1 TIMOTEO 4:12 - Chatino Tataltepec

¹² Ná ta nu'u̱ chacuayá' xtyí lo'o ngu' jinu'u̱ cha' tya cuañi' nu'u̱, nti' ngu'. Cua'ni nu'u̱ xcui' cña tso'o cha' ña'a̱ lcaa tya'a ñati̱ ji'i̱ Jesucristo; xcui' cha' tso'o chcui' nu'u̱, xcui' cha' tso'o cua'ni nu'u̱, lo'o jua'a̱ tso'o tsa tyu'u tyiquee nu'u̱ ña'a̱ nu'u̱ ji'i̱ xa' la ñati̱. Li' ca cuayá' ti' ngu' cha' tso'o tsa ngusñi nu'u̱ cha' ji'i̱ Jesucristo, xqui'ya cha' xcui' lubii ti cresiya jinu'u̱ ndyu'ni nu'u̱ cña.

1 TIMOTEO 4:12 Referans Kwoze

TITO 2:7

Xcui' tso'o ti cua'ni nu'u̱, cha' jua'a̱ ca tsa'a̱ nu ngu' cuañi' bi' lcaa cha' tso'o lo'o ña'a̱ ngu' cua ña'a̱ ca cha' nu ndyu'ni nu'u̱; lcaa cha' liñi culu'u tso'o nu'u̱ ji'i̱ ngu' bi', si'i cha' laja ti chcui' nu'u̱ lo'o ngu'.

2 TIMOTEO 2:22

Ngu' cuañi' laca nu'u̱, lo'o jua'a̱ ntsu'u tsa cha' cuxi nu ndiya ti' ngu' cuañi'; pana nga'aa cua'ni nu'u̱ cha' bi'. Ña'a̱ ti tya cua'ni nu'u̱ cha' tso'o ndi'ya̱: xñi tso'o nu'u̱ cha' liñi bi', tso'o ti tyu'u tyiquee nu'u̱ ña'a̱ nu'u̱ ji'i̱ ñati̱; tso'o ti tyi'i̱ nu'u̱ lo'o tya'a ma̱ nu cua ngua lubii cresiya ji'i̱ ngu', la cui' tya'a ntsu'u cha' ji'i̱ ma̱ lo'o ycui' nu Xu'na na.

2 TIMOTEO 2:15

Lye tsa cua'ni nu'u̱ cña nu cua nda ycui' Ndyosi jinu'u̱, cha' ná ca tyuju'u ti' nu'u̱ xqui'ya cña nu ngua'ni nu'u̱ nu lo'o tsaa nu'u̱ tyi'i̱ ca slo Ni. Chañi tsa laca cha' ji'i̱ ycui' Ndyosi, bi' cha' tya culu'u la nu'u̱ cha' liñi bi' ji'i̱ ngu' lacua; tso'o ti caca tyiquee Ni ña'a̱ Ni jinu'u̱ li'.

1 PEDRO 5:3

Ná laca ma̱ xu'na ngu' tya'a ma̱, bi' cha' tso'o ti cua'ni ma̱ slo ngu', cha' taca ca cuayá' ti' xa' la ngu' tya'a ma̱ ñi'ya̱ nu ntsu'u cha' cua'ni ngu'.

1 CORINTIOS 11:1

Bi' cha' cui'ya tso'o ma̱ cuentya ña'a̱ cña nu ndu'ni na', lo'o la cui' jua'a̱ cua'ni ma̱ li', cha' ñi'ya̱ laca cña nu ngua'ni Cristo, jua'a̱ laca cña nu ndu'ni na'.

1 TESALONICENSES 1:6

Bi' cha' juani ndyu'ni ma̱ cña nu ndyu'ni ya, la cui' tya'a cña nu ndyu'ni ycui' nu Xu'na na. Cua ngusñi ma̱ cha' ji'i̱ ycui' Ni, masi ti'í tsa ti' ngu' ña'a̱ ngu' ji'i̱ ma̱; pana tso'o tsa ntsu'u tyiquee ma̱ xqui'ya Xtyi'i ycui' Ndyosi.

TITO 2:15

Jua'a̱ laca cha' nu nga'a̱ cha' ta nu'u̱ lo'o ngu', pana lye chcui' nu'u̱ lcaa cha' bi' lo'o ngu'. Culo nu'u̱ cña ji'i̱ ngu', lcaa lo cha' tso'o nu cua'ni ngu', lcaa lo cha' nu ná tso'o cha' cua'ni ngu', cha' nu'u̱ laca loo; ná ta nu'u̱ chacuayá' ji'i̱ ngu' cha' chcui' ngu' cha' cuxi jinu'u̱.

SAN MATEO 18:10

’Ná tso'o si ná taquiya' ma̱ ji'i̱ sca ñati̱ 'na, masi ji'i̱ sca nu piti. Cha' liñi nchcui' na' lo'o ma̱, cha' ntsu'u xca̱ ca su ntucua ycui' Ni cuentya ji'i̱ lcaa ngu' sube bi'; lcaa hora ntsu'u chacuayá' chcui' xca̱ bi' lo'o ycui' Ndyosi Sti na' cuentya ji'i̱ nu ngu' sube ji'i̱.

2 TIMOTEO 2:7

Culacua xi ti' nu'u̱ ji'i̱ cha' nu ngulu'u ca ti na' jinu'u̱, lo'o jua'a̱ xtyucua ycui' nu Xu'na na jinu'u̱ cha' ca cuayá' ti' nu'u̱ lcaa cha' bi'.

SANTIAGO 3:13

Nu lo'o nti' ma̱ cha' tso'o tsa nchca ji'i̱ ma̱ nchcui' ma̱, cha' tso'o tsa nduna ma̱ scaa cha' nu nda ñati̱ lo'o ma̱, li' xcui' cha' tso'o ti cua'ni ma̱ laja lo'o ndi'i̱ ma̱ chalyuu, cha' taca cui'ya xa' la ñati̱ cuentya ji'i̱ ma̱ cha' ñati̱ tso'o laca ma̱. Ná quiña'a̱ cha' tyu'u tyiquee ma̱ ña'a̱ ma̱ ji'i̱ ngu', pana tso'o ti chcui' ma̱ lo'o ngu'.

SANTIAGO 3:17

Pana lcaa cha' nu nda ycui' Ndyosi cha' chcui' na lo'o ñati̱, xcui' cha' tso'o laca bi'; ná nguxa' cha' tso'o bi' lo'o cha' cuxi, ná ntsu'u cha' xu̱u̱ tya'a na lo'o tya'a ñati̱ na. Cha' tso'o ti laca nu nda Ni cha' chcui' na lo'o ñati̱, cha' xcui' na tso'o ti cua'ni na lo'o ñati̱ li'. Lo'o jua'a̱ ndu'ni cha' bi', cha' cua'ni tya'na ti' na ji'i̱ ñati̱, ña'a̱ cuayá' nu cua'ni na cha' tso'o cha' xtyucua na ji'i̱ ngu'; ndu'ni cha' sca ti cha' liñi chcui' na lo'o ñati̱, si'i cha' cuiñi chcui' na lo'o ngu'.

FILIPENSES 4:8

Cu'ma̱ tya'a ngusñi na cha' ji'i̱ Cristo, ndi'ya̱ ti culacua ti' ma̱ tyucui tyempo nu ndi'i̱ ma̱ chalyuu: Cua ña'a̱ ca cha' nu chañi tsa cha' jua'a̱ laca, bi' laca nu nga'a̱ cha' tyu'u tyiquee ma̱ ji'i̱; jua'a̱ lcaa cha' nu cua'ni chi̱ ngu' loo, lcaa cha' nu liñi ca, lcaa cha' su lubii ntsu'u tyiquee na, lcaa cha' nu tso'o tsa ña'a̱, lcaa cha' nu tso'o tsa nti' ngu' ña'a̱ ngu' ji'i̱, masi lcaa cha' tso'o bi', nu jua'a̱ tso'o tsa nchcui' ngu' ji'i̱, bi' laca nu nga'a̱ cha' tyu'u tyiquee ma̱ ji'i̱.

1 TESALONICENSES 2:10

Cua na'a̱ ma̱, lo'o jua'a̱ cua na'a̱ ycui' Ndyosi, cha' tso'o ti nguti'i̱ ya slo cu'ma̱ nu ntsu'u cha' ji'i̱ ma̱ lo'o Ni. Ñati̱ lubii laca ya, ná ntsu'u cha' jña ngu' qui'ya ji'i̱ ya li'.

1 TIMOTEO 1:14

Ntsu'u tsa tyiquee nu Xu'na na ña'a̱ Ni 'na, bi' cha' ngusñi na' cha' ji'i̱ ycui' Jesucristo li'; lo'o nu juani ntsu'u tyiquee na' ña'a̱ na' ji'i̱ Jesús, lo'o jua'a̱ ntsu'u tyiquee na' ña'a̱ na' ji'i̱ tya'a ñati̱ na'.