1 TIMOTEO 4:8 - Chatino Tataltepec

⁸ Tso'o xi cha' ngui'i̱ quiya' na cha' tya'a̱ na, ngui'i̱ ya' na cha' cua'ni na cña; pana tso'o la si qui'i̱ tyiquee na cha' taquiya' na ji'i̱ ycui' Ndyosi lcaa tyempo. Tso'o ti tyi'i̱ na nde chalyuu, nu lo'o cua'ni na cua ña'a̱ ca cña nu nti' nu Xu'na na cha' cua'ni na; la cui' tso'o ti tyi'i̱ na ca slo ycui' Ndyosi, si cua'ni na ñi'ya̱ nu nti' Ni cha' cua'ni na.

1 TIMOTEO 4:8 Referans Kwoze

SAN MATEO 6:33

bi' cha' si'i ji'i̱ cha' bi' clyana ma̱. Tso'o la si ta ma̱ tyempo ji'i̱ ycui' Ni cha' caca Ni loo ne' cresiya ji'i̱ ma̱, jua'a̱ tso'o la si cua'ni ma̱ lcaa cha' nu nti' ycui' Ni cha' cua'ni ma̱ nde chalyuu; li' ta Ni lcaa na nu lyiji xi ji'i̱ ma̱.

1 TIMOTEO 6:6

Chañi cha' ntsu'u xi cha' tso'o nu tyacua ji'na xqui'ya ycui' Ndyosi, si cua'ni tlyu na ji'i̱ Ni tyucui tyiquee na; pana sca ti si nguaala' ti' na lo'o lcaa cha' tso'o nu ntsu'u ji'na nde chalyuu.

1 JUAN 2:25

Bi' laca cha' nu ngüiñi ji'i̱ Jesucristo lo'o na, cha' taca caja chaca chalyuu cucui nu ná nga'a̱ cha' tye ji'na.

SAN MARCOS 10:30

pana la cui' chalyuu juani xa' caja quiña'a̱ la cha' ji'i̱ ngu' bi', tsa ña'a̱ nu nguna' ji'i̱ ngu' bi' ngua ti' ngu'. Caja su caca tyi ngu', caja nu caca tya'a ngula ngu', caja nu caca xtya'a̱ ngu', caja nu caca sñi' ngu', caja yuu su cua'ni ngu' cña; hasta sca siyento tsa lo cua cha' bi' caja ji'i̱ ngu'. Lo'o la cui' jua'a̱ tyacua cha' ti'í ji'i̱ ngu', pana ca nde loo la caja chalyuu nu ná nga'a̱ cha' tye ji'i̱ ngu' bi'.

HEBREOS 13:9

Ná ta ma̱ chacuayá' culu'u ñati̱ xi xa' la cha' ji'i̱ ma̱, sca cha' nu ná stu'ba nchcui' lo'o cha' bi', cha' ná xtyanu ma̱ jua'a̱ ji'i̱ tyucui̱i̱ liñi. Tso'o la si tyanu tso'o lcaa cha' ji'i̱ ycui' Ndyosi ne' cresiya ji'na, si cube ti' na ji'i̱ lcaa cha' tso'o nu ndu'ni Ni lo'o na lcaa hora; pana ná taca tyanu tso'o cha' ji'i̱ ycui' Ndyosi ne' cresiya ji'na lo'o taquiya' na ji'i̱ cua ña'a̱ ca cña nu tatsaa ngu' ji'na, ñi'ya̱ nti' si nacui̱ ngu' cha' ná tso'o cacu na sca lo na nu ndacu ngu'. Masi cua ndaquiya' tsa na ji'i̱ cña bi' tya tsubi' la, si'i na tso'o la ngua ti' na lo'o ngua'ni na jua'a̱.

APOCALIPSIS 3:21

Cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu, ta na' su tyucua ñati̱ bi' ca su ntucua na' cha' laca na loo; cha' jua'a̱ na', cua ntiji̱loo na' ji'i̱ nu xña'a̱ bi', lo'o juani nga'a̱ na' slo ycui' Sti na' su laca Ni loo.

TITO 3:8

Nga'a̱ cha' jlya tso'o ti' ma̱ cha' liñi nu nscua na' re, bi' cha' lye chcui' nu'u̱ cha' bi' lo'o lcaa ñati̱ nu ngusñi cha' ji'i̱ ycui' Ndyosi ca bi', cha' xcui' cha' tso'o cua'ni ma̱ li'. Tso'o tsa laca cha' liñi, taca xtyucua cha' bi' ji'i̱ cua ña'a̱ ca ñati̱;

APOCALIPSIS 3:12

Cua ña'a̱ ca ñati̱ nu tyiji̱loo ji'i̱ nu xña'a̱ ni, tlyu tsa caca ñati̱ bi' laja ñati̱ 'na lo'o cua ndyee chalyuu; tso'o tsa tyi'i̱ ngu' bi' ca su ndi'i̱ na'. Scua na' xtañi ycui' Ndyosi Sti na' loo ngu' bi', lo'o jua'a̱ scua na' ni naa quichi̱ tlyu nu ca ji'i̱ ycui' Ni; Jerusalén cucui naa quichi̱ bi'. Tyu'u bi' nde su ntucua ycui' Ndyosi, ca̱a̱ ca'ya bi' lo yuu. Jua'a̱ scua na' xtañi ycui' na' loo ngu' bi', cha' laca ngu' ñati̱ 'na.

1 CORINTIOS 8:8

Masi jlo ti' na cha' sca na cacu na ni, si'i bi' laca nu ndu'ni cha' tso'o la na cuentya ji'i̱ ycui' Ndyosi. Si'i na caca tso'o la na, masi cacu na ji'i̱; lo'o jua'a̱ ná sca cha' caca ji'na, masi ná cacu na ji'i̱.

ROMANOS 8:28

Jlo ti' na cha' cua nda ycui' Ndyosi chacuayá' ñi'ya̱ caca lcaa cha' nu ndyaca chalyuu, cha' caca tso'o chalyuu su ndi'i̱ na si ntsu'u tyiquee na ña'a̱ na ji'i̱ Ni. Na cua ngusubi Ni ji'na juani, cha' caca na ñi'ya̱ nu ngua ti' Ni tya clyo cha' caca na.

1 CORINTIOS 3:22

masi na', masi Apolos, masi Pedro; lo'o jua'a̱ cuentya ji'i̱ cu'ma̱ laca cua ña'a̱ ca cha' nu ndyaca nde chalyuu, masi lu'ú na, masi cua ngujuii na, masi sca cha' nu ndyaca juani, masi sca cha' nu caca tyempo nde loo la; cuentya ji'i̱ cu'ma̱ laca lcaa cha' nu ndyaca nde chalyuu lacua.

SAN MATEO 19:29

Lo'o jua'a̱ cua ña'a̱ ca ñati̱ nu ntsu'u cha' tsaa tyijyu' cha' cua'ni ngu' cña cuentya jna', nu nguxtyanu lcaa na nu ntsu'u ji'i̱ ngu' cha' ndyu'ni ngu' cña bi', ná xtyanu na' ji'i̱ ngu' bi' jua'a̱ ti; masi tyi ngu', masi tya'a ngula ngu', masi sti ngu', masi xtya'a̱ ngu', masi sñi' ngu', masi yuu nu ntsu'u ji'i̱ ngu', masi xtyanu ngu' lcaa cha' bi', pana caja chalyuu nu ná nga'a̱ cha' tye ji'i̱ ngu'. Lo'o jua'a̱ xa' caja quiña'a̱ la cha' ji'i̱ ngu' bi', tsa ña'a̱ nu nguna' ji'i̱ ngu' bi' ngua ti' ngu'.

SAN MATEO 12:32

Cui'ya Ni cha' clyu ti' ji'i̱ ñati̱ nu nchcui' cha' cuxi jna' nu cua nda Ni 'na lijya̱a̱ cha' caca na' ñati̱; pana lo'o chcui' ngu' cha' cuxi ji'i̱ cña nu ndu'ni Xtyi'i ycui' Ndyosi, li' nga'aa cui'ya ycui' Ni cha' clyu ti' ji'i̱ ngu' bi' lcaa tsa̱ lo'o tyi'i̱ ngu' chalyuu, masi tyucui tyempo nde loo la.

1 TIMOTEO 4:7

Ná taquiya' nu'u̱ ji'i̱ cuentyu nu ná nchcui' cha' liñi ji'i̱ ycui' Ndyosi, cha' cuxi tsa laca cha' bi'. Pana nu'u̱ ni, ntsu'u cha' qui'i̱ nu'u̱ cha' cua'ni nu'u̱ xcui' cña nu ndiya ti' ycui' Ndyosi.

1 TIMOTEO 6:3

Liñi tsa cha' ji'i̱ ycui' Jesucristo nu Xu'na na; cua ña'a̱ ca ñati̱ nu nclu'u xi xa' la cha' ji'i̱ ma̱, ná liñi ndyu'ni nu ñati̱ bi', ná ntaja'a̱ ngu' tsiya' ti taquiya' ngu' ji'i̱ cha' liñi bi'.

1 TIMOTEO 6:5

Lye tsa nchcui' ngu' bi', xqui'ya cha' ná ngusñi tso'o ngu' cha' liñi ji'i̱ ycui' Ndyosi, jua'a̱ nga'aa nclyacua tso'o ti' ngu' bi'; cha' cuiñi ti ndu'ni tlyu ngu' bi' ji'i̱ ycui' Ndyosi cha' caja cñi ji'i̱ ngu', nti' ngu'. Ná tya'a̱ nu'u̱ stu'ba ti lo'o ngu' bi'.

2 TIMOTEO 3:5

Na cuiñi ti lcaa ngu' bi' lo'o cua'ni tlyu ngu' ji'i̱ ycui' Ndyosi, cha' ná ndaquiya' ngu' bi' ji'i̱ cha' ji'i̱ Ni tsiya' ti. Xtyanu nu'u̱ ji'i̱ lcaa ngu' bi'.

SAN LUCAS 5:38

Ne' tyaca' cucui tyu'ú lcui lo'o chca ndyu'u ti.