1 PEDRO 1:8 - Chatino Tataltepec

⁸ Ntsu'u tsa tyiquee ma̱ ña'a̱ ma̱ ji'i̱ Jesús, masi bilya ña'a̱ ma̱ ji'i̱ Ni; hasta juani tya lyiji ña'a̱ ma̱ ji'i̱, pana jlya ti' ma̱ cha' lu'ú Ni. Chañi cha' tso'o tsa ntsu'u tyiquee ma̱ juani xqui'ya Jesús, ni ná tye chca cha' chcui' ma̱ lcaa cha' tso'o nu ntsu'u tyiquee ma̱ cuentya ji'i̱ ycui' Jesús lo'o xa' ñati̱.

1 PEDRO 1:8 Referans Kwoze

SAN JUAN 20:29

―Jlya ti' nu'u̱ juani cha' cua na'a̱ nu'u̱ jna' ―nacui̱ Jesús ji'i̱ Tomás―, pana tso'o la caca tyiquee ñati̱ nu jlya ti' 'na lo'o bilya ña'a̱ ngu' 'na.

2 CORINTIOS 5:7

Ndalo na ndi'i̱ na chalyuu xqui'ya cha' jlya ti' na cha' nu nda Ni lo'o na, si'i na cua na'a̱ na ñi'ya̱ caca cha' nde loo la.

ROMANOS 15:13

Bi' cha' juani nti' na' cha' cua'ni Ni cha' xñi tso'o la ma̱ cha' ji'i̱ ycui' Ni, cha' tso'o tsa caca tyiquee ma̱, cha' ti̱ ti taca tyi'i̱ tyiquee ma̱ li'. Nu lo'o tyanu Xtyi'i ycui' Ndyosi ne' cresiya ji'na, li' nga'aa caca taja ti' na lo'o ntajatya na ji'i̱ ycui' Ndyosi cha' ca̱a̱ Ni.

HEBREOS 11:1

Na jlya ti' na ji'i̱ sca cha' lo'o ndu̱ ti' na cha' caca cha' bi', nu lo'o jlo ti' na cha' caca cha' bi' ji'na, masi bilya ña'a̱ na ji'i̱.

SAN JUAN 16:22

Lo'o jua'a̱ cu'ma̱ ―nacui̱―, xti ti tyempo caca xñi'i̱ ti' ma̱; pana ca̱a̱ na' ca̱a̱ na'a̱ na' ji'i̱ ma̱ chaca quiya', lo'o li' caca chaa ti' ma̱ chaca quiya'. Ná tucui taca cua'a ji'i̱ ma̱ cha' ná caca chaa ti' ma̱ li'.

2 CORINTIOS 4:18

Ná ntsu'u tyiquee na ji'i̱ sca na nu tso'o ña'a̱ ti, cha' ná talo lcaa na nu tso'o ña'a̱ bi' tsiya' ti; na nclyana na ji'i̱ sca cha' nu ná nchca ña'a̱ na ji'i̱ juani ti, pana nde loo la tyu'u tucua cha' bi', ña'a̱ na ji'i̱ li'. Bi' laca nu ná nga'a̱ cha' tye cha' ji'i̱.

1 PEDRO 1:6

Bi' cha' caca chaa ti' ma̱ juani, cha' tso'o tsa ntsu'u tyiquee ma̱, masi ntsu'u quiya' xñi'i̱ ti' ma̱ xqui'ya lcaa lo cha' ti'í nu ndyacua ji'i̱ ma̱; pana xti ti tyempo nu ca xñi'i̱ ti' ma̱.

HEBREOS 11:27

Jlya ti' jyo'o Moisés bi' ji'i̱ ycui' Ndyosi, bi' cha' ngutu'u yu loyuu Egipto bi'; ná ndyutsi̱i̱ yu masi ngunasi̱' tsa rey xña'a̱ bi' li', ni ná nguta'a̱chu̱' Moisés tsiya' ti. Ndyalo'o yu ji'i̱ ngu' Israel tyucui̱i̱ tyijyu', ñi'ya̱ si ndyaa lca'a̱ yu ji'i̱ ycui' Ndyosi, masi ná nchca ña'a̱ na ji'i̱ ycui' Ni.

1 PEDRO 2:7

Lo'o cu'ma̱ ni, ndulo tsa cha' ji'i̱ quee bi' cuentya ji'i̱ ma̱, cu'ma̱ nu ngusñi ma̱ cha' ji'i̱ ycui' Ndyosi; pana cuxi tsa cha' caca ji'i̱ ñati̱ nu ná jlya ti' ji'i̱ ycui' Ndyosi tsiya' ti. Ndi'ya̱ nscua cha' lo quityi cha' ji'i̱ quee bi': Cua nguxcua̱a̱ cuityi ni'i̱ quee tonu bi' clyo, cha' ná tso'o ña'a̱ quee bi' ngua ti' ngu'; pana juani cua ngujui cña nu cua'ni quee bi', cha' ndu̱ su ndulo la cha' ji'i̱ cuentya ji'i̱ ycui' Ndyosi.

FILIPENSES 4:4

Nti' na' cha' lcaa tsa̱ caca chaa ti' ma̱ xqui'ya ycui' nu Xu'na na; masi tucua quiya' chcui' na' cha' bi' lo'o ma̱: Nti' na' cha' caca chaa ti' ma̱.

1 PEDRO 5:4

Nu lo'o tyu'u tucua ycui' nu Xu'na na, li' ta Ni na tso'o nu tyacua ji'i̱ ma̱. Ná nga'a̱ cha' tye tsiya' ti na nu ta Ni ji'i̱ lcaa na nu ntsu'u cña ji'na cha' ña'a̱si̱i̱ na ji'i̱ taju ñati̱ ji'i̱ Ni; si'i ñi'ya̱ nti' ngana nu caja ji'na lo'o ndyu'ni na cña nde chalyuu nu yala ti tye bi'.

EFESIOS 6:24

Lo'o jua'a̱ nti' na' cha' ña'a̱ ti cua'ni Ni cha' tso'o lo'o lcaa cu'ma̱ nu ntsu'u tyiquee ma̱ ji'i̱ Jesucristo nu Xu'na na, cu'ma̱ nu nga'aa nti' tya'a̱chu̱' ma̱ ji'i̱ Cristo. Chañi cha' jua'a̱ caca cha' bi'.

FILIPENSES 1:25

Nda ti' na' cha' jua'a̱ caca 'na, cha' tya tyi'i̱ la na' xi chalyuu. Li' taca xtyucua la na' ji'i̱ lcaa cu'ma̱, cha' xñi tso'o la ma̱ cha' ji'i̱ Cristo; jua'a̱ caca chaa la ti' ma̱ lo'o jlya tso'o ti' ma̱ ji'i̱ Ni.

ROMANOS 14:17

Nu lo'o laca ycui' Ndyosi loo ji'na ni, ná ndulo tsa cha' ji'na cuentya ji'i̱ sca na nu ndacu na, sca na nu co'o na; nu ndulo tsa ji'na laca cha' tya̱a̱ Xtyi'i ycui' Ndyosi tyanu ne' cresiya ji'na, cha' ca tso'o cresiya ji'na xqui'ya Jesús. Bi' cha' ti̱ ti taca tyi'i̱ tyiquee na chalyuu, taca ca chaa ti' na xqui'ya ycui' Ndyosi; lcaa cha' bi' caca nu lo'o laca Ni loo ji'na.

SAN JUAN 14:24

Pana ñati̱ nu ná ntsu'u tyiquee jna', ná ndaquiya' ngu' tsiya' ti ji'i̱ cha' nu nchcui' na' lo'o ngu'. Cua ndyuna cu'ma̱ cha' nu nda Sti na' 'na cha' culu'u̱ ji'i̱ ma̱, cha' si'i sca cha' nu nda'ya hique ti na' laca cha' nu nda na' lo'o ma̱.

SAN JUAN 8:42

―¿Ha ycui' Ndyosi laca Sti cu'ma̱ lacua? ¿Ni cha' laca ná ntsu'u tyiquee ma̱ ña'a̱ ma̱ jna' lacua? ―nacui̱ Jesús―. Nde slo ycui' Ndyosi ngutu'u na'; xqui'ya Ni, bi' cha' ndi'i̱ na' nde chalyuu ―nacui̱ Jesús―. Si'i cuentya ji'i̱ ycui' ca ti na' lijya̱ na' chalyuu, ngulo ycui' Ndyosi cña jna' cha' ca̱a̱ na'.

FILIPENSES 3:3

Pana nu na ni, chañi laca cha' ngulacua̱ ycui' Ndyosi ji'na, masi xa' ña'a̱ nchcui' nu ngu' bi'. Cua ndu'ni tlyu na ji'i̱ ycui' Ndyosi xqui'ya Xtyi'i ycui' Ni; chaa tsa ti' na ndi'i̱ na chalyuu nu lo'o cua ngujui chalyuu ji'na xqui'ya Jesucristo, cha' nga'aa jlya ti' na ji'i̱ sca cha' nu ndatsaa ñati̱ chalyuu ji'na cha' cua'ni na ji'i̱.

GÁLATAS 5:22

Xa' ña'a̱ cña ndu'ni Xtyi'i ycui' Ndyosi ne' cresiya ji'na: ndu'ni Ni cha' tyu'u tyiquee na ña'a̱ na ji'i̱ tya'a ñati̱ na; jua'a̱ ndu'ni Ni cha' chaa ti' na cuentya ji'i̱ Ni, cha' ti̱ ti tyi'i̱ tyiquee na, cha' talo tyiquee na ji'i̱ tya'a ñati̱ na; jua'a̱ ndu'ni Ni cha' ca tya'na ti' na ña'a̱ na ji'i̱ ñati̱, cha' xcui' tso'o ti cua'ni na lo'o ñati̱, cha' liñi ti cua'ni na lo'o ñati̱;

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

2 CORINTIOS 12:4

Ca bi' cua ndyuna na' quiña'a̱ tsa cha'; cua ntsu'u tsa cha' nu ná nchca chcui' na' ji'i̱, jua'a̱ ná caja ñi'ya̱ chcui' ñati̱ chalyuu ji'i̱ cha' bi' tsiya' ti.

2 CORINTIOS 9:15

Tso'o tsa laca si tya na xlya'be ji'i̱ ycui' Ndyosi lacua, cha' tlyu tsa cha' tso'o laca nu cua nda Ni ji'na, ni nga'aa nchca ca cuayá' ti' na cha' bi'.

2 CORINTIOS 1:22

Ndi'ya̱ laca ñi'ya̱ si ngusta ycui' Ni sca cuayá' nu ji'i̱ Ni hichu̱' na, nu lo'o nda Ni Xtyi'i ycui' Ni nu ndyanu ne' cresiya ji'na. Xtyi'i ycui' Ndyosi laca nu nda ycui' Ndyosi ji'na yala la, cha' caca cuayá' ti' na cha' chañi cha' cua'ni Ni lo'o na lcaa ña'a̱ cha' nu nacui̱ Ni cha' cua'ni Ni.

LOS HECHOS 16:34

Ndyaa lo'o yu ji'i̱ Pablo lo'o Silas ni'i̱ ji'i̱ yu, cha' ta yu na cacu ngu'. Tso'o tsa tyiquee nu laca loo bi' juani, cha' cua ngusñi yu cha' ji'i̱ ycui' Ndyosi; la cui' ti tso'o ntsu'u tyiquee lcaa ngu' nu ndi'i̱ slo yu.

SAN JUAN 14:21

Lcaa ñati̱ nu chañi cha' ntsu'u tyiquee ngu' ña'a̱ ngu' jna', bi' laca ñati̱ nu cua'a̱ jyaca̱ ji'i̱ lcaa cha' nu chcui' na' lo'o ngu'; taquiya' ngu' bi' ji'i̱ cha' bi' ―nacui̱―. Lo'o ntsu'u tsa tyiquee ngu' ña'a̱ ngu' jna', jua'a̱ Sti na' ntsu'u tyiquee Ni ña'a̱ Ni ji'i̱ ngu' bi' li'. Lo'o na', tso'o tsa caca tyiquee na' ña'a̱ na' ji'i̱ ngu' bi', cuati culu'u na' ji'i̱ ngu' bi' lcaa cha' ñi'ya̱ nu laca ycui' Na'.

SAN JUAN 14:15

’Taquiya' ma̱ ji'i̱ lcaa cha' nu nchcui' na' lo'o ma̱, si chañi cha' ntsu'u tyiquee ma̱ 'na ―nacui̱ Jesús―.

SAN MATEO 10:37

’Tso'o tsa lo'o ndu'ni tyaca'a ngu' ji'i̱ sti ngu', ji'i̱ xtya'a̱ ngu'; pana si xti la ndu'ni tyaca'a ngu' bi' 'na, ná taca tya'a̱ ngu' bi' lo'o na'. Lo'o jua'a̱ tso'o lo'o ndu'ni tyaca'a ngu' ji'i̱ sñi' ngu', masi sñi' qui'yu, masi sñi' cuna'a̱; pana si xti la ndu'ni tyaca'a ngu' bi' 'na, ná taca tya'a̱ ngu' bi' lo'o na'.

1 CORINTIOS 16:22

Chaca tya cha' chcui' na' lo'o ma̱ juani: Si ntsu'u ngu' tya'a ndyu'u ti'i̱ ma̱ nu ná liñi cha' tso'o ntsu'u tyiquee ngu' ña'a̱ ngu' ji'i̱ ycui' nu Xu'na na, xtyanu ti'i̱ ma̱ ji'i̱ ngu' li', cha' xcube' ycui' Ndyosi ji'i̱. ¡Tya̱a̱ nu'u̱, Xu'na, ca su ndi'i̱ ya!

EFESIOS 3:19

Bi' cha' nti' tsa na' cha' ca cuayá' tso'o ti' ma̱ cha' ntsu'u tsa tyiquee Cristo ña'a̱ Ni ji'na, masi sca cha' tlyu tsa nu ná nchca ca cuayá' tso'o ti' na ji'i̱ laca cha' bi'. Lo'o jua'a̱ nti' na' cha' tyi'i̱ ycui' Ndyosi lo'o lcaa ma̱, cha' ná tyu'u tyiquee ma̱ ji'i̱ xa' la cha' tsiya' ti.