1 PEDRO 3:13 - Chatino Tataltepec

¹³ Ná ntsu'u cha' cua'ni cuxi ngu' lo'o ma̱, si xcui' cha' tso'o ti cua'ni ma̱.

1 PEDRO 3:13 Referans Kwoze

1 TESALONICENSES 5:15

Si cua'ni xña'a̱ ñati̱ lo'o ma̱, ná chcui' ma̱ cha' ti'í ji'i̱ ngu' bi' li'; xtyucua ma̱ ji'i̱ ngu' tya'a ma̱ cha' talo ma̱ ji'i̱ ngu' xña'a̱, cha' xcui' tso'o ti cua'ni ma̱ lo'o lcaa ñati̱, masi lo'o tya'a ma̱, masi lo'o xa' ñati̱.

ROMANOS 8:28

Jlo ti' na cha' cua nda ycui' Ndyosi chacuayá' ñi'ya̱ caca lcaa cha' nu ndyaca chalyuu, cha' caca tso'o chalyuu su ndi'i̱ na si ntsu'u tyiquee na ña'a̱ na ji'i̱ Ni. Na cua ngusubi Ni ji'na juani, cha' caca na ñi'ya̱ nu ngua ti' Ni tya clyo cha' caca na.

3 JUAN 1:11

Cusu', ná tyatí̱ yu'u ma̱ lo'o cha' cuxi nu ntsu'u chalyuu, tso'o la si tyi'u ti' ma̱ ji'i̱ lcaa cha' nu tso'o ti. Lcaa ñati̱ nu xcui' clyana cha' tso'o nu cua'ni ngu' cha' xtyucua ngu' ji'i̱ xa' la tya'a ñati̱ ngu', cua ntsu'u cha' ji'i̱ ngu' bi' lo'o ycui' Ndyosi; lcaa ñati̱ nu xcui' clyana cha' cuxi cha' cua'ni ngu', bilya tyu'u cha' ji'i̱ ngu' bi' tsiya' ti lo'o ycui' Ndyosi.

1 TIMOTEO 5:10

Scua ngu' xtañi ma' cusu' nu nchcui' ngu' ji'i̱ cha' tso'o tsa cña ndu'ni ma' cusu' bi': si cua ngua'ni cu'ú tso'o ma' ji'i̱ nu sube; si cua nda ma' su tyi'i̱ ñati̱ nu lijya̱ tyijyu'; si cua nguxtyucua ma' ji'i̱ tya'a ñati̱ ji'i̱ Jesucristo, masi tlyu cña ntsu'u cha' cua'ni ma'; si ngua tya'na ti' ma' ji'i̱ ñati̱ nu quicha ti'. Si jua'a̱ xcui' cña tso'o ndu'ni ma' cusu' bi', scua ngu' xtañi ma' lo quityi bi' lacua.

1 CORINTIOS 14:1

Cua'ni ma̱ cha' xcui' tso'o tyu'u tyiquee ma̱ ña'a̱ ma̱ ji'i̱ tya'a ñati̱ ma̱ lacua. Lo'o jua'a̱ jña ma̱ chacuayá' ji'i̱ ycui' Ndyosi cha' taca cua'ni ma̱ la cui' cña nu nda Xtyi'i ycui' Ni ji'na. Pana lo'o chaca cña ntsu'u nu ndulo tsa ji'i̱ ma̱, cha' ca tsa'a̱ ma̱ ta ma̱ cha' lo'o ñati̱, lcaa ña'a̱ cha' nu cua nti' ycui' Ndyosi cha' ta Ni lo'o ngu' bi'.

ROMANOS 13:3

pana ná caca xcutsi̱i̱ ngu' nu laca loo ji'na si cña tso'o ti ndyu'ni na, sca ti ji'i̱ ngu' xña'a̱ xcutsi̱i̱ ngu' bi'. Si chañi cha' nti' ma̱ cha' ná cutsi̱i̱ ma̱ ji'i̱ ngu' nu laca cña, xcui' cha' tso'o ti cua'ni ma̱ li'. Ná tyiquee' lo'o ngu' nu laca cña bi' cua'ni chi̱ ngu' loo ma̱, si jua'a̱ xcui' cha' tso'o ti ndu'ni ma̱.

EFESIOS 5:1

Ntsu'u tsa tyiquee ycui' Ndyosi ña'a̱ Ni ji'i̱ ma̱, xqui'ya cha' laca ma̱ sñi' ycui' Ni; bi' cha' cua'ni ma̱ cha' caca ma̱ ñi'ya̱ nu laca ycui' Ndyosi tsiya' ti.

TITO 2:14

Nu lo'o nda Jesús chacuayá' cha' ndyujuii ngu' ji'i̱, nda yu tyucui ña'a̱ ycui' ca yu cha' taca clyaá na ji'i̱ nu cuxi. Ngua'ni lubii Ni ji'i̱ cresiya ji'na li' cha' caca na ñati̱ ji'i̱ Ni, cha' tyaja'a̱ na cua'ni na xcui' cha' tso'o li'.