1 TIMOTEO 6:4 - Chatino Tataltepec

⁴ Na nclu'u ngu' bi' xa' la cha' xqui'ya cha' ná jlo ti' ngu' bi' tsiya' ti, cha' tyixi tsa tyiquee ngu'. Ná tso'o tyiquee ngu' bi', cha' xcui' na ndiya tsa ti' ngu' xu̱u̱ tya'a ngu' cuentya ji'i̱ scaa cha' nu nchcui' ngu'; ná tso'o cña nu ndu'ni ngu' bi', cha' jua'a̱ caca liye' ti' ngu' ji'i̱ tya'a ngu', lo'o jua'a̱ xu̱u̱ tya'a ngu' bi' li', cha' xcui' cuentyu chcui' ngu' ji'i̱ tya'a ngu', lo'o jua'a̱ sta ngu' qui'ya laja ti ji'i̱ tya'a ngu' li'.

1 TIMOTEO 6:4 Referans Kwoze

2 TIMOTEO 2:23

Nga'aa xacui̱ nu'u̱ cha' ji'i̱ ñati̱ nu ná jlo ti' tsiya' ti ñi'ya̱ laca sca cha' liñi; ná sca cha' jlo ti' ngu' bi', pana nti' ngu' xu̱u̱ tya'a ngu' lo'o nu'u̱ xqui'ya sca cha' laja ti.

2 TIMOTEO 3:4

masi ngu' nu nñilo'o ji'i̱ tya'a tso'o ti ngu', masi ngu' nu ná cube ti' tsiya' ti' si lye tsa ndyu'ni tyucuaa ti' ji'i̱ tya'a ngu'; cua'ni ngu' cua ña'a̱ ca cha' cuxi nu jña cresiya ji'i̱ ycui' ca ngu', cha' nga'aa nti' ngu' bi' taquiya' ngu' ji'i̱ ycui' Ndyosi.

1 TIMOTEO 3:6

bi' cha' ná tso'o caca loo sca ñati̱ nu ngusñi ca ti cha' ji'i̱ ycui' Ndyosi, cha' tya lyiji ca tsa'a̱ tso'o yu. Ná tyiquee' lye tsa cua'ni tyucuaa ti' yu ji'i̱ tya'a yu, lo'o li' ntsu'u cha' xcube' ycui' Ndyosi ji'i̱ yu ñi'ya̱ lo'o xcube' Ni ji'i̱ nu xña'a̱.

JUDAS 1:10

Pana juani nchcui' nu ngu' cuiñi bi' cha' cuxi ji'i̱ cua ña'a̱ ca cha' ji'i̱ Jesús, masi ná nchca cuayá' ti' ngu' ji'i̱ cha' bi' tsiya' ti; ndyu'ni ñu'u̱ ngu' bi' ji'i̱ ycui' ca ngu', xqui'ya cha' ndu'ni ngu' ñi'ya̱ ndu'ni na'ni nu ná nchca culacua ti'.

2 PEDRO 2:12

Ñi'ya̱ laca na'ni quixi̱' nu ná nchca culacua ti', jua'a̱ laca nu ñati̱ cuxi bi', cha' xcui' cha' suba' nchcui' ngu' bi' ji'i̱ lcaa cha' nu ná nchca cuayá' ti' ngu' ji'i̱. Nxñi na ji'i̱ na'ni tyaala nu ntsu'u ne' quixi̱', ndyujuii na ji'i̱ ni' li'. Lo'o jua'a̱ nu ngu' cuxi bi', tyaala ngu' cha' nti' ngu' cua'ni ñu'u̱ ngu' ji'i̱ lcaa lo na tso'o; pana tye cha' ji'i̱ ngu' bi' tsiya' ti nde loo la,

2 TIMOTEO 2:14

Lu'ba ti chcui' nu'u̱ lo'o ngu' cha' taquiya' ngu' lcaa cha' nu nscua na' re. Cua jlo ti' ycui' nu Xu'na na lcaa ña'a̱ nu ndyu'ni scaa ngu', bi' cha' culo nu'u̱ cña cha' nga'aa xtyacui ngu' cha' lo'o tya'a ngu' cuentya ji'i̱ cua ña'a̱ ca cuentyu nu nchcui' ñati̱. Ná tso'o tsiya' ti jua'a̱, cha' lye tsa quichi̱ cha' hique ngu' nu ndyuna cha' bi'.

JUDAS 1:16

Nu ngu' cuiñi bi' ni, xcui' na chi̱i̱ nti' ngu' bi' ndi'i̱ ngu' chalyuu; ná sca na ná ndiya ti' ngu' bi' tsiya' ti, cha' chiya'a̱ ti nchcui' ngu' ji'i̱ lcua ti cha'. Xcui' ndiya la ti' ngu' bi' lcaa lo cha' cuxi nu ntsu'u tyiquee ngu' ji'i̱. Lye tsa nchcui' tyucuaa ti' ngu' bi' lo'o tya'a ngu', pana xcui' tso'o tsa nchcui' ngu' bi' ji'i̱ ñati̱ si xtyucua ngu' ji'i̱ ngu' bi' lo'o sca cña cuxi.

2 PEDRO 2:18

Jlo tsa ti' nu ngu' cuiñi bi' ñi'ya̱ chcui' ngu' sca cha' tso'o, pana tucua lo cha' ntsu'u tyiquee ngu' bi'; na cñilo'o ngu' bi' ji'i̱ ngu' nu ngusñi ca ti cha' tso'o ji'i̱ Jesucristo, cha' lo'o ngu' cua'ni suba' ngu' chaca quiya' nti' nu ngu' cuiñi bi'. Ñi'ya̱ ngua'ni ngu' cha' cuxi tya tsubi' la, nu lo'o bilya cuna ngu' cha' tso'o ji'i̱ ycui' Ndyosi, jua'a̱ nti' ngu' cuiñi bi' cha' cua'ni ngu' chaca quiya'.

1 TIMOTEO 1:7

Mstru caca ngu' bi', nti' ngu', ngu' nu nclu'u ñi'ya̱ cña nu ngulo ycui' Ndyosi ji'i̱ ñati̱, nu nguscua jyo'o Moisés; pana ná nda ngu' bi' cuentya ñi'ya̱ ndyu'u cha' nu nchcui' ycui' ca ngu', ñi'ya̱ ndyu'u cha' nu nda cha' cusu' bi', masi lye tsa nclu'u ngu' cha' bi' ji'i̱ tya'a ñati̱ ngu'.

1 TIMOTEO 1:4

Lo'o jua'a̱ culo nu'u̱ cña cha' nga'aa ca tsa'a̱ ngu' cuentyu cusu', nga'aa cua'a̱ jyaca̱ ngu' ji'i̱ cña cua̱ nu ndyanu ji'i̱ jyo'o cusu' ji'i̱ ngu' sa'ni. Nguichi̱ tsa cha' bi', lo'o jua'a̱ ná tye chca cha' bi' tsiya' ti. Ná xtyucua cha' bi' ji'na cha' cua'ni na cña ji'i̱ ycui' Ndyosi; sca ti si xñi na cha' ji'i̱ ycui' Jesús, li' caca cua'ni na cña ji'i̱ Ni.

SANTIAGO 1:19

Cu'ma̱ tya'a ngusñi na cha' ji'i̱ ycui' Ndyosi, nu tso'o tsa ntsu'u tyiquee na' ña'a̱a̱ ji'i̱ ma̱, tso'o si cui'ya ma̱ cuentya ji'i̱ cha' nu chcui' na' re. Ntsu'u cña ji'i̱ lcaa na cha' yala ti cua'a̱ jyaca̱ na ji'i̱ cha' nu chcui' ñati̱ lo'o na; pana tiya' ti xacui̱ na cha' ji'i̱ ngu', jua'a̱ tiya' tsa caca ñasi̱' na ji'i̱ ngu'.

TITO 3:9

pana ná tso'o chcui' ma̱ cha' laja ti, jua'a̱ ná tso'o si xlyú ma̱ cha' hichu̱' tya'a ma̱ xqui'ya jyo'o cusu' ji'na, masi xqui'ya sca cha' nu nguscua jyo'o Moisés nu ngua sa'ni la. Ná sca cha' tso'o ná taca cua'ni ma̱ jua'a̱. Chcuna' tyempo ji'i̱ ma̱ jua'a̱, cha' xcui' cha' nu ndacui lo cui'i̱ ti nchcui' ma̱ li'.

LOS HECHOS 15:2

Li' nguxana Pablo lo'o Bernabé nxlyú ngu' cha' hichu̱' ngu' bi'. Xqui'ya cha' ná nchca caca stu'ba cha' bi' lo'o ngu' tsiya' ti, bi' cha' nu ñati̱ ji'i̱ Jesucristo bi' ni, ngusubi ngu' ji'i̱ Pablo, lo'o ji'i̱ Bernabé, lo'o ji'i̱ xi xa' la ñati̱, cha' tsaa ngu' nde quichi̱ Jerusalén. Tsaa ngu' slo ngu' nu ngua tsa'a̱ ji'i̱ Jesucristo tya clyo, slo ngu' cusu' nu ji'i̱ la cui' tya'a taju ngu', cha' chcui' tube ngu' ñi'ya̱ caca cha' bi' ji'i̱ ngu': si xi'yu ngu' quiji̱ ngu', si ná xi'yu ngu' quiji̱ ngu'.

APOCALIPSIS 3:17

Quiña'a̱ tsa cha' ntsu'u ji'i̱ ya, nacui̱ ma̱. Cua ngujui sca chalyuu tso'o ji'i̱ ya, bi' cha' nga'aa ntsu'u cha' nu lyiji ji'i̱ ya, nacui̱ ma̱. Pana ná nda ma̱ cuentya cha' tya'na tsa ma̱ nti' na' ña'a̱ na' ji'i̱ ma̱. Tso'o la si ca tyuju'u ti' ma̱, nti' na', cha' nga'aa ntsu'u cha' ji'i̱ ma̱ tsiya' ti; ntsu'u tsa cha' nu lyiji ji'i̱ ma̱ nti' na' ña'a̱ na' ji'i̱ ma̱, bi' cha' ná nchca culacua tso'o ti' ma̱ tsiya' ti.

2 TESALONICENSES 2:4

Bi' laca nu nti' cua'a ji'i̱ lcaa lo jo'ó cha' ná cua'ni tlyu ngu' ji'i̱; ni ná cua'ni tlyu ngu' ji'i̱ ycui' Ndyosi, nti' yu, cha' nti' nu yu xña'a̱ bi' cha' cua'ni tlyu ngu' ji'i̱ ycui' ca yu. Tyatí̱ yu ne' laa tonu, tsaa tucua yu ca bi'; li' chcui' yu lo'o lcaa ñati̱ cha' cua'ni tlyu ngu' ji'i̱ ycui' ca yu, cha' ycui' Ndyosi laca ycui' yu, ñacui̱ yu.

COLOSENSES 2:18

Ná cube ti' ma̱ ji'i̱ cua ña'a̱ ca ñati̱ nu cua'ni tyucuaa ti' lo'o ma̱, ngu' nu tacati la ndu'ni ycui' ngu', nti' ngu', cha' ndyu'ni tlyu ngu' ji'i̱ sca xca̱ nu ntsu'u ji'i̱ ycui' Ndyosi ca nde cua̱; si'i ji'i̱ ycui' Ndyosi ndyu'ni tlyu ngu' bi'. Ñati̱ nu ndu'ni jua'a̱ ni, nti' ngu' cha' xa' la cha' ji'i̱ ycui' Ndyosi cua ngulu'uloo ji'i̱ ngu'. Lye tsa ndu'ni tyucuaa ti' ngu' bi' lo'o tya'a ngu', masi ná ntsu'u cha' cua'ni ngu' bi' jua'a̱, cha' ña'a̱ ti tya ntsu'u cha' cuxi ne' cresiya ji'i̱ ngu' bi';

FILIPENSES 2:14

Lcaa lo cña nu cua'ni ma̱ ni, ná caca chi̱i̱ nti' ma̱ ña'a̱ ma̱ ji'i̱ ngu' lo'o ndyu'ni ma̱ cña bi', ná xlyú ma̱ cha' hichu̱' ngu',

FILIPENSES 2:3

Cua'ni ma̱ cha' ná quiña'a̱ cha' tyu'u tyiquee ma̱ lo'o cua'ni ma̱ sca cña; si'i xcui' cha' ji'i̱ ycui' ca ma̱ culacua ti' ma̱, ni si'i na cua'ni tyucuaa ti' ma̱ lo'o tya'a ma̱. Tso'o la si culacua ti' ma̱ cha' tso'o la laca nu xa' la ngu' tya'a ma̱, pana ná tso'o ycui' ca ma̱;

FILIPENSES 1:15

Chañi cha' ntsu'u ñati̱ nu nchcui' cha' ji'i̱ Cristo lo'o tya'a xqui'ya cha' chi̱i̱ ti nti' ñati̱ bi', na cua nti' tsa ñati̱ bi' xu̱u̱ tya'a lo'o ya; pana tya ntsu'u la xi xa' la ngu' nu nchcui' cha' bi' xqui'ya cha' tso'o ti tyiquee ngu'.

GÁLATAS 6:3

Na ñilo'o ti na ji'i̱ ycui' ca na si culacua ti' na cha' tso'o tsa laca na cuentya ji'i̱ ycui' Ndyosi; tso'o la si ta na cuentya cha' ná sca na laca na cuentya ji'i̱ ycui' Ni.

GÁLATAS 5:26

La cui' ti ná tso'o si chcui' tyucuaa ti' na lo'o ñati̱, cha' jua'a̱ caja quiña'a̱ tsa cha' cusu̱u̱ ji'na lo'o tya'a ñati̱ na li', cha' tyixi tyiquee na. Lo'o jua'a̱ ná tso'o si ña'a̱ ti'í na ji'i̱ tya'a na.

GÁLATAS 5:15

Pana si xcui' cha' cusu̱u̱ ntsu'u ji'i̱ ma̱ lo'o tya'a ma̱, si xcui' na cua'ni ñu'u̱ ma̱ ji'i̱ tya'a ma̱ nti' ma̱, ná tyiquee' tye cha' ji'i̱ ma̱ lo'o tya'a ma̱ tsiya' ti. Nga'a̱ cha' cui'ya ma̱ cuentya cha' ná cua'ni ma̱ jua'a̱.

2 CORINTIOS 11:20

Na ndalo tsa tyiquee ma̱ ji'i̱ lcaa ngu' tonto bi', masi lye tsa nclyo ngu' cña ji'i̱ ma̱, masi ndyu'ni ngu' ngana ji'i̱ ma̱, masi ndatsaa tsa ngu' ji'i̱ ma̱ cha' cua'ni ma̱ cha' cuxi, masi ndu'ni tyucuaa tsa ti' ngu' lo'o ma̱, masi lu'ba ti ntyiji'i̱ ngu' saca' ma̱; cua ndalo tsa tyiquee ma̱ ji'i̱ ngu' bi'.

1 CORINTIOS 11:18

Nacui̱ ngu' cha' ná tso'o ndu'ni ma̱ su ndyu'u ti'i̱ ma̱ cha' cacu ma̱ si̱i̱ bi'. Xi xa' ca ña'a̱ ndu'ni sa scaa ma̱, nacui̱ ngu'. Cua jlo ti' na' cha' la cui' jua'a̱ ndyaca lo'o cu'ma̱ si nti'.

1 CORINTIOS 11:16

Si chcui' cuxi ngu' xqui'ya cha' ndyacu̱' hique ngu', tso'o si caca cuayá' ti' ngu' bi', cha' sca ti cuayá' ndu'ni ya ñi'ya̱ nu ndu'ni lcaa ñati̱ ji'i̱ Jesucristo lcua ti quichi̱ tyi ngu'.

1 CORINTIOS 3:18

Cua ngusñi na cha' ji'i̱ Cristo, bi' cha' tso'o la si ná cñilo'o na ji'i̱ ycui' ca na cha' ngua tsa ji'na, ñi'ya̱ ndu'ni ñati̱ chalyuu nu ngua tsa ji'i̱ ngu'. Ná tso'o si jua'a̱ nclyacua ti' na; nga'a̱ cha' culacua ti' na cha' ná ngua ji'na tsiya' ti, lo'o li' taca cua'ni ycui' Ndyosi cha' ca'ya sca cha' liñi hique na.

1 CORINTIOS 3:3

cha' ña'a̱ ti tya ndiya la ti' ma̱ ña'a̱ cha' cuxi nu ndyu'ni ñati̱ chalyuu. Nu lo'o liye' ti' ma̱ ji'i̱ tya'a ñati̱ ma̱, nu lo'o lye nxu̱u̱ tya'a ma̱, tyaca̱' tyijyu' cha' ndiya la ti' ma̱ cha' cuxi nu ntsu'u nde chalyuu. Tya ndu'ni ma̱ ñi'ya̱ nu ndu'ni ñati̱ cuxi.

ROMANOS 14:1

Tso'o ti chcui' ma̱ lo'o sca ñati̱ tya'a ngusñi na cha' ji'i̱ Jesús, masi tya lyiji ca cuayá' tso'o ti' cha' bi'; ná xu̱u̱ tya'a ma̱ lo'o nu ñati̱ bi' xqui'ya sca cha' nu ná nchca cuayá' tso'o ti'.

ROMANOS 13:13

Clyana na ñi'ya̱ caca tyi'i̱ tso'o ti na lo'o ñati̱, ñi'ya̱ si laca na ñati̱ nu xcui' ndya'a̱ ndacua̱ ti su caca ña'a̱ ñati̱ ji'na. Li' ná tso'o laca si culiji na chalyuu ji'na jua'a̱ ti lo'o ndya'a̱ na cha' cu'bi na, masi xa' la juersa ji'na culiji na lo'o xcui' ndi'i̱ ti na ta'a. Ná tso'o bi'. Lo'o jua'a̱ ná ntsu'u cha' cua'ni suba' na lo'o xa' ñati̱, ná ntsu'u cha' clyana na xa' la cha' cuxi nu cua'ni na lo'o ñati̱; ni nga'aa clyana na cha' cusu̱u̱ lo'o ngu', nga'aa cua'ni liye' ti' na ji'i̱ ngu'.

ROMANOS 12:16

Sca ti cha' chcui' ma̱ lo'o lcaa ngu' tya'a ntsu'u cha' ji'i̱ ma̱ lo'o Jesucristo; ná cua'ni tyucuaa ti' ma̱ lo'o ngu' ti'i tya'a ma̱, tso'o ti chcui' ma̱ lo'o ngu' bi'. Stu'ba ti tya'a̱ ma̱ lo'o ngu' bi', ná culacua ti' ma̱ cha' nchca la ji'i̱ ycui' ca ma̱.

ROMANOS 2:8

Pana nu ñati̱ cuxi ni, nu xcui' cha' ji'i̱ ycui' ca ngu' ntsu'u tyiquee ngu', tlyu tsa cha' ti'í ta Ni ji'i̱ ngu' bi'; ñasi̱' tsa ycui' Ndyosi ji'i̱ lcaa ngu' bi', cha' ná ntaja'a̱ ngu' taquiya' ngu' tsiya' ti ji'i̱ lcaa cha' liñi nu nclyu'u Ni ji'i̱ ngu', cha' ndijña tsa ti' ngu' ji'i̱ cua ña'a̱ ca cha' cuxi nu ña'a̱ ngu'.

LOS HECHOS 18:15

Cua ñasi̱' ma̱ xqui'ya cha' nclyu'u yu re xi xa' lo cha' ji'i̱ ngu'. Sca cha' ji'i̱ jo'ó cuentya ji'i̱ cu'ma̱ laca cha' re, cha' ná stu'ba cha' nu nchcui' yu lo'o cha' nu nchcui' cu'ma̱ cuentya ji'i̱ cha' cusu' nu ntsu'u ji'i̱ ma̱; bi' cha' ná ndiya ti' ma̱ cha' nclu'u yu cha' bi' ji'i̱ ngu'. Cua'ni cuayá' ycui' ca ti ma̱ ji'i̱ cha' re lacua. Ná ndu'ni cha' ca̱a̱ lo'o cu'ma̱ ji'i̱ yu ca slo na'.

LOS HECHOS 8:9

Quichi̱ bi' ndi'i̱ sca nu qui'yu nu naa Simón, ngu' cucha'a̱ laca bi'. Nchcui' nu Simón bi' cha' ngu' tlyu laca ycui' ca; lo'o jua'a̱ ngusñi ngu' quichi̱ cha' nu nchcui', jlya ti' ngu' cha' laca nu Simón bi' sca ñati̱ tlyu.