1 TIMOTEO 5:8 - Chatino Tataltepec

⁸ Ná tso'o ndu'ni ñati̱ nu ná ndube ti' ji'i̱ tya'a, masi ji'i̱ sti ngu', masi ji'i̱ xtya'a̱ ngu', masi ji'i̱ sñi' ngu'; cha' cuiñi nchcui' ngu' lo'o nacui̱ ngu' cha' ngusñi ngu' cha' ji'i̱ Jesucristo si ná ña'a̱si̱i̱ ngu' ji'i̱ tya'a ngu', cha' tso'o la ndyu'ni xa' ñati̱ nu ná ndaquiya' cha' ji'i̱ Jesucristo tsiya' ti.

1 TIMOTEO 5:8 Referans Kwoze

GÁLATAS 6:10

Bi' cha' tso'o si lcaa quiya' lo'o ña'a̱ na ñi'ya̱ caca xtyucua na ji'i̱ cua ña'a̱ ca ñati̱, li' cua'ni clya na cha' xtyucua na ji'i̱ ngu' bi'. Clyo ndu'ni cha' xtyucua na ji'i̱ tya'a na, nu ngu' nu ntsu'u cha' ji'i̱ lo'o Cristo.

2 CORINTIOS 12:14

Cua tya̱a̱ ti na' ca su ndi'i̱ ma̱ chaca quiya'. Cua tya'a ti sna quiya' cha' ca̱a̱ na' slo ma̱ juani, lo'o ña'a̱ ti ná lijya̱ na' cha' culo na' sca cña tlyu ji'i̱ cu'ma̱. Sca ti nti' na' cha' caca ma̱ ñati̱ ji'i̱ ycui' Ndyosi, ná nti' na' cha' jña na' cñi ji'i̱ ma̱. Ñi'ya̱ nti' na ni, si ntsu'u sñi' na, ycui' ti na ta na caya' lo na laca nu lyiji ji'i̱ sñi' na; si'i sñi' na nu ta caya' lo ycui' na.

TITO 1:16

Ñati̱ ji'i̱ ycui' Ndyosi laca ngu' bi', nacui̱ ycui' ngu', pana ná ndyu'ni ngu' tsiya' ti ñi'ya̱ nu nti' ycui' Ndyosi; bi' cha' caca cuayá' ti' na cha' cuiñi ngu' bi'. Cuxi tsa ndyu'ni ngu' bi', cha' ná ntaja'a̱ ngu' taquiya' ngu' ji'i̱ cha' nu liñi ca; ni sca cha' tso'o ná ca cua'ni ngu' bi' tsiya' ti.

SAN MATEO 7:11

Bi' cha' lacua, si jlo ti' ma̱ ñi'ya̱ ta ma̱ na tso'o ji'i̱ sñi' ma̱, masi cuxi ntsu'u cha' tyiquee ma̱, la cui' jua'a̱ caca cuayá' ti' ma̱ cha' jlo la ti' ycui' Ndyosi Sti na nu ntucua nde cua̱ ñi'ya̱ nu ta Ni na tso'o ji'i̱ ngu' nu ndijña ji'i̱ Ni.

2 TIMOTEO 3:5

Na cuiñi ti lcaa ngu' bi' lo'o cua'ni tlyu ngu' ji'i̱ ycui' Ndyosi, cha' ná ndaquiya' ngu' bi' ji'i̱ cha' ji'i̱ Ni tsiya' ti. Xtyanu nu'u̱ ji'i̱ lcaa ngu' bi'.

APOCALIPSIS 3:8

Nda na' cuentya ji'i̱ lcaa ña'a̱ nu ndu'ni ma̱, nacui̱ Ni. Cua nda na' sca cña tso'o cha' cua'ni ma̱, lo'o ná tucui taca tacu̱' cha' ji'i̱ ma̱ li', masi jlo ti' na' cha' ná caca ji'i̱ ma̱ chcui' lye ma̱ lo'o ñati̱ cuentya jna', cha' ná nguula ti' tyiquee ma̱ tsiya' ti; pana ña'a̱ ti tya ndaquiya' ma̱ ji'i̱ lcaa cha' nu nclyu'u na' ji'i̱ ma̱, bilya xtyanu ma̱ 'na.

APOCALIPSIS 2:13

Cua jlo ti' na' lcaa ña'a̱ nu ndu'ni ma̱, nacui̱ Ni. Jlo ti' na' cha' laca Satanás loo ca su ndi'i̱ cu'ma̱; pana masi jua'a̱ laca cha', tya tso'o tsa nxñi ma̱ cha' 'na, nacui̱ Ni. Bilya tya'a̱chu̱' ma̱ ji'i̱ cha' jna'; ña'a̱ ti jlya ti' ma̱ 'na, masi tyempo cuxi nu ngua li', nu lo'o ndyujuii ngu' ji'i̱ jyo'o Antipas. Ná ndyutsi̱i̱ yu bi', nchcui' yu cha' 'na ca quichi̱ tyi ma̱ su ntucua Satanás loo.

2 PEDRO 2:1

Cua ntsu'u xi ngu' cuiñi nu nguti'i̱ laja ngu' Israel sa'ni la; tu'ba ji'i̱ ycui' Ndyosi ngua ngu', nacui̱ ycui' ngu' cuiñi bi'. La cui' jua'a̱ tyu'u tucua ñati̱ cuiñi laja cu'ma̱ nde loo la; li' culu'u ngu' cuiñi bi' ji'i̱ ma̱, culu'u ngu' cua ña'a̱ ca cha' nu ca'ya hique ycui' ca ngu'. Lo'o li' ñacui̱ ngu' bi' cha' cuentya ji'i̱ ycui' Ndyosi nchcui' ngu'. Si cuna ma̱ cha' nu chcui' ngu' bi', li' xana cha' cusu̱u̱ ji'i̱ ma̱ lo'o tya'a ma̱ ña'a̱ cuayá' nu tya'be tya'a ma̱. Li' caca ma̱ tucua latya ma̱ xqui'ya cha' cuiñi bi'. Tlyu tsa cña nu ngua'ni ycui' nu Xu'na na cha' cua'ni lyaá Ni ji'i̱ lcaa na lo'o ji'i̱ ngu' bi', pana ná nti' nu ngu' cuiñi bi' cha' caca ycui' Ndyosi Xu'na ngu' bi' tsiya' ti; ná ntsu'u cha' tsiya' ti ji'i̱ ngu' bi' lo'o ycui' Ndyosi, bi' cha' yala ti tye cha' ji'i̱ nu ngu' cuiñi bi'.

SAN JUAN 15:22

’Ná ntsu'u qui'ya ji'i̱ ngu' bi' lo'o bilya ca̱a̱ na' chcui' na' lo'o ngu'; pana juani ni, nga'aa cua'ni clyu ti' ycui' Ndyosi ji'i̱ ngu' bi' ji'i̱ cha' cuxi nu ndu'ni ngu'.

JUDAS 1:4

Ndu'ni cha' ca cuayá' ti' ma̱ cha' cua ndyatí̱ xi ñati̱ cuiñi bi' laja cu'ma̱, masi ná stu'ba cha' nu jlya ti' ma̱ lo'o ngu'. Cua sa'ni tsa nscua cha' lo quityi ji'i̱ ycui' Ndyosi cha' xcube' Ni ji'i̱ nu ngu' cuxi bi'; pana ná ndaquiya' ngu' bi' ji'i̱ cha' nu nchcui' ycui' Ndyosi tsiya' ti, ni ná ndube ti' ngu' bi' si ntsu'u tsa tyiquee Ni ña'a̱ Ni ji'i̱ ñati̱ chalyuu. Nacui̱ ngu' bi', cha' ná ndu'ni cha' masi cua'ni ngu' cha' suba', masi cua'ni ngu' lcaa lo cha' cuxi, cha' si ntsu'u tsa tyiquee Ni ña'a̱ Ni ji'na, ná xcube' Ni ji'na li', nti' ngu'. Cuiñi tsa ngu' bi', si'i ycui' Jesucristo laca xu'na ngu' bi'. Pana nu na ni, sca ti ycui' Jesucristo laca nu Xu'na na, sca ti ycui' Ni laca nu chañi cha' laca Ni loo ji'na.

2 CORINTIOS 6:15

Ná taca tsiya' ti ca stu'ba cha' ji'i̱ Cristo lo'o Satanás; lo'o jua'a̱ ñati̱ nu cua ngusñi cha' ji'i̱ Cristo ni, ná taca cua'ni tya'a ngu' lo'o ñati̱ nu ná ntaja'a̱ xñi cha' bi' tsiya' ti.

SAN MATEO 18:17

Lo'o li', si ná tyaja'a̱ ngu' tya'a ma̱ bi' taquiya' ngu' tsiya' ti ji'i̱ tucua sna tya'a ma̱, li' cacha' ma̱ cha' bi' ji'i̱ taju ñati̱ ji'i̱ cu'ma̱, nu stu'ba ndu'ni tlyu ma̱ ji'i̱ ycui' Ndyosi. Lo'o li' si ña'a̱ ti ná tyaja'a̱ nu ngu' tya'a ma̱ bi' taquiya' ngu' ji'i̱ cha' nu nchcui' ca ta'a taju tya'a ma̱ lo'o ngu', li' nga'aa cua'ni tya'a ma̱ lo'o ngu' bi' lacua. Ñi'ya̱ si cua laca ngu' ñati̱ nu ná ntsu'u cha' ji'i̱ lo'o ycui' Ndyosi tsiya' ti, ñi'ya̱ si laca ngu' msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ji'i̱ ma̱, jua'a̱ cua'ni ma̱ lo'o ngu' bi' li'.

1 CORINTIOS 6:6

Pana xa' tsa ña'a̱ ndu'ni ma̱ ca jua. Masi ñati̱ tya'a ngusñi ma̱ cha' ji'i̱ Jesús, ndya'a̱ lo'o ma̱ ji'i̱ ca slo ngu' nu ná ndaquiya' ji'i̱ ycui' Ndyosi tsiya' ti, cha' cua'ni cuayá' ngu' bi' ji'i̱ ngu' tya'a ma̱.

2 TIMOTEO 2:12

Si talo na lo'o xcube' ngu' ji'na xqui'ya cha' ji'i̱ Ni, li' caja su tyi'i̱ na lo'o ycui' Jesús ca su laca Ni loo ca bi'. Si ñacui̱ na cha' ná ntsu'u cha' ji'na lo'o Jesucristo, jua'a̱ ycui' Ni, ñacui̱ Ni cha' ná ntsu'u cha' ji'i̱ Ni lo'o na.