1 TIMOTEO 6:1 - Chatino Tataltepec

¹ Lcaa ñati̱ ji'i̱ Jesucristo nu laca msu nu ngüi'ya ñati̱ ntsu'u cha' cua'ni chi̱ ngu' loo xu'na ngu', masi ti'i̱ tsa cña nu nda xu'na ji'i̱. Li' ná caca chcui' cuxi ngu' ji'i̱ ycui' Ndyosi xqui'ya msu bi', ni ná caca chcui' cuxi ngu' ji'i̱ cha' ji'i̱ Jesucristo nu nclu'u na.

1 TIMOTEO 6:1 Referans Kwoze

TITO 2:5

ca tsa'a̱ nu cuna'a̱ cuañi' la cha' cua'a ngu' ji'i̱ ycui' ca ngu', cha' xcui' cha' tso'o cua'ni ngu', ñi'ya̱ nu nga'a̱ cha' cua'ni ngu' nu cua ngua lubii cresiya ji'i̱ cuentya ji'i̱ ycui' Ndyosi; ca tsa'a̱ ngu' ñi'ya nu tso'o ti cua'ni ngu' cña to' tyi ngu', ñi'ya̱ caca tya'na ti' ngu' ji'i̱ tya'a ñati̱ ngu', ñi'ya̱ nu taquiya' ngu' ji'i̱ clyo'o ngu'. Si xcui' tso'o ti ndu'ni nu cuna'a̱ cuañi' ni, li' ná ntsu'u cha' chcui' cuxi xa' ñati̱ ji'i̱ ycui' Ndyosi xqui'ya ngu' bi' li'.

ROMANOS 2:24

Na ndu'ni ti ma̱ ñi'ya̱ nu nacui̱ quityi cusu', quityi ji'i̱ ycui' Ndyosi nu nchcui' ndi'ya̱: “Cuxi tsa nchcui' ngu' xa' tsu' ji'i̱ ycui' Ndyosi xqui'ya cu'ma̱”. Jua'a̱ cha' nscua lo quityi.

1 PEDRO 3:16

Xcui' cha' tso'o cua'ni ma̱ lo'o ngu' lacua, cha' taca tyanu lubii cresiya ji'i̱ ma̱; li' caca tyuju'u ti' nu ngu' cuiñi bi', ngu' nu nchcui' cuentyu ji'i̱ ma̱ xqui'ya cha' tso'o nu ndyu'ni ma̱ cuentya ji'i̱ Cristo.

1 PEDRO 2:12

Xcui' cha' liñi cua'ni ma̱ lacua; xcui' cha' tso'o cua'ni ma̱, xqui'ya nu ñati̱ nu ná jlya ti' ji'i̱ ycui' Ndyosi tsiya' ti, cha' lo'o ngu' bi' taca ca cuayá' ti' ngu' cha' ñati̱ tso'o laca ma̱. Nu juani nti' ngu' bi' cha' cuxi tsa ñati̱ laca ma̱, bi' cha tso'o la si cua'ni ma̱ xcui' cha' tso'o ti cha' ña'a̱ ñati̱ bi' ji'i̱ ma̱; li' ta ngu' bi' cuentya cha' chañi cha' ñati̱ tso'o laca ma̱. Lo'o ñati̱ bi' cua'ni tlyu ji'i̱ ycui' Ndyosi tsa̱ nu cua'ni cuayá' Ni ji'i̱ ñati̱ li'.

GÁLATAS 5:1

Cua ngua'ni lyaá Cristo ji'na, cha' taca tyi'i̱ tso'o ti na chalyuu. Bi' cha' ña'a̱ ti tya tyi'i̱ tso'o ti ma̱ chalyuu lacua; nga'aa ta ma̱ tyempo cha' caca loo xa' ñati̱ ji'i̱ ma̱, ñi'ya̱ si cua ngüi'ya ngu' ji'i̱ ma̱ cha' cua'ni ma̱ cña ji'i̱ ngu'.

LOS HECHOS 15:10

Lo'o nu juani, ná ndiya ti' ma̱ cña nu ngua'ni ycui' Ni lo'o ngu' bi'; nti' ma̱ cha' cua'ni ngu' bi' lcaa cña ñi'ya̱ nu nguxtyanu jyo'o Moisés ji'na. Pana tucui tsa cña bi', ná ngua ji'na tsiya' ti cua'ni na lcaa cña bi'; ni lcaa jyo'o cusu' ji'na, ná ngua ji'i̱ ngu' cua'ni ngu' cña tucui bi'.

LOS HECHOS 10:22

―Cua ngulo nu cusu' Cornelio cña ji'i̱ ya cha' ca̱a̱ ya ca nde ―nacui̱ ngu' ji'i̱ Pedro―. Tso'o tsa tyiquee nu Cornelio bi', ndu'ni tlyu yu ji'i̱ ycui' Ndyosi, lo'o jua'a̱ tso'o tsa nchcui' lcaa ngu' judío tya'a nu'u̱ ji'i̱ nu cusu' bi'. Cua ndacha' xca̱ ji'i̱ ycui' Ndyosi ji'i̱ Cornelio cha' ta yu ji'i̱ ya ca̱a̱ ya ca nde, ca̱qui'ya ya jinu'u̱ cha' tsaa na ca slo nu cusu' bi', ca quichi̱ Cesarea. Ntsu'u cha' cuna ycui' Cornelio cua ña'a̱ ca cha' nu chcui' nu'u̱ lo'o.

LOS HECHOS 10:7

Ndu'u xca̱ ji'i̱ ycui' Ndyosi bi', ndyaa li'. Lo'o li' ngusi'ya Cornelio ji'i̱ tucua tya'a msu ji'i̱, lo'o ji'i̱ sca sendaru nu ndu'ni cña ji'i̱; lo'o sendaru bi' ndyu'ni tlyu yu ji'i̱ ycui' Ndyosi.

SAN LUCAS 17:1

Chaca quiya' nchcui' Jesús lo'o nu ngu' nu ndyaca tsa'a̱ ji'i̱: ―Ntsu'u tsa ngu' nu nchcui' lo'o na cha' cua'ni na sca cha' cuxi, pana tya'na tsa sca ñati̱ nu ndatsaa ji'i̱ tya'a cha' cua'ni cha' cuxi lo'o.

SAN MATEO 11:30

Cha' tso'o laca cha' nu ca tsa'a̱ ma̱ 'na; ná tucui cha' bi', lo'o jua'a̱ lasa ti cña nu ta na' ji'i̱ ma̱.

1 TIMOTEO 5:14

Bi' cha' tso'o la si xa' caja clyo'o nu cuna'a̱ cuañi' nu ndyanu ti'i, nti' na'; caja sñi' ngu' li', ña'a̱si̱i̱ ngu' to' tyi ycui' ngu', cha' ná caja ñi'ya̱ nu sta ngu' qui'ya ji'na xqui'ya nu cuna'a̱ bi'.

1 CORINTIOS 10:32

Ná ta ma̱ chacuayá' tyu'utsu' ni tsaca ngu' ji'i̱ tyucui̱i̱ liñi ji'i̱ Cristo; ni ngu' judío, ni ngu' xa' tsu' nu si'i ngu' judío laca, ni tsaca ñati̱ tya'a ngusñi ma̱ cha' ji'i̱ ycui' Ndyosi, ná tso'o tsiya' ti si tyú ngu' ya' nu xña'a̱.

SAN MATEO 11:9

Ná tyiquee' ngua tii ma̱ cha' laca Juan sca ñati̱ nu laca tu'ba ji'i̱ ycui' Ndyosi. Chañi cha' laca yu jua'a̱, pana tlyu la cña ngujui ji'i̱ Juan.