1 TIMOTEO 1:8 - Chatino Tataltepec

⁸ Jlo ti' na cha' tso'o tsa cha' cusu' nu nguscua jyo'o Moisés bi', si taquiya' na ji'i̱.

1 TIMOTEO 1:8 Referans Kwoze

ROMANOS 7:16

Cha' ná tso'o nti' na' lo'o ndu'ni na' cha' cuxi bi', bi' cha' jlo ti' na' cha' stu'ba ntsu'u cha' jna' lo'o nu cha' cusu' bi', masi ná ndaquiya' na' ji'i̱.

2 TIMOTEO 2:5

Jua'a̱ si ntsu'u sca cha' cuijya ji'i̱ ngu' lo'o tya'a ngu' ni, cua laca nscua cha' ñi'ya̱ nu tso'o la quijya ngu', cha' taca cua'ni tsaca yu ngana ji'i̱ tya'a yu. Si ná taquiya' ngu' ji'i̱ cha' nu cua nscua bi', li' ná caja cha' xlya'be ji'i̱ ñati̱ nu cua ngua'ni ngana ji'i̱ tya'a yu lo'o cua ndye cha' cuijya ji'i̱ ngu' li'.

GÁLATAS 3:21

Tso'o si cua'ni na cña nu nscua lo quityi cusu' cha' cua'ni na lacua. Lo'o jua'a̱ ndu'ni tsa cha' xñi na lcaa cha' nu nda ycui' Ndyosi lo'o ñati̱. Pana masi taquiya' na ji'i̱ lcaa cha' cusu' bi', ná taca caja chalyuu cucui bi' ji'na jua'a̱ ti; ná taca ca tso'o cresiya ji'na cuentya ji'i̱ ycui' Ni xqui'ya cha' ndyu'ni ti na lcaa cña nu nscua lo quityi cusu' bi' cha' cua'ni na; ná caca jua'a̱ tsiya' ti.

ROMANOS 12:2

Nga'aa ta ma̱ tyempo cha' tatsaa ngu' ji'i̱ ma̱ cha' cua'ni ma̱ cha' cuxi; xa' ña'a̱ tyi'i̱ ma̱ chalyuu juani, cha' cua nchcutsa'a̱ Ni lcaa cha' nu ntsu'u ne' cresiya ji'i̱ ma̱. Bi' cha' caca cuayá' ti' ma̱ cua ña'a̱ ca cña nu nti' ycui' Ndyosi cha' cua'ni ma̱: ña'a̱ cña laca nu tso'o la cha' cua'ni ma̱, ña'a̱ cña nu ndiya la ti' ycui' Ndyosi ji'i̱, ña'a̱ cña nu tyu'u tso'o la ji'i̱ ma̱ su cua ndye cha' bi'; lcaa cha' bi' caca cuayá' ti' ma̱ li'.

ROMANOS 7:18

Cua jlo ti' na' cha' ná tso'o laca cha' nu ntsu'u ne' cresiya jna', cha' ñati̱ chalyuu ti laca na'; masi nti' tsa na' cua'ni na' xcui' cha' tso'o nquicha', pana ná nchca jna' tsiya' ti.

ROMANOS 7:22

Tyucui tyiquee na' ndiya tsa ti' na' cua'ni na' lcaa cña nu ngulo ycui' Ndyosi ji'na nu ngua sa'ni;