1 PEDRO 4:1 - Chatino Tataltepec

¹ Lo'o ndyi'u ti' ma̱ cha' nchcube' Cristo nde chalyuu, li' caca nguula la ti' ma̱ cha' talo tyiquee ma̱ lo'o chcube' cu'ma̱; ñi'ya̱ nu ndalo tyiquee ycui' Cristo, jua'a̱ taca talo tyiquee ma̱ lo'o chcube' ma̱ li'. Nga'aa caca cua'ni cha' cuxi ngana ji'i̱ ma̱ si lo'o cu'ma̱ chcube' ma̱ jua'a̱.

1 PEDRO 4:1 Referans Kwoze

GÁLATAS 5:24

Cua ngujuii Cristo lo crusi cha' cati̱ qui'ya nu ntsu'u ji'na; bi' cha' cua ngua'ni tye na ji'i̱ lcaa cha' cuxi nu ntsu'u ne' cresiya ji'na tya tsubi' la, lcaa na nu ndacui ti' na ji'i̱ nquicha', ngua'ni tye na ji'i̱ xqui'ya cha' ntsu'u cha' ji'na lo'o ycui' Cristo. Lo'o jua'a̱ lcaa cha' nu tiji̱' ti' na ji'i̱, cua nguxtyanu na ji'i̱ cha' cuxi bi' juani.

1 PEDRO 3:18

Ycui' Cristo ngujuii xqui'ya qui'ya nu ntsu'u ji'na, masi lubii tsiya' ti cresiya ji'i̱ yu; nchcube' yu cuentya ji'na, cha' cuxi tsa tyiquee na. Lo'o juani taca tyalaa na slo ycui' Ndyosi xqui'ya nu Cristo bi'. Sca ti quiya' ngua cha' ti'í bi' ji'i̱ Cristo, ndye cña ji'i̱ yu nde loyuu chalyuu li'. Ndyujuii ngu' ji'i̱ nu ñati̱ nu naa Jesucristo bi', pana ngua'ni Xtyi'i ycui' Ndyosi cha' ndyu'ú yu chaca quiya'.

ROMANOS 6:11

Lo'o jua'a̱ cu'ma̱ ni, ñi'ya̱ si cua ngua'ni tye ma̱ tsiya' ti ji'i̱ cha' cuxi nu ntsu'u ne' cresiya ji'i̱ ma̱, jua'a̱ culacua ti' ma̱; ñi'ya̱ si cua ndyu'ú ma̱ chaca quiya' cha' xcui' cua'ni ma̱ cña ji'i̱ ycui' Ndyosi stu'ba ti lo'o Jesucristo nu Xu'na na, jua'a̱ culacua ti' ma̱.

GÁLATAS 2:20

Cuentya ji'i̱ cha' cusu' bi' laca na' ñi'ya̱ laca si cua ngujuii na', ñi'ya̱ laca si stu'ba ti nga'a̱ na' lo crusi lo'o Jesús; juani nga'aa si'i ycui' ca ti na' laca na' loo ne' cresiya 'na, cha' Cristo laca nu laca loo ne' cresiya 'na juani. Ndi'i̱ tso'o ti na' chalyuu juani sca ti xqui'ya cha' jlya ti' na' ji'i̱ cña nu cua ngua'ni ycui' Jesús, nu sca ti Sñi' ycui' Ndyosi; bi' laca nu ntsu'u tsa tyiquee ña'a̱ jna', bi' laca nu cua nda chacuayá' ji'i̱ ngu' cha' cujuii ngu' ji'i̱ ycui' yu cuentya jna'.

ROMANOS 6:7

Lo'o cua ngujuii sca ñati̱ ni, cua ndye cha' ji'i̱ lo'o qui'ya nu ntsu'u ji'i̱ nde chalyuu li'.

EFESIOS 6:13

Pana cha' nu cua nchcui' ycui' Ndyosi lo'o na ni, ñi'ya̱ laca ste' sendaru nu ndya'a̱ cusu̱u̱, jua'a̱ laca cha' bi'; xcui' chcua̱ laca ste' sendaru cha' cua'a ji'i̱ ycui' ca ngu'. Taquiya' ma̱ ji'i̱ cha' bi', xñi tso'o ma̱ ji'i̱ cha' bi' juani; lo'o tyalaa tyempo cuxi bi', li' taca talo ma̱ cha' xu̱u̱ tya'a ma̱ lo'o nu xña'a̱, cha' ngusñi ma̱ cha' tso'o bi', masi tya'a cusu̱u̱ na laca nu xña'a̱ bi'. Si jua'a̱ cua'ni ma̱, nu lo'o tye cha' cusu̱u̱ bi', li' tya tyu̱ ma̱ ñi'ya̱ nu ndu̱ ti ma̱.

FILIPENSES 2:5

Tso'o si culacua ti' ma̱ ñi'ya̱ nclyacua ti' ycui' Jesucristo. Ndi'ya̱ ngua cha' ji'i̱ yu:

ROMANOS 6:2

Ná tso'o tsiya' ti cua'ni na ñi'ya̱ nu ngua'ni na sa'ni la. Juani laca na ñi'ya̱ laca si cua ngujuii na lo'o Cristo, cha' xa' tyucui̱i̱ tsaa na juani; ná tso'o si ña'a̱ ti tya cua'ni na cha' cuxi lacua.

HEBREOS 12:3

Culacua tso'o ti' ma̱ ji'i̱ lcaa cha' cuxi nu ngua ji'i̱ Jesús tyempo bi'. Ndalo tsa tyiquee yu ji'i̱ cha' cuxi bi' li', masi liye' tsa ti' ngu' cuxi ña'a̱ ngu' ji'i̱ yu. Bi' cha' lo'o cu'ma̱ ni, ná ntsu'u cha' ca ñu'u̱ ti' ma̱ xqui'ya Jesús, ná ntsu'u cha' ca taja ti' ma̱ ji'i̱ Ni.

HEBREOS 4:10

Masi tye cña ji'na nde chalyuu, tsaa na ca slo ycui' Ndyosi, li' taca tyi'i̱ tso'o ti na lo'o Ni ca bi', ñi'ya̱ nu nguti'i̱ ycui' Ndyosi lo'o ngua'ni tye Ni cña ji'i̱ Ni lo'o ngua tsa̱ nchca cati bi'.

1 PEDRO 2:21

Tya lo'o ngusubi Ni ji'i̱ ma̱, tya li' jlo ti' Ni cha' jua'a̱ xcube' ngu' ji'i̱ ma̱, cha' la cui' jua'a̱ nguxcube' ngu' ji'i̱ ycui' Cristo tya clyo la cuentya ji'i̱ cu'ma̱. Jua'a̱ ngua cha' ngulu'u Cristo ji'i̱ ma̱ ñi'ya̱ caca talo tyiquee ma̱ lo'o xcube' ngu' ji'i̱ ma̱.

SAN MARCOS 3:3

Lo'o li' nchcui' yu lo'o nu quicha bi': ―Ca̱a̱ nu'u̱, tyu̱ cla'be ne' laa re ―nacui̱ Jesús ji'i̱.