2 CORINTIOS 1:15 - Chatino Tataltepec

¹⁵ Jua'a̱ ngua ti' na', bi' cha' ngulacua ti' na' tsa'a na' slo cu'ma̱ tya clyo. Ná tyiquee' tsaa na'a̱ na' ji'i̱ cu'ma̱ tucua quiya' ngua ti' na' nquicha', cha' ca tso'o cresiya ji'i̱ ma̱.

2 CORINTIOS 1:15 Referans Kwoze

1 CORINTIOS 4:19

Pana ná cube ti' ma̱, ca̱a̱ na' yala ti ca su ndi'i̱ ma̱ chacuayá' ji'i̱ ycui' Ndyosi nu Xu'na na. Lo'o li' quijeloo cha' ji'i̱ ma̱ jna', nu lo'o ña'a̱ na' ñi'ya̱ ndyu'ni nu ngu' tyixi bi'; si'i na ntucuá na' ji'i̱ ngu' xqui'ya cha' nu nda ti ngu' bi' li'.

ROMANOS 1:11

Nti' tsa na' tyacua tya'a na' xi lo'o cu'ma̱, cha' cua nti' na' ta̱ sca cui̱i̱ lo'o ma̱; Xtyi'i ycui' Ndyosi laca nu xtyucua 'na, cha' taca jlya la ti' ma̱ ji'i̱ Jesús. Li' tyatí̱ la ti' tyiquee ma̱.

ROMANOS 15:29

Nu lo'o tyalaa na', li' jlo ti' na' cha' quiña'a̱ tsa cha' tso'o ji'i̱ Cristo ntsu'u cha' chcui' na' lo'o ma̱, cha' caja ñi'ya̱ nu tyatí̱ la ti' tyiquee ma̱ li'.

2 CORINTIOS 6:1

Ngu' tya'a ndyu'ni na cña ji'i̱ ycui' Ndyosi laca ma̱; bi' cha' nchcui' tsa ya lo'o cu'ma̱, cha' ná culiji ma̱ cha' tso'o jua'a̱ ti, cha' tso'o nu cua nda Ni cha' tyanu ne' cresiya ji'i̱ ma̱. Na cua ngusñi ma̱ cha' bi' tsaca quiya', bi' cha' ña'a̱ ti taquiya' ma̱ ji'i̱ cha' bi' juani.

1 CORINTIOS 11:34

Si ntsu'u ma̱ nu ntyute' ma̱, jacu ma̱ tyaja to' tyi ti ma̱ clyo. Lo'o li' nga'aa cua'ni cuxi ma̱ lo'o tyu'u ti'i̱ ma̱, li' ná ntsu'u cha' caca tyaala Ni ji'i̱ ma̱. Lo'o ca̱a̱ na', taca quiñi nu xa' la cha' bi' ji'na lo'o cu'ma̱ li'.

SAN MATEO 1:19

Pana nu José bi' ni, tya'na ti' yu ji'i̱ María, tso'o tsa ntsu'u tyiquee yu ña'a̱ yu ji'i̱. Lo'o cua ndyuna yu cha' bi', ná nti' yu ta yu cha' tyuju'u ti' ji'i̱ Mariá, masi nga'aa caja clyo'o yu lo'o xqui'ya sñi', ngua ti' yu; tye cha' jua'a̱ ti ngua ti' yu, cha' ná nti' yu sta yu qui'ya ji'i̱ ca toni'i̱ cña.

1 CORINTIOS 16:7

Ná nti' na' cha' tyeje tacui na' jua'a̱ ti slo ma̱; na cua nti' na' tyanu na' xi tyempo lo'o ma̱, chacuayá' ji'i̱ ycui' nu Xu'na na.

2 CORINTIOS 12:14

Cua tya̱a̱ ti na' ca su ndi'i̱ ma̱ chaca quiya'. Cua tya'a ti sna quiya' cha' ca̱a̱ na' slo ma̱ juani, lo'o ña'a̱ ti ná lijya̱ na' cha' culo na' sca cña tlyu ji'i̱ cu'ma̱. Sca ti nti' na' cha' caca ma̱ ñati̱ ji'i̱ ycui' Ndyosi, ná nti' na' cha' jña na' cñi ji'i̱ ma̱. Ñi'ya̱ nti' na ni, si ntsu'u sñi' na, ycui' ti na ta na caya' lo na laca nu lyiji ji'i̱ sñi' na; si'i sñi' na nu ta caya' lo ycui' na.