1 TIMOTEO 1:6 - Chatino Tataltepec

⁶ Pana ntsu'u xi xa' la ñati̱ nu ná ntaja'a̱ ngu' cuna ngu' cha' bi'; xa' tyucui̱i̱ ngusñi ngu' bi', cha' nchcui' tsa ngu' cuentyu.

1 TIMOTEO 1:6 Referans Kwoze

TITO 1:10

Cua ntsu'u tyu̱u̱ tya'a ngu' nu ná ntaja'a̱ taquiya' ngu' ji'i̱ cha' nu nchcui' ngu' nu laca loo, ntsu'u quiña'a̱ tsa ngu' judío nu ndyu'ni jua'a̱; cuiñi tsa cha' nu nchcui' ngu' bi', cha' jua'a̱ cñilo'o ngu' ji'i̱ tya'a ngu'.

TITO 3:9

pana ná tso'o chcui' ma̱ cha' laja ti, jua'a̱ ná tso'o si xlyú ma̱ cha' hichu̱' tya'a ma̱ xqui'ya jyo'o cusu' ji'na, masi xqui'ya sca cha' nu nguscua jyo'o Moisés nu ngua sa'ni la. Ná sca cha' tso'o ná taca cua'ni ma̱ jua'a̱. Chcuna' tyempo ji'i̱ ma̱ jua'a̱, cha' xcui' cha' nu ndacui lo cui'i̱ ti nchcui' ma̱ li'.

1 TIMOTEO 5:15

Jua'a̱ nta̱' cha' cua'ni ma̱, cha' cua ntsu'u xi ngu' cuna'a̱ cuañi' nu ndyanu ti'i nu cua ngulochu̱' ji'i̱ cha' ji'i̱ ycui' Ndyosi, cha' cua ngusñi ngu' tyucui̱i̱ ji'i̱ Satanás nu xña'a̱ li'.

2 TIMOTEO 4:10

Cua nguxtyanu Demas 'na xqui'ya cha' ndiya la ti' yu ji'i̱ cha' cuxi nu ntsu'u chalyuu, ndyaa yu ca quichi̱ Tesalónica. Nda na' ji'i̱ Crescente ndyaa ca Galacia, jua'a̱ nda na' ji'i̱ Tito ndyaa ca Dalmacia;

2 TIMOTEO 2:18

Nguxtyanu ngu' bi' cha' liñi ji'i̱ ycui' Ndyosi, lo'o nu juani nacui̱ ngu' bi' cha' nga'aa tyu'ú na chaca quiya': “Na cua ndyu'ú ngu' chaca quiya', lcaa ngu' nu ntsu'u cha' tyu'ú”, nacui̱ ngu' cuiñi bi'. Pana ntsu'u xi ngu' tya'a na nu cua ngusñi cha' nu nchcui' ngu' bi', lo'o juani nga'aa jlo tso'o ti' ngu' ni cha' nu jlya ti' ngu' tya clyo.

SAN MATEO 18:12

’¿Ñi'ya̱ nti' ma̱ ni? Cua ntsu'u sca siyento tya'a xlya' ji'i̱ sca ñati̱, lo'o li' nguna' tsaca ji'i̱ yu. ¿Ñi'ya̱ cua'ni yu li'? Ndi'ya̱ cua'ni yu ñacui̱ na': xtyanu yu ji'i̱ taju xlya' quiña'a̱ bi' sii' ca'ya su tso'o ti ndi'i̱ ni', cha' tsaa yu tsaana yu ji'i̱ xlya' nu nguna' ji'i̱ yu bi'.