1 PEDRO 3:11 - Chatino Tataltepec

¹¹ Ntsu'u cha' tyaatsu' ngu' bi' ji'i̱ lcaa cha' cuxi nu ntsu'u ji'i̱ ngu', cha' nga'aa cua'ni ngu' cha' cuxi bi'. Xcui' cha' tso'o ntsu'u cha' cua'ni ngu' bi'. Lo'o li' ntsu'u cha' xtyucua ngu' bi' ji'i̱ tya'a ñati̱ ngu' lcaa tsa̱, xqui'ya cha' tso'o ntsu'u tyiquee ngu' bi' ña'a̱ ngu' ji'i̱ tya'a ñati̱ ngu'; jua'a̱ nga'aa xu̱u̱ tya'a ngu' bi' li'.

1 PEDRO 3:11 Referans Kwoze

SAN MATEO 5:9

’Lo'o jua'a̱ tso'o ntsu'u tyiquee ñati̱ nu nxtyucua ji'i̱ tya'a ñati̱ cha' caca tso'o ti ngu' lo'o tya'a cusu̱u̱ ngu'. “Sñi' na'”, ñacui̱ ycui' Ndyosi ji'i̱ ñati̱ nu jua'a̱ xaala' tyiquee tya'a ngu'.

HEBREOS 12:14

Cua'ni cña ti' ma̱ cha' tso'o ti tyi'i̱ ma̱ lo'o lcaa ñati̱, cua'ni ma̱ cha' caca lubii cresiya ji'i̱ ma̱; ni tsaca na, ná caca ña'a̱ na ji'i̱ ycui' Ndyosi si tya lyiji caca lubii cresiya ji'na.

ROMANOS 14:19

Tso'o lacua. Lcaa tya'a na nga'a̱ cha' clyana na cua ña'a̱ ca cha' nu cua'ni cha' caca tyi'i̱ tso'o na lo'o tya'a ñati̱ na, ña'a̱ cha' nu cua'ni cha' xtyucua na ji'i̱ tya'a ñati̱ na, cha' tso'o ti tyi'i̱ na cuentya ji'i̱ Cristo;

COLOSENSES 3:15

Ti̱ ti tyi'i̱ tyiquee ma̱ lacua, xqui'ya cha' ycui' Ndyosi laca loo ji'i̱ ma̱; cua ngusubi Ni ji'i̱ ma̱, jua'a̱ ji'i̱ xa' la tya'a ñati̱ ma̱, cha' caca ma̱ sca ti taju ñati̱ cuentya ji'i̱ ycui' Ni. Tso'o si lcaa hora tya ma̱ xlya'be ji'i̱ ycui' Ni xqui'ya lcaa lo cha'.

ROMANOS 14:17

Nu lo'o laca ycui' Ndyosi loo ji'na ni, ná ndulo tsa cha' ji'na cuentya ji'i̱ sca na nu ndacu na, sca na nu co'o na; nu ndulo tsa ji'na laca cha' tya̱a̱ Xtyi'i ycui' Ndyosi tyanu ne' cresiya ji'na, cha' ca tso'o cresiya ji'na xqui'ya Jesús. Bi' cha' ti̱ ti taca tyi'i̱ tyiquee na chalyuu, taca ca chaa ti' na xqui'ya ycui' Ndyosi; lcaa cha' bi' caca nu lo'o laca Ni loo ji'na.

ROMANOS 12:18

Cua'ni ma̱ cha' cajá ñi'ya̱ tyi'i̱ tso'o ti ma̱ lo'o lcaa ñati̱, cha' ná caja tya'a cusu̱u̱ ma̱.

3 JUAN 1:11

Cusu', ná tyatí̱ yu'u ma̱ lo'o cha' cuxi nu ntsu'u chalyuu, tso'o la si tyi'u ti' ma̱ ji'i̱ lcaa cha' nu tso'o ti. Lcaa ñati̱ nu xcui' clyana cha' tso'o nu cua'ni ngu' cha' xtyucua ngu' ji'i̱ xa' la tya'a ñati̱ ngu', cua ntsu'u cha' ji'i̱ ngu' bi' lo'o ycui' Ndyosi; lcaa ñati̱ nu xcui' clyana cha' cuxi cha' cua'ni ngu', bilya tyu'u cha' ji'i̱ ngu' bi' tsiya' ti lo'o ycui' Ndyosi.

SANTIAGO 4:17

Lo'o li' ntsu'u qui'ya ji'i̱ ma̱, cha' ná ntaja'a̱ ma̱ cua'ni ma̱ sca cña tso'o nu ngulo ycui' Ni ji'i̱ ma̱ cha' cua'ni ma̱.

HEBREOS 13:16

La cui' jua'a̱ ná ca taja ti' ma̱ cua'ni ma̱ lcaa cha' tso'o, jua'a̱ xtyucua ma̱ ji'i̱ tya'a ñati̱ ma̱; bi' laca cña nu ndiya ti' Ni cha' cua'ni na cuentya ji'i̱ ycui' Ni.

1 TIMOTEO 6:18

Culo nu'u̱ cña ji'i̱ ngu' culiya' bi' ndi'ya̱: Xcui' cha' tso'o cua'ni ngu'; cua'ni tya'na ti' ngu' ji'i̱ xa' ñati̱, lo'o jua'a̱ tyi'u ti' ngu' ji'i̱ ngu' ti'i, cha' ta ngu' na nu lyiji ji'i̱ ngu' ti'i bi'.

GÁLATAS 6:10

Bi' cha' tso'o si lcaa quiya' lo'o ña'a̱ na ñi'ya̱ caca xtyucua na ji'i̱ cua ña'a̱ ca ñati̱, li' cua'ni clya na cha' xtyucua na ji'i̱ ngu' bi'. Clyo ndu'ni cha' xtyucua na ji'i̱ tya'a na, nu ngu' nu ntsu'u cha' ji'i̱ lo'o Cristo.

GÁLATAS 5:22

Xa' ña'a̱ cña ndu'ni Xtyi'i ycui' Ndyosi ne' cresiya ji'na: ndu'ni Ni cha' tyu'u tyiquee na ña'a̱ na ji'i̱ tya'a ñati̱ na; jua'a̱ ndu'ni Ni cha' chaa ti' na cuentya ji'i̱ Ni, cha' ti̱ ti tyi'i̱ tyiquee na, cha' talo tyiquee na ji'i̱ tya'a ñati̱ na; jua'a̱ ndu'ni Ni cha' ca tya'na ti' na ña'a̱ na ji'i̱ ñati̱, cha' xcui' tso'o ti cua'ni na lo'o ñati̱, cha' liñi ti cua'ni na lo'o ñati̱;

ROMANOS 8:6

Chcuna' chalyuu ji'na, si xcui' cua'ni na cha' cuxi nu ntsu'u nde chalyuu ti; pana caja chalyuu cucui ji'na cha' ti̱ ti tyi'i̱ tyiquee na, si taquiya' na ji'i̱ lcaa cha' nu nchcui' ycui' Ndyosi.

ROMANOS 7:21

Lo'o li' ndi'ya̱ ndyaca cha' 'na lacua: Masi nti' tsa na' cua'ni na' sca cha' tso'o nquicha', nchca cuayá' ti' na' cha' xcui' cha' cuxi ntsu'u ne' cresiya jna'.

ROMANOS 5:1

Jua'a̱ laca lacua; xqui'ya cha' ngusñi ti na cha' ji'i̱ Jesús, bi' cha' cua ngua tso'o cresiya ji'na cuentya ji'i̱ ycui' Ndyosi. Lo'o li' ti̱ ti ndi'i̱ tyiquee na, stu'ba ti ntsu'u cha' ji'na lo'o ycui' Ndyosi xqui'ya Jesucristo nu Xu'na na.

SAN JUAN 17:15

Bi' cha' chcui' na' lo'o nu'u̱ juani, Sti na' ―nacui̱ Jesús―, cha' nti' na' cha' ña'a̱si̱i̱ nu'u̱ ji'i̱ ngu' bi', cha' ná cua'ni lya' ti' nu xña'a̱ ji'i̱ ngu', masi si'i cha' ca̱a̱ ca̱qui'ya nu'u̱ ji'i̱ ngu' bi' chcui' na' lo'o nu'u̱.

SAN MATEO 6:13

Ná ta nu'u̱ chacuayá' cha' cojolaqui cha' cuxi ji'i̱ ya, pana cua'ni lyaá nu'u̱ ji'i̱ ya ya' nu xña'a̱. Nu'u̱ laca loo tsiya' ti; lcaa chacuayá' nu ntsu'u nde chalyuu, lo'o jua'a̱ chacuayá' nu ntsu'u nde cua̱, jinu'u̱ ntsu'u lcaa chacuayá' bi'. Ná nga'a̱ cha' tye cha' tlyu tsa laca nu'u̱. Jua'a̱ caca cha' tu'ni. Jua'a̱ ñacui̱ ma̱ ji'i̱ ycui' Ndyosi.

SAN MATEO 5:45

Li' taca tyuloo ñati̱ ji'i̱ ma̱ cha' laca ma̱ sñi' ycui' Ndyosi nu ntucua nde cua̱. Ndu'ni Ni cha' stu'ba ti tyucua cuichaa, masi ca su ndi'i̱ ñati̱ cuxi, masi ca su ndi'i̱ ñati̱ tso'o; ndu'ni Ni cha' stu'ba ti ca'ya tyo, masi ca su ndi'i̱ ñati̱ tso'o, masi ca su ndi'i̱ ñati̱ cuxi. Bi' cha' tso'o la si stu'ba ti cua'ni ma̱ lo'o lcaa ñati̱.

ROMANOS 7:19

Ná nchca jna' cua'ni na' cha' tso'o nu nti' na' cua'ni; ña'a̱ ti ndu'ni na' cha' cuxi, masi nga'aa nti' na' cua'ni na' jua'a̱.

SAN LUCAS 6:35

Pana nu cu'ma̱ ni, ntsu'u cha' tyu'u tso'o tyiquee ma̱ ña'a̱ ma̱ ji'i̱ tya'a cusu̱u̱ ma̱, cua'ni ma̱ cha' tso'o lo'o ngu' bi'. Ta ma̱ jñi' ngu', ná tu̱ ti' ma̱ si ta ngu' sca cha' tso'o ji'i̱ ma̱, si ná ta ngu'. Tlyu tsa cha' tso'o tyacua ji'i̱ ma̱ ca slo ycui' Ndyosi si tso'o ntsu'u tyiquee ma̱ ña'a̱ ma̱ ji'i̱ ngu', cha' jua'a̱ ndu'ni ñati̱ nu laca sñi' ycui' Ndyosi. Lo'o ycui' Ndyosi ni, tya'na ti' Ni ji'i̱ ngu', masi xña'a̱ ngu', masi ná ndya ngu' xlya'be ji'i̱ Ni;

SAN LUCAS 6:9

Li' nda Jesús sca cha' lo'o nu ngu' nu ndu'ni ti cha' tacati bi': ―¿Ni cña tso'o la cha' cua'ni na tsa̱ tacati lacua? ―nacui̱ Jesús ji'i̱ ngu' bi'―. ¿Ha sca cña tso'o cua'ni na li'? ¿Ha tso'o la cua'ni na sca cña cuxi li', nti' ma̱? ―nacui̱―. ¿Ha tso'o la si cua'ni lyaá na ji'i̱ ñati̱ tsa̱ bi', cha' ná cajaa ngu' li'? ¿Ha tso'o la nti' cu'ma̱ masi ta na chacuayá' cajaa ñati̱ li'? ―nacui̱ Jesús ji'i̱ ngu'.

SAN LUCAS 1:79

Li' ta Ni xee bi' cha' tyu'ú ne' cresiya ji'i̱ ngu' nu nga'aa ndyiji ñi'ya̱ cua'ni ngu', cha' talya tsa ña'a̱ ne' cresiya ji'i̱ ngu' bi'. Masi tya lu'ú ngu' bi', pana ñi'ya̱ nti' si na cua ngujuii nti' ngu', xqui'ya cha' cuxi nu ntsu'u ne' cresiya ji'i̱ ngu'. Culu'u Cristo ji'na ñi'ya̱ cua'ni na cha' tyi'i̱ ti̱ ti na lo'o tya'a na. Cua ndye cha' nu nda Zacarías li'.

SAN MARCOS 14:7

Lcaa tsa̱ ndi'i̱ ngu' ti'i lo'o ma̱ nde chalyuu, bi' cha' taca cua'ni ma̱ cha' tso'o lo'o ngu' ti'i ni jacua' nu nti' ti ma̱; pana nu na' ni, cua tye ti tsa̱ nu tyi'i̱ na' lo'o ma̱.

1 PEDRO 3:12

Tso'o la si jua'a̱ cua'ni ngu'; cua'ni tyaca'a ycui' nu Xu'na na ji'i̱ nu ñati̱ nu tso'o tyiquee bi' li', cuna Ni lo'o chcui' ngu' bi' lo'o Ni. Pana lye tyi'i̱ loo Ni ña'a̱ Ni ji'i̱ ñati̱ nu xña'a̱ tyiquee. Jua'a̱ nchcui' lo quityi bi'.