1 TIMOTEO 1:11 - Chatino Tataltepec

¹¹ La cui' cha' tso'o bi' nclu'u na' chacuayá' ji'i̱ ycui' Ndyosi juani, lo'o nclu'u na' cha' tlyu tsa laca ycui' Ndyosi, cha' tso'o tsa ntsu'u tyiquee Ni ña'a̱ Ni ji'na.

1 TIMOTEO 1:11 Referans Kwoze

GÁLATAS 2:7

Ndi'ya̱ ngua: ngutucuá ngu' bi' ji'i̱ cha' nu nchcui' na' lo'o ngu'; cua ngüiñi cha' ji'i̱ ngu' bi' lo'o na' li'; cua ngua cuayá' ti' ngu' cha' cua nda ycui' Ndyosi cña 'na cha' tsa'a̱ ta na' cha' ji'i̱ Ni lo'o cu'ma̱ ngu' xa' tsu', ñi'ya̱ taca clyaá ma̱ ji'i̱ nu cuxi. Lo'o jua'a̱ nacui̱ ngu' cha' cua nda Ni la cui' cña ji'i̱ nu Pedro bi', cha' chcui' yu cha' tso'o bi' lo'o ngu' judío.

TITO 1:3

Lo'o juani cua nti' Ni cha' tso'o tsa tyempo cha' cañi tyijyu' cha' ji'i̱ ycui' Ndyosi nu ndyu'ni lyaá ji'na, lo'o jua'a̱ cua ngulo Ni cña jna' cha' culu'u na' cha' tso'o bi' ji'i̱ xa' ñati̱.

1 TIMOTEO 6:15

cha' tsa̱ nu nti' ycui' Ndyosi cha' ca̱a̱ Jesús, li' tyu'u tucua Ni chaca quiya'. Nu ycui' Ndyosi ni, tso'o ntsu'u tyiquee Ni tyucui tyempo, lo'o jua'a̱ ycui' Ni laca loo tsiya' ti; laca Ni rey nu tlyu la, nu Xu'na nu laca loo la.

2 CORINTIOS 4:4

Ná ntaja'a̱ ngu' bi' xñi ngu' cha' bi' xqui'ya nu xña'a̱ nu ñilo'o ji'i̱ ñati̱ chalyuu. Ndacu̱' nu cuxi bi' cha' ji'i̱ ngu' cha' ná cuna ngu' cha' tso'o nu cuentya ji'i̱ Cristo, bi' cha' ná nchca tyanu xee lubii ji'i̱ Cristo ne' cresiya ji'i̱ ngu' bi'. Tlyu tsa cha' laca ji'i̱ Cristo; lcaa cha' nu ntsu'u ji'i̱ Ni, stu'ba ntsu'u cha' ji'i̱ Ni lo'o ycui' Ndyosi Sti Ni ca su ntucua Ni juani.

ROMANOS 2:16

Jua'a̱ caca lacua, nu lo'o tyu'u lubii lcaa cha' nu ntsu'u ne' cresiya ji'i̱ ñati̱, tsa̱ li' lo'o culo Ni cña ji'i̱ Jesucristo cha' cua'ni cuayá' Ni ji'i̱ lcaa ñati̱; la cui' tyempo bi' culotu̱ Ni lcaa cha' nu ntsu'u cuaana ti ne' cresiya ji'i̱ ngu'. Jua'a̱ laca cha' nu nchcui' na' lo'o ñati̱ laja lo'o nclyu'u na' cha' tso'o ji'i̱ ycui' Ndyosi ji'i̱ ngu'.

2 TIMOTEO 2:2

Cua ndyuna nu'u̱ lcaa cha' nu ngulu'u na' ji'i̱ tyu̱u̱ tya'a ñati̱; nu juani la cui' ñi'ya̱ nu ngulu'u na', jua'a̱ culu'u nu'u̱ ji'i̱ ñati̱ nu tyucui tyiquee nti' ngu' culu'u ngu' cha' bi' ji'i̱ xi xa' la ñati̱, cha' ca tsa'a̱ tso'o nu xa' la ngu' bi' cha' ji'i̱ ycui' Ndyosi.

2 TIMOTEO 1:14

Cua'ni tyaca'a nu'u̱ ji'i̱ cha' tso'o nu nda ycui' Ndyosi lo'o na; xtyucua Xtyi'i ycui' Ni jinu'u̱ cha' cua'ni nu'u̱ cña bi', bi' cha' ndyanu Xtyi'i ycui' Ni ne' cresiya ji'na.

2 TIMOTEO 1:11

Cha' ji'i̱ Jesucristo, bi' laca cha' nu nchcui' na' lo'o ñati̱. Cua ngusubi ycui' Ndyosi 'na cha' ndya'a na' nclyu'u na' cha' bi' ji'i̱ ngu' xa' tsu' cuentya ji'i̱ ycui' Ni,

1 TIMOTEO 6:20

Lo'o nu'u̱ Timoteo, cua'ni tyaca'a nu'u̱ ji'i̱ cha' nu ntsu'u cha' culu'u nu'u̱ ji'i̱ ñati̱ cuentya ji'i̱ ycui' Ndyosi. Ná taquiya' nu'u̱ tsiya' ti ji'i̱ cha' cuxi nu nchcui' nu ngu' cuiñi bi'. Jlo tsa ti' ycui' ca ngu', jua'a̱ nti' nu ngu' cuiñi bi'; pana ná nda ngu' bi' cuentya tsiya' ti ñi'ya̱ laca sca cha' liñi.

1 TIMOTEO 2:7

Ngusubi Ni 'na cha' ndya'a na' nda na' cha' tso'o bi' lo'o ñati̱ cuentya ji'i̱ ycui' Ni, cha' lo'o ngu' xa' tsu' ndyuna ngu' cha' tso'o bi' li'; ndya'a na' ngulu'u na' ji'i̱ ngu' ñi'ya̱ caca xñi ngu' cha' ji'i̱ ycui' Ndyosi. Cha' liñi nscua na' nde, si'i cha' cuiñi nchcui' na'.

1 TESALONICENSES 2:4

Cua nda ycui' Ni cha' bi' lo'o ya cha' culu'u ya ji'i̱ ñati̱, bi' cha' liñi nchcui' ya lo'o ngu' nde lcaa quichi̱. Si'i ñati̱ chalyuu laca nu Xu'na na, ycui' Ndyosi laca nu Xu'na na; bi' cha' cuentya ji'i̱ ycui' Ni nclu'u ya cha' tso'o bi' ji'i̱ Ni ji'i̱ lcaa ma̱, cha' jlo ti' Ni lcaa cha' nu ntsu'u ne' cresiya ji'i̱ ya.

COLOSENSES 1:25

Ycui' Ndyosi laca nu cua nda cña bi' 'na, cha' caca na' cña ji'i̱ ca ta'a ñati̱ nu ngusñi cha' ji'i̱ Ni lcaa quichi̱, cha' nguula la caca tyiquee ma̱. Nga'a̱ cha' ña'a̱ ti tya ta la na' cha' ji'i̱ Cristo lo'o xa' ñati̱ ña'a̱ cuayá' nu tye cuna ngu' cha' bi'.

EFESIOS 3:10

pana juani caca cuayá' ti' lcaa cui'i̱ nu laca loo nde cua̱, nu lo'o ña'a̱ cui'i̱ bi' ji'i̱ ñati̱ chalyuu nu tsa tlyu ti ndyu'ni tlyu ji'i̱ Cristo. Lo'o jua'a̱ cui'i̱ nu ngua ti' tyiji̱loo ji'i̱ ycui' Ndyosi sa'ni la ni, caca cuayá' ti' cui'i̱ bi' cha' nchca la ji'i̱ ycui' Ndyosi que cua ña'a̱ ca na nu ngüiñá ycui' Ni.

EFESIOS 2:7

Sca ti quiya' ngua'ni Ni lcaa cha' bi', cha' ca cuayá' ti' lcaa ñati̱ nu ca̱a̱ chalyuu nde loo la cha' ntsu'u tsa tyiquee Ni ña'a̱ Ni ji'i̱ ñati̱ chalyuu. Xqui'ya cha' ntsu'u tsa tyiquee Jesucristo ña'a̱ Ni ji'na, bi' cha' ca cuayá' ti' na cha' ná ntsu'u su tye cha' ndu'ni tso'o ycui' Ndyosi lo'o na;

EFESIOS 1:12

Jua'a̱ ngua cha' nu ngua'ni Ni, cha' taca chcui' ñati̱ cha' tlyu tsa laca Ni, nu lo'o ña'a̱ ngu' ji'i̱ ya laja lo'o ndi'i̱ ya nde chalyuu; cha' nu cuare ni, cua ngusñi ya cha' ji'i̱ Cristo nde loo la ji'i̱ xa' ñati̱.

EFESIOS 1:6

Lo'o juani ntsu'u cha' cua'ni tlyu na ji'i̱ ycui' Ndyosi, cha' jua'a̱ tlyu tsa cha' tso'o nu ngua'ni Ni lo'o na. Xlya'be tsa nti' Ni ña'a̱ Ni ji'na, cha' cua nda Ni ji'i̱ Sñi' ycui' ca Ni lijya̱, nu tyaca'a tsa ji'i̱ Ni, cha' jua'a̱ caca stu'ba cha' ji'na lo'o Ni.

2 CORINTIOS 4:6

La cui' ycui' Ndyosi laca nu nda xee lubii ji'i̱ Ni cha' tyanu ne' cresiya ji'na; bi' cha' caca cuayá' ti' na lcaa cha' tlyu nu tso'o tsa nu ntsu'u ji'i̱ ycui' Ndyosi, la cui' ti cha' nu nchca tii na cha' ndyu'ni Ni cña ne' cresiya ji'na nu lo'o xñi na cha' ji'i̱ Cristo. Ycui' Ni ngulo Ni cña cha' tyucua xee ca su ngua chalyuu talya nu ngua tya sa'ni la.

1 CORINTIOS 9:17

Nu lo'o cua'ni na' sca cña cuentya 'na ti, ndu̱ ti' na' cha' caja xcaya' na' li'. Pana xa' ña'a̱ cña laca cña nu nda Ni 'na; na cua ndyanu cña bi' 'na cha' bi' ti cña cua'ni na', cha' cua ndatsaa Ni 'na cha' cua'ni na' ji'i̱. Bi' cha' ndyu'ni na' cña bi'.

SAN LUCAS 2:14

Cua'ni tlyu na ji'i̱ ycui' Ndyosi, masi ca bi' ca su tlyu su ntucua Ni, masi nde lo yuu chalyuu, cha' tlyu tsa laca ycui' Ni, nacui̱ ngu' xca̱ bi' li'. Cua'ni Ni cha' ti̱ ti tyi'i̱ tyiquee ñati̱ chalyuu lo'o ca cuayá' ti' ngu' cha' ntsu'u tsa tyiquee Ni ña'a̱ Ni ji'i̱ ngu', nacui̱ ngu' xca̱ li'.