1 TIMOTEO 1:13 - Chatino Tataltepec

¹³ Ngusubi Ni jna', masi suba' tsa nchcui' na' ji'i̱ Ni cua sa'ni la, tyempo lo'o nguxcube' na' ji'i̱ ñati̱ ji'i̱ Jesucristo; tyaala tsa na' nu ngua li'. Pana ná jlo ti' na' tyempo bi', cha' bilya xñi na' cha' tso'o ji'i̱ ycui' Ndyosi, bi' cha' ngua tya'na tsa ti' Ni jna'.

1 TIMOTEO 1:13 Referans Kwoze

LOS HECHOS 8:3

Lo'o nu Saulo bi' ni, ngua ti' yu cha' lye tsa xcube' yu ji'i̱ lcaa ñati̱ ji'i̱ Jesucristo li'. Ndyatí̱ yu ca ni'i̱ ji'i̱ ngu', ntejeya' yu ji'i̱ ngu' qui'yu bi', ntejeya' yu ji'i̱ ngu' cuna'a̱ bi', cha' tyaa lo'o yu ji'i̱ ngu' ne' chcua̱.

1 PEDRO 2:10

Nu juani laca ma̱ ñati̱ ji'i̱ ycui' Ndyosi, masi nu ngua tya tsubi' la ná ntsu'u cha' ji'i̱ ma̱ lo'o ycui' Ndyosi tsiya' ti. Lo'o jua'a̱ cua nchca cuayá' ti' ma̱ juani cha' ndyu'ni tya'na tsa ti' Ni ji'i̱ ma̱, masi tya tsubi' la ná nchca cuayá' ti' ma̱ cha' ji'i̱ ycui' Ndyosi tsiya' ti.

LOS HECHOS 9:13

―Xu'na ―nacui̱ Ananías―, tyu̱u̱ quiya' cua ndañi cha' nu nchcui' ngu' ji'i̱ nu Saulo bi', cha' tyaala tsa yu ji'i̱ ñati̱ jinu'u̱ nu ndi'i̱ nde quichi̱ Jerusalén.

HEBREOS 4:16

Ná cutsi̱i̱ na tsiya' ti lacua, tyucui tyiquee na jña na sca cha' ji'i̱ ycui' Ndyosi ca su tlyu ca su laca Ni loo; chcui' na lo'o ycui' Ndyosi nu xcui' tso'o tsa ndu'ni lo'o ñati̱, cha' cui'ya Ni cha' clyu ti' ji'na, cha' xtyucua Ni ji'na, masi la cui' ca hora nu lyiji tsa cha' ji'na.

LOS HECHOS 3:17

’Cu'ma̱ ngu' tya'a quichi̱ tyi na, jlo ti' na' cha' ná ngua tii ma̱ tilaca ngua Jesús nu lo'o ngüijña ma̱ chacuayá' cha' cujuii sendaru ji'i̱ yu. Lo'o jua'a̱ nu ngu' nu laca loo ji'i̱ ma̱, ná ngua tii ngu' na laca nu ngua'ni ngu', si cha' tso'o, si cha' cuxi ngua'ni ngu' li'.

SAN LUCAS 23:34

Lo'o tya ndi'i̱ ngu' nu ngujui'i̱ ca'a̱ ji'i̱ ngu' lo crusi, li' nchcui' Jesús lo'o ycui' Ndyosi Sti yu: ―Sti na' ―nacui̱ yu―, cui'ya nu'u̱ cha' clyu ti' ji'i̱ ngu' re, cha' ná jlo ti' ngu' ni cha' laca ndyu'ni ngu' jua'a̱. Li' ndacha ngu' sendaru bi' ste' Jesús ji'i̱ tya'a ngu' laja lo'o ndijya ti ngu' lo'o tya'a ngu'.

1 TIMOTEO 1:16

Ngüi'ya tsa Jesucristo cha' clyu ti' 'na lo'o ngüityi̱ Ni qui'ya nu ntsu'u 'na, cha' culu'u ycui' Ndyosi ji'i̱ xa' la ñati̱ ñi'ya̱ caca xñi ngu' cha' ji'i̱ Ni. Ñi'ya̱ lo'o tya'na ti' Jesús jna' tya clyo, jua'a̱ ca tya'na ti' Ni ji'i̱ lcaa ñati̱ nu xñi cha' ji'i̱ Jesús ca nde loo la, cha' si jlya ti' ngu' ji'i̱ Ni, ná nga'a̱ cha' tye chalyuu ji'i̱ ngu' li'.

FILIPENSES 3:6

cha' jlya tsa ti' na' ji'i̱ nu cha' cusu' bi', bi' cha' nguxcube' tsa na' ji'i̱ lcaa ñati̱ nu ngusñi cha' ji'i̱ Jesucristo, lya' tsa ti' na' ji'i̱ ngu' bi'. Lo'o jua'a̱ ná ntsu'u qui'ya 'na lo'o ngu' judío cuentya ji'i̱ cha' cusu' bi', cha' cua ndaquiya' tsa na' lcaa nu cha' cusu' bi'; tya sa'ni cua ngua lubii cresiya jna', si chañi cha' caca tso'o cresiya ji'na cuentya ji'i̱ ycui' Ndyosi jua'a̱ ti.

GÁLATAS 1:13

Cua jlo ti' ma̱ ñi'ya̱ nu ngua'ni na' nde chalyuu tya sa'ni la, ñi'ya̱ ndaquiya' tsa na' ji'i̱ lcaa cña tacati nu ndu'ni ngu' judío tya'a ya. Cua jlo ti' ma̱ cha' ti'í tsa nguxcube' na' ji'i̱ lcaa ñati̱ nu ntsu'u cha' ji'i̱ lo'o Jesucristo nu ngua li'; ngua ti' na' cua'ni tye na' ji'i̱ ñati̱ bi' tsiya' ti.

1 CORINTIOS 15:9

Ná tso'o na' tsiya' ti nti' na', masi ngusubi Ni 'na cha' sañi na' cha' ji'i̱ Jesús ca xa' quichi̱ tyijyu', cha' ntsu'u xa' la ngu' tya'a ya nu nchca la ji'i̱ ngu' cua'ni ngu' cña bi'. Ná stu'ba na' lo'o ngu' bi', cha' tya tsubi' la lya' tsa ti' na' ji'i̱ lcaa ñati̱ ji'i̱ Jesucristo.

1 CORINTIOS 7:25

Bilya ta ycui' nu Xu'na na cha' lo'o na' ñi'ya̱ cua'ni ñati̱ nu ntucua ycui' ti, si caja clyo'o ngu', si ná caja clyo'o ngu'; bi' cha' cuentya jna' ti, ta na' xi cha' lo'o ma̱. Taca xñi ma̱ cha' jna', xqui'ya cha' lo'o na' ngua'ni tya'na ti' Ni 'na; bi' cha' ndyu'ni na' cña ji'i̱ Ni.

LOS HECHOS 22:4

Cua sa'ni la lo'o ycui' na' lca'a̱ cusu̱u̱ na' ji'i̱ ngu' nu ntsu'u cha' ji'i̱ lo'o Jesucristo, cha' cujuii na' ji'i̱ ngu'. Ntejeya' na' ji'i̱ ngu' bi', masi ngu' qui'yu, masi ngu' cuna'a̱, ngusu'ba na' ji'i̱ ngu' ne' chcua̱.

LOS HECHOS 9:5

―¿Tilaca laca nu'u̱, Cusu'? ―nacui̱ Saulo. ―Jesús laca na' ―nacui̱ Ni―. Na nxu̱u̱ tya'a nu'u̱ lo'o na' laca ―nacui̱ Ni―. La cui' ca nu'u̱ ndu'ni cha' quicha ti' ycui' nu'u̱. Ñi'ya̱ nu ndu'ni sca toro, jua'a̱ ndu'ni nu'u̱; na ntyiji'i̱ quiya' toro la cui' se'i̱ su ndatu̱ ngu' yaca cha siyu' ni', lo'o jua'a̱ nu'u̱, ndu'ni ñu'u̱ ji'i̱ ycui' ca ti nu'u̱.

LOS HECHOS 9:1

Ña'a̱ ti ñasi̱' tsa Saulo ji'i̱ lcaa ngu' nu ngusñi cha' ji'i̱ ycui' nu Xu'na na. Nti' tsa Saulo xcube' yu ji'i̱ ngu' bi', ña'a̱ cuayá' nu cujuii yu ji'i̱ ngu' nti' yu; bi' cha' ndyaa yu ca slo xu'na sti jo'ó ji'i̱ ngu' judío,

SAN LUCAS 12:47

’Lo'o jlo ti' msu bi' ni cña ngulo xu'na yu ji'i̱ yu, lo'o li' ná yala ti' yu cha' cua'ni yu cña bi', xcube' xu'na yu ji'i̱ yu li'; ti'í tsa quiji'i̱ xu'na yu ji'i̱ yu.