1 TIMOTEO 5:5 - Chatino Tataltepec

⁵ Sca ti ji'i̱ ycui' Ndyosi ndu̱ ti' ngu' cuna'a̱ ti'i nu chañi cha' ndyanu ycui' ti ngu'; sca ti ycui' Ni xtyucua Ni ji'i̱ ngu' nti' ngu', bi' cha' nchcui' ngu' lo'o ycui' Ndyosi tsa̱ lo'o talya, ndijña ngu' ji'i̱ Ni na ca nu lyiji ji'i̱ ngu'.

1 TIMOTEO 5:5 Referans Kwoze

1 TIMOTEO 5:3

Ntsu'u cha' ña'a̱si̱i̱ ngu' ji'i̱ lcaa ngu' cuna'a̱ ti'i si cua ngujuii nu laca clyo'o ngu', si ndyanu ycui' ti ngu'.

SAN LUCAS 2:37

Ndyanu ti'i ma' tyucui tyempo lo'o ndi'i̱ ma' chalyuu, lo'o nu juani ntsu'u jacuayala ntucua jacua yija̱ ma'. Tyucui tyempo ndi'i̱ ma' ca ne' laa tlyu bi', nde tsa̱ lo'o jua'a̱ nde talya ndyu'ni tlyu ma' ji'i̱ ycui' Ndyosi; ná ndacu ma' tyaja hora lo'o nchcui' ma' lo'o ycui' Ndyosi.

1 PEDRO 3:5

Ná cuxi tyiquee tsiya' ti jyo'o ma' cusu' nu ntsu'u cha' ji'i̱ lo'o ycui' Ndyosi nu ngua cua sa'ni. Tso'o tsa ña'a̱ ma' cusu' bi', cha' ngua'ni tlyu ma' ji'i̱ ycui' Ni, lo'o jua'a̱ ndaquiya' ma' ji'i̱ cha' nu nchcui' clyo'o ma'.

1 TIMOTEO 5:16

Culo nu'u̱ cña ji'i̱ ca ta'a ñati̱ ji'i̱ Jesucristo jua, masi ji'i̱ ngu' qui'yu, masi ji'i̱ ngu' cuna'a̱, cha' ña'a̱si̱i̱ ngu' ji'i̱ nu cuna'a̱ ti'i tya'a ngu'; ná xtyanu ngu' ji'i̱ nu cuna'a̱ ti'i tya'a ngu' cha' caca bi' cuentya ji'i̱ taju ñati̱ ji'i̱ Jesucristo. Li' caca xtyucua tyucui taju ngu' bi' ji'i̱ nu cuna'a̱ nu chañi cha' ti'i ngu', nu ngu' cuna'a̱ ti'i nu ná ntsu'u ni sca ñati̱ ji'i̱ cha' xtyucua ji'i̱.

1 CORINTIOS 7:32

Cua nti' na' cha' ná caca xa' la cha' ji'i̱ ma̱, cha' jua'a̱ xqui'ya cha' bi' ná caca cua'ni tso'o ma̱ cña. Cu'ma̱ ngu' qui'yu nu bilya caja clyo'o ma̱, taca cua'ni ma̱ tsa lo ti cña ji'i̱ ycui' Ndyosi li'; cua'ni ma̱ ñi'ya̱ nu nti' ycui' nu Xu'na na cha' cua'ni na li'.

SAN LUCAS 18:1

Ngulu'u Jesús ji'i̱ ngu' cha' lu'ba ti chcui' ngu' lo'o ycui' Ndyosi, cha' ná ca taja ti' ngu' tsiya' ti lo'o chcui' ngu' lo'o Ni. Ndi'ya̱ ndyu'u cui̱i̱ nu nda Jesús lo'o ngu' li':

EFESIOS 6:18

Chcui' ma̱ lo'o ycui' Ndyosi nu lo'o nxu̱u̱ tya'a ma̱ lo'o nu cuxi, cha' jña ma̱ chacuayá' ji'i̱ Ni; lcaa tyempo xtyucua Xtyi'i ycui' Ndyosi ji'i̱ ma̱ cha' taca chcui' ma̱ lo'o Ni. Lo'o jua'a̱ chcui' ma̱ lo'o Ni cuentya ji'i̱ lcaa ñati̱ nu cua ngusñi cha' ji'i̱ Ni. Bi' cha' lacua, tii ti ti' ma̱ chcui' ma̱ lo'o Ni, cha' ná ca taja ti' ma̱.

SAN LUCAS 18:7

Pana tso'o tsa tyiquee ycui' Ndyosi, yala ti xtyucua Ni ji'i̱ ñati̱ nu cua ngusubi Ni ji'i̱, nu tya'na tsa nxi'ya ji'i̱ Ni tsa̱ lo'o talya. ¿Ha tiya' tsa xtyucua Ni ji'i̱ ngu' nti' ma̱?

1 CORINTIOS 7:34

Lo'o jua'a̱ cu'ma̱ ngu' cuna'a̱ nu ntucua ycui' ti, lo'o jua'a̱ nu cuañi' nu bilya caja clyo'o, taca cua'ni ma̱ tsa lo ti cña ji'i̱ ycui' nu Xu'na na; jua'a̱ caca ma̱ ñati̱ ji'i̱ ycui' Ndyosi tyucui ña'a̱ tsaca ma̱, tyucui tyiquee ma̱. Pana nu cu'ma̱ nu cua ntsu'u clyo'o ma̱, cua ntsu'u tsa cha' ndube ti' ma̱ cha' caja ñi'ya̱ nu tyiji̱ yu'u ji'i̱ ma̱ chalyuu, cha' cua'ni ma̱ ñi'ya̱ nu tso'o la nti' clyo'o ma̱.

ROMANOS 1:12

Tso'o si caca cua'ni na cha' caca tyatí̱ la ti' tyiquee tya'a na, cha' stu'ba ti xñi tso'o la na cha' ji'i̱ Jesús li'.

ROMANOS 1:5

Tso'o tsa ngua'ni ycui' Ndyosi lo'o na' xqui'ya Jesucristo. Cua ngulo Ni cña jna' cha' tsa'a na' tyucui ña'a̱ chalyuu mala su ndi'i̱ ñati̱; chacuayá' ji'i̱ ycui' Ni tsa'a na' chcui' na' cha' tso'o ji'i̱ ycui' Ndyosi lo'o ñati̱. Nti' Ni cha' caja ñati̱ ji'i̱ ycui' Ni lcua ti se'i̱, ñati̱ nu xñi cha' ji'i̱ ycui' Ni, ñati̱ nu taquiya' ji'i̱ cha' nu nchcui' Ni.

LOS HECHOS 26:7

Ca ta'a tii tyucuaa tya'a taju ngu' Israel nu laca ngu' tya'a na ni, ntajatya ngu' ni jacua' cua'ni ycui' Ndyosi cha' tyu'ú lcaa jyo'o chaca quiya'; bi' cha' ndu'ni tlyu ngu' ji'i̱ ycui' Ndyosi, lcaa tsa̱ lo'o lcaa talya ndu'ni tlyu ngu' ji'i̱ Ni. La cui' jua'a̱ lo'o na', jlya ti' na' cha' bi', rey Agripa; bi' cha' laca ngusta ngu' judío tya'a na qui'ya jna'.

LOS HECHOS 6:1

Tyempo bi' ngua quiña'a̱ la ngu' tya'a ngu' judío nu cua ngusñi cha' ji'i̱ Jesucristo, pana ná stu'ba ntsu'u tyiquee ngu' nu nchcui' cha' griego lo'o ngu' nu nchcui' cha'cña ji'i̱ ngu' judío: ―Ná stu'ba ndacha ngu' na cacu nu cuna'a̱ ti'i ―nacui̱ ngu' nu nchcui' cha' griego―. Ná tso'o ndu'ni ngu', cha' nda ngu' ji'i̱ nu cuna'a̱ ti'i nu nchcui' cha'cña ji'i̱ ngu' judío, lo'o jua'a̱ ná nda ngu' ji'i̱ nu cuna'a̱ ti'i tya'a ya nu nchcui' cha' griego ―nacui̱ ngu'.

LOS HECHOS 9:39

Hora ti ndu'u Pedro lijya̱ lo'o ngu' li'. Nu lo'o ndyalaa ngu' ca toni'i̱, ngulu'u ngu' ji'i̱ Pedro macala su nscua jyo'o bi'. Ndi'i̱ lcaa nu cuna'a̱ ti'i ca slo, nxi'ya tsa ngu' ndi'i̱ ngu' cha' cua ngujuii. Nda ngu' cha' lo'o Pedro cha' quiña'a̱ tsa cha' tso'o ngua'ni nu jyo'o bi' lo'o ngu', jua'a̱ ngulu'u ngu' ji'i̱ yu lcaa late' nu cua ngujyacua̱ nu jyo'o bi' cha' ta xlya'be ti ji'i̱ ngu'.

LOS HECHOS 9:41

Ngusñi Pedro ya' ma', nguxatu̱ yu ji'i̱ ma'; li' ngusi'ya yu ji'i̱ ngu' nu ndi'i̱ nde liya'. Hora ti ñaa nu ñati̱ ji'i̱ Jesucristo bi' nde ni'i̱ lo'o lcaa nu cuna'a̱ ti'i bi', na'a̱ ngu' ji'i̱ Tabita cha' cua ndyu'ú ma' chaca quiya'.

FILIPENSES 4:6

Ni sca cha' ná culacua tsa ti' ma̱ ji'i̱, pana jña ma̱ cha' ji'i̱ ycui' Ndyosi cuentya ji'i̱ cua ña'a̱ ca cha' nu tyacua xi ji'i̱ ma̱. Lo'o jua'a̱ ta ma̱ xlya'be ji'i̱ ycui' Ndyosi cha' jua'a̱ ndyaca cha' ji'i̱ ma̱, nu lo'o chcui' ma̱ lo'o ycui' Ni.

1 TIMOTEO 2:1

Nga'a̱ cha' chcui' na lo'o ycui' Ndyosi cuentya ji'i̱ lcaa ñati̱ chalyuu, nu lo'o jña na cha' ji'i̱ Ni, lcaa cha' nu lyiji ji'i̱ ñati̱; chcui' na cuentya ji'i̱ xa' ñati̱ lo'o nchcui' na lo'o ycui' nu Xu'na na, jua'a̱ lo'o tya na xlya'be ji'i̱ ycui' Ndyosi cuentya ji'i̱ ñati̱.

2 TIMOTEO 1:3

Ñi'ya̱ nu tyucui tyiquee jyo'o cusu' ji'na ngua'ni ngu' cña ji'i̱ ycui' Ndyosi nu ngua sa'ni la, jua'a̱ tyucui tyiquee na' ndyu'ni na' cña ji'i̱ ycui' Ndyosi juani. Ndya na' xlya'be ji'i̱ ycui' Ni lo'o nchcui' na' lo'o Ni cuentya jinu'u̱, cha' tsa̱ lo'o talya nchcui' na' lo'o Ni.