1 PEDRO 5:6 - Chatino Tataltepec

⁶ Bi' cha' taquiya' ma̱ ji'i̱ cha' nu nchcui' ycui' Ndyosi nu laca loo tsiya' ti, cha' ná cua'ni tyucuaa ti' ma̱ ji'i̱ tya'a ñati̱ ma̱; cua jlo ti' ycui' Ni ni tsa̱ laca nu lo'o cua'ni Ni cha' caca ma̱ ñati̱ tlyu la.

1 PEDRO 5:6 Referans Kwoze

SANTIAGO 4:10

Cua'ni ma̱ cha' ca tyuju'u ti' ma̱ nde loo ycui' Ndyosi ji'i̱ qui'ya nu ntsu'u ji'i̱ ma̱, lo'o li' ta Ni sca se'i̱ tso'o la su tyi'i̱ ma̱ ca su ntucua ycui' Ni.

SAN LUCAS 14:11

Cua ña'a̱ ca ñati̱ nu nti' cha' tlyu la cha' laca ji'i̱ ycui', bi' laca nu ca tyuju'u ti' ca tiya' la; lo'o nu ñati̱ nu xti ti cha' ntsu'u tyiquee ycui' yu, xtyucua ycui' Ndyosi ji'i̱ yu bi' li', cha' caca tlyu la tyiquee yu ca tiya' la.

SAN MATEO 23:12

Ñati̱ nu nti' cha' caca tlyu la cuentya ji'i̱ tya'a ngu', ntsu'u cha' ca tyuju'u ti' ngu' ca tiya' la; pana ñati̱ nu ná ndu'ni tyixi lo'o tya'a ngu', nu ná nti' tyiji̱loo ji'i̱ tya'a ngu', bi' laca nu chañi cha' caca tlyu la cuentya ji'i̱ cu'ma̱.

SAN LUCAS 18:14

’Ndi'ya̱ laca cha' nu nti' na' chcui' na' lo'o ma̱, cha' nu qui'yu nu nclyo cñi cña loo ngu' bi' ni, cua ngüityi̱ ycui' Ndyosi qui'ya nu ntsu'u ji'i̱ yu bi'; tso'o ti tyiquee yu lo'o nguxtyu̱u̱ yu ndyaa yu to' tyi yu. Pana ná ngua ji'i̱ yu fariseo bi' jua'a̱, cha' nu ñati̱ nu tlyu tsa ndu'ni ji'i̱ ycui' ca ti, ntsu'u cha' caca tyuju'u ti' ñati̱ bi' ca tiya' la; pana ñati̱ nu tyuju'u tsa ti' ji'i̱ cha' cuxi nu ntsu'u ji'i̱ juani, ca tiya' la caca tso'o la cresiya ji'i̱ cuentya ji'i̱ ycui' Ndyosi.

SAN LUCAS 1:52

Cua ngulo'o Ni ji'i̱ ñati̱ tlyu ca su ntucua tlyu ngu' nti' ngu', cua nda Ni su tso'o la cha' tyi'i̱ ngu' ti'i, nacui̱ María.

ROMANOS 5:6

Jlo ti' na cha' ná caca cua'ni lyaá na ji'i̱ ycui' ca ti na ji'i̱ qui'ya nu ntsu'u ji'na; pana lo'o ndyalaa la cui' hora nu ngusta ycui' Ndyosi, li' ngujuii Jesús xqui'ya na, ñati̱ cuxi na.

1 CORINTIOS 10:22

¿Ha nti' na cha' ca chi̱i̱ ti' ycui' Ndyosi nu Xu'na na ña'a̱ Ni ji'na? ¿Ha nchca la ji'na que ycui' Ndyosi lacua, nti' na?

SANTIAGO 5:10

Cu'ma̱ ngu' tya'a na, tyi'u ti' ma̱ ñi'ya̱ ngua ji'i̱ jyo'o cusu' ji'i̱ ma̱ nu ngua tu'ba ji'i̱ ycui' Ndyosi cua sa'ni la; tyiquee' tsa ndalo ñati̱ bi', masi lye tsa nchcube' ycui' ngu'.

TITO 1:3

Lo'o juani cua nti' Ni cha' tso'o tsa tyempo cha' cañi tyijyu' cha' ji'i̱ ycui' Ndyosi nu ndyu'ni lyaá ji'na, lo'o jua'a̱ cua ngulo Ni cña jna' cha' culu'u na' cha' tso'o bi' ji'i̱ xa' ñati̱.

1 TIMOTEO 2:6

Nda Jesucristo chacuayá' cha' ndyujuii ngu' ji'i̱ yu cua tsubi' la; jua'a̱ nda yu caya' lo qui'ya nu ntsu'u ji'i̱ ñati̱ chalyuu, nu lo'o ngujuii yu lo crusi. Ngua'ni ycui' Ndyosi cña bi' la cui' hora lo'o ngua ti' Ni cha' cua'ni Ni ji'i̱.

SANTIAGO 4:7

Taquiya' ma̱ cha' ji'i̱ ycui' Ndyosi lacua. Xu̱u̱ tya'a ma̱ lo'o nu xña'a̱, lo'o li' xna nu cuxi bi', tyu'u clya bi' su ndi'i̱ ma̱ li'.