1 TIMOTEO 4:4 - Chatino Tataltepec

⁴ Tso'o tsa cña ngua'ni Ni, tso'o ngüiñá Ni lcaa lo na; bi' cha' ná tso'o si xcua̱a̱ na sca cha' tso'o nu ngüiñá Ni. Xñi na lcaa cha' tso'o bi', lo'o li' ndi'ya̱ chcui' na lo'o ycui' Ndyosi: “Tsaa xlya'be jinu'u̱, Ndyosi Sti ya”, ñacui̱ na.

1 TIMOTEO 4:4 Referans Kwoze

ROMANOS 14:20

ná cua'ni ñu'u̱ ma̱ ji'i̱ cña nu ndyu'ni ycui' Ndyosi xqui'ya sca na nu ndacu ma̱. Chañi cha' tso'o tsa laca lcaa na nu nda Ni cha' cacu ñati̱, pana caca cuxi na bi' cuentya ji'i̱ ma̱, si ntsu'u ngu' nu xtyanu cha' ji'i̱ Jesús xqui'ya cha' ndacu ma̱ ji'i̱.

1 CORINTIOS 10:25

Taca cacu ma̱ lcaa na ndacu nu nchca caya' ni'i̱ lcaya'; ná sca culacua ti' ma̱ na ca laca bi', si tso'o, si ná tso'o laca bi' cuentya ji'i̱ ma̱.

ROMANOS 14:14

Cua nchcui' Cristo lo'o na', cua jlo ti' na' cha' ni sca na cuxi ná nda ycui' Ndyosi cha' cacu ñati̱; lcaa na nu ndacu ñati̱ chalyuu, na tso'o laca bi'. Pana ntsu'u ñati̱ nu ná nchca cacu sca na, xqui'ya cha' nti' ti ngu' cha' na cuxi laca bi'; cuxi tsa laca na bi' cuentya ji'i̱ ngu' bi' si cacu ngu' ji'i̱ li'.

1 CORINTIOS 10:23

Chañi tsa cha' nu nchcui' ñati̱: “Ntsu'u chacuayá' cua'ni na cua ña'a̱ ca cha' nu nti' ti na cua'ni na”, nacui̱ ngu'. Pana ntsu'u xi cha' nu ndu'ni na nu ná taca xtyucua ji'na tsiya' ti. Chañi cha' taca cua'ni na ñi'ya̱ nu nti' ti na, pana si'i lcaa cha' bi' ndu'ni cha' xñi tso'o na cha' ji'i̱ ycui' Ndyosi.

LOS HECHOS 21:25

Lo'o nu ngu' xa' tsu' nu cua ngusñi cha' ji'i̱ Jesucristo ni, cua nguscua ya sca quityi cha' tsaa slo ngu' bi', cha' ca cuayá' ti' ngu' cha' ná ntsu'u cha' cua'ni ngu' lcaa lo cha' nu ntsu'u ji'i̱ ngu' judío tya'a na. Nguscua ya cha' ndi'ya̱: ná tso'o cacu ngu' cuaña' na'ni nu cua nda ngu' cha' caca msta̱ ji'i̱ jo'ó, ni ná tso'o cacu ngu' tañi, ni ná tso'o cacu ngu' na'ni nu ná ndyalú tso'o tañi ni' lo'o ndyujuii ngu' ji'i̱, ni ná tso'o chca'a̱ ngu' lo'o ñati̱ nu si'i clyo'o ngu'.

1 TIMOTEO 4:3

Nclu'u ngu' cuiñi bi' cha' ná tso'o caja clyo'o na; nclu'u ngu' cha' ntsu'u tsa na ndacu na nu ná tso'o cacu na, nacui̱ ngu' bi'. Tlyu tsa cha' cuiñi nu nda ngu' bi'. Pana ngüiñá ycui' Ndyosi lcaa na nu ndacu na cha' tso'o ti cacu na ji'i̱, lcaa tya'a na nu ntsu'u cha' ji'na lo'o Jesucristo; bi' cha' tya na xlya'be ji'i̱ ycui' Ndyosi lo'o cua cacu ti na, cha' jlo ti' na cha' tso'o ji'i̱ ycui' Ni.

LOS HECHOS 15:29

Ná tso'o cacu ma̱ cuaña' na'ni nu laca msta̱, nu cua nda ngu' ji'i̱ jo'ó; ná tso'o cacu ma̱ tañi; ná tso'o cacu ma̱ na'ni nu ná ndye ndyalú tañi lo'o ndyujuii ngu' ji'i̱; la cui' ti cha' ná tso'o tsiya' ti si tyu'u cha' ji'i̱ ma̱ lo'o clyo'o xa' ñati̱. Si taquiya' ma̱ ji'i̱ lcaa cha' nu nscua re, tso'o ti tyi'i̱ ma̱ li'. Tsa lo cua ti cha' nscua ya.”

LOS HECHOS 10:15

Xa' nchcui' ycui' Ndyosi lo'o yu li': ―Ná tso'o ñacui̱ nu'u̱ cha' na'ni cuxi laca jua, si cua nacui̱ ycui' Ndyosi cha' lubii ni'.

ROMANOS 14:6

Si tacati tsa sca tsa̱ cuentya ji'i̱ tsaca ngu', bi' laca tsa̱ nu nga'a̱ cha' cua'ni chi̱ ngu' bi' loo ycui' Ndyosi lacua; lo'o jua'a̱ taca cua'ni chi̱ nu xa' la ñati̱ loo ycui' Ndyosi, masi ná ntsu'u cha' tacati ji'i̱ ngu' lo'o tsa̱ bi'. La cui' jua'a̱ ndyu'u cha' lo'o ñati̱ nu ná ntsi̱i̱ cacu cuaña' bi'; xqui'ya cha' ngusñi ngu' cha' ji'i̱ ycui' Ndyosi, bi' cha' ná ntsi̱i̱ ngu' bi'. Ndya ngu' xlya'be ji'i̱ ycui' Ni lo'o ndacu ngu' ji'i̱. Lo'o nu ntsi̱i̱ cacu cuaña' bi' ni, la cui' ti xqui'ya ycui' Ndyosi ntsi̱i̱ ngu' cacu ngu' ji'i̱; lo'o ngu' bi' ndya ngu' xlya'be ji'i̱ ycui' nu Xu'na na cha' nda Ni na cacu ngu'.

1 CORINTIOS 10:26

Ycui' Ndyosi Sti na ca ji'i̱ tyucui ña'a̱ chalyuu, lo'o jua'a̱ la cui' Ni ngüiñá Ni lcaa lo na nu ntsu'u chalyuu.

1 CORINTIOS 10:30

Si nda tsa na' xlya'be ji'i̱ ycui' Ndyosi cuentya ji'i̱ na ndacu na', ¿ni cha' laca chcui' ñati̱ cha' cuxi 'na lo'o ndacu na' ji'i̱ lacua?” ñacui̱ ma̱ 'na.