1 PEDRO 5:7 - Chatino Tataltepec

⁷ Cacha' ma̱ ji'i̱ ycui' Ni lcaa cha' nu nclyacua tsa ti' ma̱ ji'i̱, lo'o li' cua'ni Ni cha' nga'aa cube ti' ma̱ ji'i̱ cha' bi'. Chañi cha' ndube ti' ycui' Ni ña'a̱ Ni ji'i̱ cu'ma̱.

1 PEDRO 5:7 Referans Kwoze

FILIPENSES 4:6

Ni sca cha' ná culacua tsa ti' ma̱ ji'i̱, pana jña ma̱ cha' ji'i̱ ycui' Ndyosi cuentya ji'i̱ cua ña'a̱ ca cha' nu tyacua xi ji'i̱ ma̱. Lo'o jua'a̱ ta ma̱ xlya'be ji'i̱ ycui' Ndyosi cha' jua'a̱ ndyaca cha' ji'i̱ ma̱, nu lo'o chcui' ma̱ lo'o ycui' Ni.

SAN LUCAS 12:22

Li' nchcui' Jesús lo'o nu ngu' nu ndyaca tsa'a̱ ji'i̱: ―Ndi'ya̱ cha' chcui' na' lo'o ma̱ juani: Ná quiña'a̱ tsa cha' culacua ti' ma̱ na laca nu lyiji ji'i̱ ma̱ cha' cacu ma̱ su ndi'i̱ ma̱ chalyuu, ni ná culacua tsa ti' ma̱ cha' ji'i̱ ste' ma̱.

SAN MARCOS 4:38

Pana laja' ti Jesús ntsu'u nde siyu' yaca ni'i̱, ngustii yu lo sca late' lcuti. Nguxtyu'u ngu' ji'i̱ yu li': ―Cusu' ―nacui̱ ngu' ji'i̱ Jesús―. Que ti' nu'u̱. ¿Ha ná ndube ti' nu'u̱ cha' cua cajaa ti na? ―nacui̱ ngu'―. Cua quilyu'u ti yaca ni'i̱ re.

SAN JUAN 10:13

Nxna msu tyijyu' cha' ne' xña ti ji'i̱ ngu' ndya'a̱ yu, si'i na ji'i̱ yu laca xlya' bi'.

SAN MATEO 6:27

Pana nga'aa caca caluu la ma̱ sa cla'be metro cua̱ la, masi quiña'a̱ tsa cha' culacua ti' ma̱.

SAN MATEO 6:28

’Lo'o jua'a̱ cha' ji'i̱ ste' ma̱, ¿ni cha' nclyacua tsa ti' ma̱ ji'i̱ cha' bi'? Culacua xi ti' ma̱ lo'o ña'a̱ ma̱ queé nu ntsu'u lo quixi̱' cua. Tso'o ti nclyuu bi', masi ná ndu'ni bi' cña, masi ná nchca ji'i̱ cuiñá late' cacu'.

SAN MATEO 6:31

Bi' cha' ná ntsu'u cha' culacua tsa ti' ma̱ ñi'ya̱ cha' cuxi tyacua ji'i̱ ma̱ ca nde loo la. Ná ñacui̱ lye ma̱: “¿Ma caja na cacu ya?” Ná ñacui̱ ma̱: “¿Ma caja hitya co'o ya?” Ni ná ñacui̱ ma̱: “¿Ma caja ste' ya?”

SAN LUCAS 12:26

masi cha' xca ti laca bi', ná nchca cua'ni ma̱ ji'i̱ tsiya' ti. Lo'o jua'a̱ ná ntsu'u cha' culacua ti' ma̱ ji'i̱ sca cha' nu cua tonu la.