xqui'ya cha' ná ntsu'u tyiquee na' ña'a̱ na' ji'i̱ ma̱, bi' cha' nchcui' na' jua'a̱; cua jlo ti' ycui' Ndyosi cha' tso'o tsa nti' na' ña'a̱ na' ji'i̱ cu'ma̱.

2 CORINTIOS 10:2

Nu juani tya'na nchcui' na' lo'o ma̱, cha' ná cua'ni lye ma̱ lo'o na', cha' jua'a̱ ná cua'ni tyaala na' lo'o ma̱ chaca quiya' lo'o tyalaa na' ca su ndi'i̱ ma̱. Taca cua'ni tyaala na' lo'o ñati̱ tu'ni, ñati̱ nu cua nñilo'o ji'i̱ ma̱ cha' cuxi tsa cña ndyu'ni ya.

2 CORINTIOS 1:18

Cua jlo ti' ycui' Ndyosi cha' ná nchcui' ya tucua cha' lo'o cu'ma̱, ñi'ya̱ si nacui̱ ya cha' jua'a̱ laca, lo'o li' nacui̱ ya cha' si'i jua'a̱. Ná ndu'ni ya jua'a̱,

1 CORINTIOS 5:5

Li' xtyanu ma̱ ji'i̱ yu bi' ya' nu xña'a̱. Masi quiñu'u̱ ycui' yu li', quiñu'u̱ cha' ji'i̱ yu su ndi'i̱ yu chalyuu, pana ca lo'o tye chalyuu, ca li' cua'ni lyaá ycui' nu Xu'na na ji'i̱ yu, qui'ya Ni cresiya ji'i̱ yu.

ROMANOS 9:1

Ñati̱ nu ntsu'u cha' ji'i̱ lo'o Cristo laca na', bi' cha' xcui' cha' liñi ta na' lo'o cu'ma̱; si'i cha' cuiñi nchcui' na'. Xtyi'i ycui' Ndyosi ngua'ni cha' ngua'ya cha' hique na', bi' cha' liñi tsa cha' nu ta na' lo'o ma̱ juani.

LOS HECHOS 18:1

Li' ndu'u Pablo quichi̱ Atenas ndyaa yu ca quichi̱ Corinto.

LOS HECHOS 18:8

Lo'o jua'a̱ yu Crispo ngusñi cha' ji'i̱ ycui' nu Xu'na na. Crispo laca sca nu cusu' nu laca loo ne' laa ji'i̱ ngu' judío. Jlya ti' nu Crispo bi' ji'i̱ ycui' nu Xu'na na, lo'o jua'a̱ jlya ti' lcaa ngu' nu ndi'i̱ slo. Quiña'a̱ tya'a ngu' Corinto ngusñi ngu' cha' ji'i̱ Jesús, bi' cha' ntyucuatya ngu' bi' li'.

2 CORINTIOS 1:1

Pablo laca na'. Se'i̱ ti ndi'i̱ na' ca nde lo'o Timoteo tya'a ngusñi na cha' ji'i̱ Cristo. Nscua ya quityi re cha' ca̱a̱ slo lcaa cu'ma̱ ca quichi̱ Corinto nu tsa tlyu ti ndyu'ni tlyu ma̱ ji'i̱ ycui' Ndyosi, lo'o jua'a̱ tyaa quityi re slo lcaa ñati̱ nu ntsu'u cha' ji'i̱ lo'o ycui' Ndyosi tyucui ña'a̱ loyuu su cuentya Acaya. Cua nda ycui' Ndyosi cña 'na cha' tsa'a na' chcui' na' lo'o ngu' xa' quichi̱ ca tyijyu' la, lcaa cha' nu ji'i̱ Jesucristo.

2 CORINTIOS 6:6

Pana ndi'ya̱ ca cuayá' ti' ngu' cha' cña ji'i̱ ycui' Ndyosi laca nu ndya'a̱ ya lo'o: na cua ngua lubii cresiya ji'i̱ ya cuentya ji'i̱ ycui' Ni; liñi tsa nchca cuayá' ti' ya cha' ji'i̱ Ni; ndalo tsa tyiquee ya ña'a̱ ya ji'i̱ ngu', cha' ndyanu Xtyi'i ycui' Ndyosi ne' cresiya ji'i̱ ya, lo'o jua'a̱ chañi cha' ntsu'u tsa tyiquee ya ña'a̱ ya ji'i̱ tya'a ñati̱ ya;

2 CORINTIOS 11:10

Tso'o la nti' na' cha' ndyaca jna' jua'a̱. Bi' cha' juani macala su tya'a̱ na' tyucui loyuu su cuentya Grecia, nga'aa nti' na' cha' ta ngu' caya' 'na; cua jlo ti' ma̱ cha' chañi tsa cha' nu nchcui' na' re, xqui'ya cha' laca na' ñati̱ ji'i̱ Cristo.