1 TIMOTEO 2:10 - Chatino Tataltepec

¹⁰ tso'o la ña'a̱ nu cuna'a̱ nu xcui' cha' tso'o ndu'ni cuentya ji'i̱ ycui' Ndyosi.

1 TIMOTEO 2:10 Referans Kwoze

1 PEDRO 2:12

Xcui' cha' liñi cua'ni ma̱ lacua; xcui' cha' tso'o cua'ni ma̱, xqui'ya nu ñati̱ nu ná jlya ti' ji'i̱ ycui' Ndyosi tsiya' ti, cha' lo'o ngu' bi' taca ca cuayá' ti' ngu' cha' ñati̱ tso'o laca ma̱. Nu juani nti' ngu' bi' cha' cuxi tsa ñati̱ laca ma̱, bi' cha tso'o la si cua'ni ma̱ xcui' cha' tso'o ti cha' ña'a̱ ñati̱ bi' ji'i̱ ma̱; li' ta ngu' bi' cuentya cha' chañi cha' ñati̱ tso'o laca ma̱. Lo'o ñati̱ bi' cua'ni tlyu ji'i̱ ycui' Ndyosi tsa̱ nu cua'ni cuayá' Ni ji'i̱ ñati̱ li'.

APOCALIPSIS 2:19

Cua jlo ti' na' lcaa ña'a̱ nu ndu'ni ma̱, nacui̱ Ni. Ntsu'u tsa tyiquee ma̱ ña'a̱ ma̱ ji'i̱ tya'a ma̱ nu ntsu'u cha' ji'i̱ lo'o na', cha' tso'o tsa ngusñi ma̱ cha' 'na; nxtyucua ma̱ ji'i̱ ñati̱ nu lyiji tsa cha' tso'o ji'i̱, jua'a̱ ndalo tsa tyiquee ma̱ lo'o ndyu'ni lya' ti' ngu' ji'i̱ ma̱. Lo'o juani tso'o la xi ndyu'ni ma̱, nga'aa si'i ñi'ya̱ nu ngua'ni ma̱ tya sa'ni la, nacui̱ Jesús.

LOS HECHOS 9:36

Cua ndi'i̱ sca nu cuna'a̱ nu naa Tabita nde quichi̱ Jope, jua'a̱ ñati̱ ji'i̱ Jesucristo laca ma' bi'. Dorcas nchcui' ngu' cha'cña ji'i̱ ngu' griego ji'i̱ ma'. Tso'o tsa tyiquee nu cuna'a̱ bi', tso'o tsa nxtyucua ma' ji'i̱ lcaa ngu' ti'i.

2 PEDRO 3:11

Cua nscua cha' tye lcaa na lo'o tyalaa tsa̱ bi', bi' cha' ntsu'u cha' caca ma̱ ñati̱ nu lubii cresiya ji'i̱, cha' caca ma̱ ñati̱ nu ngua tso'o tyiquee ma̱ cuentya ji'i̱ ycui' Ndyosi.

TITO 3:8

Nga'a̱ cha' jlya tso'o ti' ma̱ cha' liñi nu nscua na' re, bi' cha' lye chcui' nu'u̱ cha' bi' lo'o lcaa ñati̱ nu ngusñi cha' ji'i̱ ycui' Ndyosi ca bi', cha' xcui' cha' tso'o cua'ni ma̱ li'. Tso'o tsa laca cha' liñi, taca xtyucua cha' bi' ji'i̱ cua ña'a̱ ca ñati̱;

EFESIOS 2:10

Na cua ngüiñá Ni ji'i̱ ca ta'a na, cua ngua'ni stu'ba Ni cha' ji'na lo'o Jesucristo; juani cua nti' Ni cha' xcui' cha' tso'o ti cua'ni na lo'o ndi'i̱ na chalyuu, cha' cua laca nda Ni cña tso'o nu taca cua'ni sa scaa na nde chalyuu.

TITO 2:14

Nu lo'o nda Jesús chacuayá' cha' ndyujuii ngu' ji'i̱, nda yu tyucui ña'a̱ ycui' ca yu cha' taca clyaá na ji'i̱ nu cuxi. Ngua'ni lubii Ni ji'i̱ cresiya ji'na li' cha' caca na ñati̱ ji'i̱ Ni, cha' tyaja'a̱ na cua'ni na xcui' cha' tso'o li'.

LOS HECHOS 9:39

Hora ti ndu'u Pedro lijya̱ lo'o ngu' li'. Nu lo'o ndyalaa ngu' ca toni'i̱, ngulu'u ngu' ji'i̱ Pedro macala su nscua jyo'o bi'. Ndi'i̱ lcaa nu cuna'a̱ ti'i ca slo, nxi'ya tsa ngu' ndi'i̱ ngu' cha' cua ngujuii. Nda ngu' cha' lo'o Pedro cha' quiña'a̱ tsa cha' tso'o ngua'ni nu jyo'o bi' lo'o ngu', jua'a̱ ngulu'u ngu' ji'i̱ yu lcaa late' nu cua ngujyacua̱ nu jyo'o bi' cha' ta xlya'be ti ji'i̱ ngu'.

1 TIMOTEO 2:9

Lo'o nu ngu' cuna'a̱ ni, cacu' ngu' ste' tso'o ti, si'i late' nu quiña'a̱ tsa nga'a̱; ná talya' lye ngu' quicha̱' hique ngu', ná cacu' lye ngu' oro ni quee ndubi nu quiña'a̱ tsa nga'a̱, cha' ná tso'o cha' cua'ni tyixi tsa ngu' ji'i̱ ycui' ca ngu' cha' xña'a̱ xa' nu qui'yu ji'i̱ ngu' li';

1 TIMOTEO 2:11

Nga'a̱ cha' tyi'i̱ ti̱ ti ngu' cuna'a̱ lo'o culu'u ngu' cha' ji'i̱ ycui' Ndyosi laja lo'o ndyu'u ti'i̱ ngu', cha' lo'o ngu' cuna'a̱ bi' ca tsa'a̱ lo'o ngu', cha' lo'o ngu' cuna'a̱ taquiya' ji'i̱ cha' bi'.