1 TIMOTEO 4:16 - Chatino Tataltepec16 Talo nu'u̱ ji'i̱ cña bi'. Cua'a nu'u̱ ji'i̱ ycui' ca cha' xcui' cha' tso'o ti cua'ni nu'u̱. Tso'o ti culu'u nu'u̱ ji'i̱ ngu' tya'a na, cha' jua'a̱ cuna tso'o ngu' cha' nu nclu'u nu'u̱ ji'i̱ ngu', cha' cua'ni lyaá ycui' Ndyosi ji'i̱ ngu' bi' li'. Lo'o jua'a̱ cua'ni lyaá Ni jinu'u̱ li'. Gade chapit la |
1 TIMOTEO 4:16
38 Referans Kwoze
Culo na' cña jinu'u̱ cha' culu'u nu'u̱ cha' ji'i̱ ycui' Ndyosi ji'i̱ ñati̱; ña'a̱ ti tya culu'u nu'u̱ cha' bi' ji'i̱ lcaa ñati̱, masi nti' ngu' cuna ngu' cha' bi', masi ná nti' ngu' cuna ngu' cha' bi'. Tyucui tyiquee nu'u̱ culu'u nu'u̱ ji'i̱ ngu', cha' ta ngu' cuentya ji'i̱ lcaa cha' cuxi nu ntsu'u ne' cresiya ji'i̱ ngu'; jua'a̱ xtyucua nu'u̱ ji'i̱ ngu' cha' culochu̱' ngu' cha' cuxi bi'. Talo tyiquee nu'u̱ ji'i̱ ngu' cha' tso'o ti culu'u nu'u̱ cha' tso'o bi' ji'i̱ ngu',
Li' nga'aa cua'ni na ñi'ya̱ ndu'ni nu sube nu lu'ba ti ncha'a̱ cña ji'i̱, cha' nu ndijya ngu'; ni ná ta na chacuayá' cojolaqui ngu' ji'na xa' tyucui̱i̱, nu lo'o chcui' ngu' lo'o na cua ña'a̱ ca cha' nu bilya cuna na ji'i̱. Ntsu'u tsa cha' cuiñi nu nda ñati̱ nu tajua' tsa nchcui' lo'o na, ñati̱ nu nti' tsa cha' tsalo'o ji'na nde tyucui̱i̱ cuxi.
Ná ta ma̱ chacuayá' culu'u ñati̱ xi xa' la cha' ji'i̱ ma̱, sca cha' nu ná stu'ba nchcui' lo'o cha' bi', cha' ná xtyanu ma̱ jua'a̱ ji'i̱ tyucui̱i̱ liñi. Tso'o la si tyanu tso'o lcaa cha' ji'i̱ ycui' Ndyosi ne' cresiya ji'na, si cube ti' na ji'i̱ lcaa cha' tso'o nu ndu'ni Ni lo'o na lcaa hora; pana ná taca tyanu tso'o cha' ji'i̱ ycui' Ndyosi ne' cresiya ji'na lo'o taquiya' na ji'i̱ cua ña'a̱ ca cña nu tatsaa ngu' ji'na, ñi'ya̱ nti' si nacui̱ ngu' cha' ná tso'o cacu na sca lo na nu ndacu ngu'. Masi cua ndaquiya' tsa na ji'i̱ cña bi' tya tsubi' la, si'i na tso'o la ngua ti' na lo'o ngua'ni na jua'a̱.
Cui'ya ma̱ cuentya cha' ni tsaca ngu' tya'a ma̱ ná xtyanu jua'a̱ ti lcaa cha' tso'o nu ndu'ni ycui' Ndyosi lo'o na. Lo'o jua'a̱ cui'ya ma̱ cuentya cha' ná cua'ni ñu'u̱ ma̱ ji'i̱ tyiquee xa' la ngu' tya'a ngusñi na cha' ji'i̱ Jesús. Ñi'ya̱ laca sca quixi̱' tyaala nu cua'ni ñu'u̱ ji'i̱ ñati̱ lo'o co'o ngu' hitya bi', jua'a̱ caca na ji'i̱ tya'a na lo'o ntsu'u sca cha' cuxi ji'na.
’Cui'ya ma̱ cuentya, cua'a ma̱ ji'i̱ ycui' ca ma̱ cha' tii ti ti' ma̱ tyi'i̱ ma̱ lo'o tyalaa tsa̱ bi'; si culiji yu'u ti ma̱ chalyuu ji'i̱ ma̱ jua'a̱ ti lo'o ndya'a̱ tsa ma̱ calle, lo'o cu'bi ti ma̱, la cui' jua'a̱ si ntsu'u tyu̱u̱ tya'a cha' nu ndube tsa ti' ma̱ ji'i̱, ná caca tyi'i̱ ma̱ tii ti ti' ma̱ li'. Ñi'ya̱ ndyacu̱' sca lco'o,
Culu'u nu'u̱ lcaa cha' nu nscua na' lo quityi re ji'i̱ ca ta'a ñati̱ ji'i̱ Jesucristo cajua, cha' caca nu'u̱ sca ñati̱ nu tso'o tsa ndu'ni cña ji'i̱ Jesucristo, Timoteo. Tyi'u tso'o ti' nu'u̱ lcaa cha' liñi nu cua ngusñi nu'u̱, cha' ji'i̱ ycui' Ni; ña'a̱ ti xñi tso'o nu'u̱ tyucui̱i̱ ji'i̱ ycui' nu Xu'na na li', ñi'ya̱ nu ndyu'ni ti nu'u̱.
Lo'o cua tsa'a ti na' ca Macedonia, li' cua nchcui' na' lo'o nu'u̱ cha' tyanu nu'u̱ nde quichi̱ Efeso; chaca quiya' chcui' na' lo'o nu'u̱ juani, cha' tyanu nu'u̱ ca quichi̱ bi'. Ntsu'u ngu' quichi̱ Efeso nu nclu'u xa' lo cha' ji'i̱ ngu' tya'a na; nga'a̱ cha' culo nu'u̱ cña ji'i̱ ngu' bi', cha' nga'aa culu'u tsa ngu' xa' la cha' ji'i̱ tya'a ngu'.
bi' cha' talo tyiquee na' ji'i̱ ngu', masi nchcube' tsa ngu' jna'. Talo na' ji'i̱ cha' cuxi bi' cuentya ji'i̱ ca ta'a ñati̱ nu ngusubi ycui' Ndyosi ji'i̱, cha' lo'o ñati̱ bi' ngua'ni lyaá Jesucristo ji'i̱, cha' caja chalyuu nu ná nga'a̱ cha' tye ji'i̱ ñati̱ bi'. Caca tyi'i̱ ngu' bi' ca slo ycui' Ndyosi su tso'o tsa ña'a̱ lcaa cha'.
’Lo'o cu'ma̱ ni, tii ti ti' ma̱ tyi'i̱ ma̱ li' ―nacui̱ Jesús―. Tejeya' ñati̱ cuxi ji'i̱ ma̱, jua'a̱ sta ngu' qui'ya ji'i̱ ma̱ slo ngu' tisiya; quiji'i̱ ngu' bi' ji'i̱ ma̱, masi ca ne' laa ji'i̱ ngu'. Nga'a̱ cha' tsatu̱ ma̱ slo ngu' gobierno, slo ngu' nu laca loo; cuentya jna' cacha' ma̱ lcaa cha' tso'o jna' ji'i̱ ngu' bi'.
Si ntsu'u cu'ma̱ nu caca ji'i̱ ma̱ cua'a ma̱ ji'i̱ tya'a ñati̱ ma̱ cha' ná cua'ni ngu' cha' cuxi, cha' culu'u ma̱ cha' ji'i̱ ycui' Ndyosi ji'i̱ ngu' bi' chaca quiya', tso'o tsa cña cua'ni ma̱ li'; taca cua'ni lyaá ma̱ ji'i̱ ngu' bi' li', cha' ná chcuna' chalyuu ji'i̱ ngu'. Lo'o jua'a̱ caja ñi'ya̱ nu cui'ya ycui' Ndyosi cha' clyu ti' ji'i̱ ngu' ji'i̱ lcaa qui'ya nu ntsu'u ji'i̱ ngu' bi'.
Lo'o li', lo'o ndi'i̱ na' lo'o ngu' tya'a ngusñi na cha' ji'i̱ Jesús nu tya lyiji jlya tso'o ti' ngu' cha' ji'i̱ Jesús, ñi'ya̱ si stu'ba ti cha' laca 'na lo'o ngu', jua'a̱ ndi'i̱ na' lo'o ngu' li', cha' cuna la ngu' bi' cha' ji'i̱ Cristo. Lcua ti lo cña cua'ni na' cha' tyaja'a̱ la ñati̱ xñi ngu' cha' ji'i̱ Cristo.
sca chalyuu tso'o nu ná nga'a̱ cha' tye, bi' laca nu ta Ni ji'i̱ ngu' tso'o, nu ná nchca taja ti' ndu'ni ngu' cña tso'o lo'o tya'a ngu'. Xcui' ndya'a̱ cha' tyiquee ngu' bi' ji'i̱ cha' tso'o nu ntsu'u ca slo ycui' Ndyosi, xcui' nti' ngu' cha' tyi'i̱ tso'o ti ngu' cuentya ji'i̱ Ni, xcui' ndube ti' ngu' ji'i̱ chalyuu nu lijya̱ nde loo la.
Ná sca nti' na' lo cña re, cha' nxtyucua ycui' Ndyosi jna' lcaa tsa̱ cha' culu'u na' cha' ji'i̱ Ni ji'i̱ lcaa ñati̱, masi ji'i̱ ngu' tlyu, masi ji'i̱ ngu' ti'i. La cui' ti cha' nclyu'u na' ji'i̱ ngu' juani ñi'ya̱ nu nguscua jyo'o cusu' nu ngua tu'ba ji'i̱ ycui' Ndyosi nu ngua sa'ni la; cua nguscua ngu' lcaa cha' nu caca nde loo la, lo'o la cui' cha' bi' laca nu nguscua jyo'o Moisés.
Ná nda ngu' judío cuxi bi' chacuayá' ji'i̱ ya cha' chcui' ya cha' ji'i̱ Jesucristo lo'o ngu' xa' tsu', cha' cua'ni lyaá Ni ji'i̱ ngu' xa' tsu' bi' li'; bi' cha' jua'a̱ nchca tlyu la qui'ya nu ntsu'u ji'i̱ ngu' judío cuxi bi', ña'a̱ cuayá' nchca ñasi̱' tsa ycui' Ndyosi ji'i̱ ngu' bi'. Ntsu'u cha' xcube' tsa Ni ji'i̱ ngu' bi' nde loo la.
Piblisite