1 JUAN 4:6 - Chatino Tataltepec

⁶ Pana ñati̱ ji'i̱ ycui' Ndyosi laca na. Nu lo'o ntsu'u cha' ji'i̱ ñati̱ lo'o ycui' Ndyosi, cuna ngu' lcaa cha' nu chcui' na lo'o ngu' li'; ñati̱ nu ná ntsu'u cha' ji'i̱ lo'o ycui' Ndyosi tsiya' ti, bi' ñati̱ laca nu ná nduna cha' nu nchcui' na. Jua'a̱ taca quijeloo cha' ji'na tilaca laca nu ntsu'u cha' liñi ji'i̱, tilaca laca nu ntsu'u cha' cuiñi ji'i̱.

1 JUAN 4:6 Referans Kwoze

SAN JUAN 14:17

Ná caca tyanu Xtyi'i ycui' Ndyosi ne' cresiya ji'i̱ ñati̱ cuxi, cha' ná nchca ña'a̱ ngu' bi' ji'i̱ Ni, ná nslo ngu' tilaca laca ycui' Ni. Nu cu'ma̱, nslo ma̱ ji'i̱ Ni xqui'ya cha' ndi'i̱ nu bi' lo'o ma̱, lo'o jua'a̱ cua tyanu ti Ni ne' cresiya ji'i̱ ma̱ ―nacui̱ Jesús ji'i̱ ngu'―.

SAN JUAN 10:27

Ñi'ya̱ ndu'ni xlya', jua'a̱ nduna ñati̱ 'na jna' lo'o nchcui' na' lo'o ngu'. Cua nslo na' ji'i̱ ngu', cua ndya'a̱ ngu' lo'o na'.

SAN JUAN 15:26

’Cua'ni na' cha' ca̱a̱ nu laca Xtyi'i ycui' Ni lo yuu, Xtyi'i nu ndu'u slo ycui' Ndyosi ―nacui̱ Jesús―. Bi' laca nu culu'u ji'i̱ ma̱ lcaa cha' nu liñi ca, bi' laca nu xtyucua ji'i̱ ma̱ lcaa tyempo chacuayá' 'na. Nu lo'o ca̱a̱ nu bi' lo yuu, li' culu'u Ni lcaa cha' liñi nu ntsu'u 'na ji'i̱ ma̱ ―nacui̱ Jesús―.

1 JUAN 4:1

Cu'ma̱ tya'a ngusñi na cha' ji'i̱ Cristo nu tyaca'a tsa ma̱ 'na, ná xñi ma̱ cha' ji'i̱ cua ña'a̱ ca ñati̱ nu ñacui̱ cha' cua nda ycui' Ndyosi Xtyi'i ycui' Ni ji'i̱ ngu' bi'. Cua'ni cuayá' ma̱ ji'i̱ ngu' bi' clyo, cha' quijeloo cha' ji'i̱ ma̱ lo'o ngu' si chañi cha' cua ndyanu Xtyi'i ycui' Ndyosi ne' cresiya ji'i̱ ngu' bi', si cha' cuiñi ti laca nu nchcui' ngu' bi'. Cua ndu'u tucua tyu̱u̱ tsa tya'a ngu' cuiñi chalyuu juani, nu nñilo'o ji'i̱ ñati̱ cha' cuentya ji'i̱ ycui' Ndyosi nchcui' ngu'.

1 JUAN 4:4

Cu'ma̱ sñi' na', cua ntsu'u cha' ji'i̱ ma̱ lo'o ycui' Ndyosi, jua'a̱ cua ngua nguula la ti' tyiquee ma̱ xqui'ya Xtyi'i ycui' Ndyosi nu ndyanu ne' cresiya ji'i̱ ma̱ li'; bi' cha' nchca ji'i̱ ma̱ tyiji̱loo ma̱ ji'i̱ ngu' cuiñi nu cua ntsu'u cha' ji'i̱ lo'o ycui' nu xña'a̱. La cui' nu xña'a̱ laca nu nclyo cña ji'i̱ ñati̱ cuxi nde chalyuu.

SAN JUAN 18:37

―¿Ha laca nu'u̱ rey lacua? ―nacui̱ Pilato. Li' nguxtyacui Jesús cha' lo'o nu cusu' bi' chaca quiya': ―Nu'u̱ nacui̱ cha' laca na' rey. Cña nu ntsu'u 'na laca cha' chcui' liñi na' ji'i̱ lcaa cha' nu ntsu'u slo ycui' Ndyosi lo'o ngu'; bi' cha' ngula na' chalyuu, bi' cha' lijya̱ na' lo yuu cha' chcui' liñi na' lcaa cha' ji'i̱ ycui' Ndyosi lo'o ñati̱. Cuna ngu' lcaa cha' nu nchcui' na' si ná ndyacu̱' hique ngu' ji'i̱ cha' liñi bi'.

1 CORINTIOS 14:37

¿Ha ntsu'u chacuayá' ji'i̱ ma̱ cha' chcui' ma̱ cha' nu cua nda ycui' Ndyosi lo'o ngu' nti' ma̱? ¿Ha ji'i̱ cu'ma̱ ti cua nda Ni Xtyi'i ycui' Ni cha' cua'ni ma̱ cña ji'i̱ Ni? Cua'a̱ jyaca̱ ma̱ lacua; cña nu nclyo na' ji'i̱ ma̱ lo'o nscua na' quityi re, chacuayá' ji'i̱ ycui' Ndyosi laca cña bi',

2 TESALONICENSES 1:8

Li' xcube' ycui' Ndyosi ji'i̱ cua ña'a̱ ca ñati̱ nu ná ntaja'a̱ taquiya' ji'i̱ Ni, lo'o jua'a̱ xcube' Ni ji'i̱ ñati̱ nu ná ntaja'a̱ xñi cha' tso'o ji'i̱ ycui' Jesús nu Xu'na na.

SAN JUAN 16:13

Nu lo'o ca̱a̱ Xtyi'i ycui' Ndyosi nu tyu'u nde slo ycui' Ni, li' culu'u nu bi' lcaa cha' nu liñi ca ji'i̱ ma̱; li' chcui' liñi nu bi' lo'o ma̱ lcaa cha' nu cuentya 'na ―nacui̱―. Ná chcui' nu bi' chacuayá' ji'i̱ ycui' ca Ni; tsa ña'a̱ cha' nu cua ndyuna ti Ni ca slo ycui' Ndyosi, bi' ti cha' ta nu bi' lo'o ma̱ ―nacui̱ Jesús―. Lo'o jua'a̱ ta nu bi' cha' lo'o ma̱, lcaa cha' nu caca jna'.

1 JUAN 4:8

Pana ñati̱ nu ná ntsu'u tyiquee ña'a̱ ji'i̱ tya'a ñati̱, ná caja ñi'ya̱ nu tyu'u cha' ji'i̱ ngu' bi' lo'o ycui' Ndyosi tsiya' ti, cha' ycui' Ndyosi ni, ntsu'u tsa tyiquee Ni ña'a̱ Ni ji'i̱ ñati̱.

1 TIMOTEO 4:1

Xqui'ya Xtyi'i ycui' Ndyosi nchca cuayá' ti' na ñi'ya̱ caca tyempo nde loo la, cha' ntsu'u ñati̱ nu cua ngusñi tyucui̱i̱ ji'i̱ Jesucristo nquicha', lo'o li' tyu'utsu' ngu' bi' tyucui̱i̱ ji'i̱ ycui' nu Xu'na na. Xtyanu ñati̱ bi' ji'i̱ Ni li', cha' cñilo'o cui'i̱ cuxi nu ndu'ni cña cuentya ji'i̱ nu xña'a̱ ji'i̱ ngu'; tyiji̱loo cui'i̱ cuxi bi' ji'i̱ ngu' bi' li'.

SAN JUAN 13:20

Ta na' sca cha' liñi lo'o ma̱ ―nacui̱ yu―. Nu lo'o taquiya' ma̱ ji'i̱ sca ñati̱ nu ta na' cha' tya'a̱ slo ma̱, li' stu'ba laca si taquiya' ma̱ jna'; lo'o taquiya' ma̱ jna', li' stu'ba laca si taquiya' ma̱ ji'i̱ ycui' Ndyosi Sti na' nu nda jna' lijya̱a̱.

SAN JUAN 8:19

―¿Macala ntsu'u Sti nu'u̱ lacua? ―nacui̱ ngu' ji'i̱ Jesús li'. ―Ná nslo ma̱ jna' tsiya' ti, lo'o la cui' ti ná nslo ma̱ ji'i̱ Sti na' ―nacui̱ Jesús ji'i̱ ngu'―. Si cua ndyuloo ma̱ jna', la cui' jua'a̱ cua ndyuloo ma̱ ji'i̱ Sti na' li'.

SAN LUCAS 10:22

Li' nchcui' yu lo'o ngu' nu ndyaa cuentya ji'i̱ yu bi': ―Cua nda Sti na' lcaa na jna'. Ná tucui jlo ti' cha' laca na' Sñi' ycui' Ni; sca ti ycui' Sti na', bi' nu jlo ti'. Ná tucui jlo ti' tilaca laca ycui' Sti na'; sca ti na', jlo ti' na' tilaca laca Ni. Lo'o jua'a̱ ca jlo ti' xi xa' la ñati̱ nu nti' na' cha' culu'u na' ji'i̱ ngu' tilaca laca ycui' Sti na', ca cuayá' ti' ngu' bi' li'.

JUDAS 1:17

Cu'ma̱ ngu' tya'a tso'o na nu tyaca'a tsa ma̱ 'na, nga'a̱ cha' tyi'u ti' ma̱ cha' nu nchcui' ñati̱ lo'o na, nu ñati̱ nu cua ngua tsa'a̱ ji'i̱ Jesucristo nu Xu'na na tya clyo.

2 PEDRO 3:2

Ntsu'u cha' tyi'u ti' ma̱ cha' nu cua nchcui' ngu' nu ngua tu'ba ji'i̱ ycui' Ndyosi cua sa'ni la; tso'o si tyi'u ti' ma̱ cha' bi' lu'ba ti, lo'o jua'a̱ ji'i̱ cha' nu cua nchcui' ycui' nu Xu'na na nu ngua'ni lyaá ji'na. Cua ngusubi ycui' nu Xu'na na ji'i̱ ya cha' culu'u ya cha' ji'i̱ ycui' Ni ji'i̱ cu'ma̱, bi' cha' tso'o si taquiya' ma̱ ji'i̱ lcaa cha' nu cua ndyuna ma̱ lo'o ngulu'u ya ji'i̱ ma̱.

2 CORINTIOS 10:7

Na la xña nchcui' ti ma̱ ji'i̱ ya. Pana tso'o la si culacua xi ti' ma̱ ñi'ya̱ ndyu'u scaa cha' nu liñi ca; nu ñati̱ nu nti' cha' cuentya ji'i̱ Cristo laca ngu' bi' ni, ndu'ni cha' culacua tso'o la xi ti' ngu' bi', cha' caca cuayá' ti' ngu' li', cha' lo'o cuare laca ya cuentya ji'i̱ Cristo.

ROMANOS 11:8

Ndi'ya̱ nchcui' quityi cusu' cha' ji'i̱ ngu' bi': “Nga'aa nda ycui' Ndyosi chacuayá' cha' ca cuayá' ti' ngu' bi'. Laca ngu' bi' ñi'ya̱ si ntsu'u cloo ngu', pana ná sca na ña'a̱ ngu' tsiya' ti; laca ngu' ñi'ya̱ si ntucuá jyaca̱ ngu', pana ná nduna ngu' tsiya' ti. Lo'o jua'a̱ ña'a̱ ti ndu'ni ngu' bi' juani.”

ROMANOS 1:1

Pablo laca na' nu nscua̱ quityi re cha' ca̱a̱ nde quichi̱ Roma ca su ndi'i̱ ma̱, cu'ma̱ nu ngusñi ma̱ cha' ji'i̱ Jesucristo. Ndyu'ni na' cña ji'i̱ ycui' Ndyosi, cha' ycui' Ni ngusubi Ni jna' cha' tsa'a na' chcui' na' cha' tso'o ji'i̱ Ni lo'o ñati̱.

SAN JUAN 20:21

Chaca quiya' nchcui' Jesús lo'o ngu' li': ―Ti̱ ti tyi'i̱ tyiquee ma̱, ná culacua tsa ti' ma̱ ―nacui̱ yu ji'i̱ ngu'―. Ñi'ya̱ lo'o nda Sti na' 'na lijya̱a̱ chalyuu, jua'a̱ ta na' ji'i̱ ma̱ cha' tsaa ma̱ tyucui ña'a̱ chalyuu.

SAN JUAN 10:16

Tya ntsu'u la xa' ñati̱ 'na nu ndi'i̱ xa' quichi̱, nu ná stu'ba nga'a̱ lo'o taju ñati̱ re; nga'a̱ cha' tsa'a na' tsaqui'ya na' ji'i̱ ngu' bi', cha' lo'o ngu' bi' tya̱a̱ ngu' ca ne' lo'o re. Lo'o li' cuna ngu' cha' nu chcui' na' lo'o ngu'; caca ngu' sca ti taju ñati̱ 'na, lo'o jua'a̱ caca na' nu sca ti Xu'na ngu' ―nacui̱ Jesús―.

SAN JUAN 8:23

Bi' cha' tya nda la Jesús xi cha' lo'o ngu' bi': ―Nde chalyuu su ndi'i̱ cu'ma̱ cuxi tsa ndu'ni ñati̱; pana na' ni, chaca chalyuu ca slo ycui' Ndyosi ngutu'u na' ―nacui̱ yu―. Cua ngui'i̱ ma̱ ji'i̱ nu cuxi nu ndu'ni ñati̱ chalyuu; pana na' ni, ntsu'u tyiquee na' ji'i̱ ycui' Ndyosi Sti na' ca su ntucua ycui' Ni ―nacui̱ Jesús―.

SAN JUAN 10:3

Nslo nu ntsu'u cua̱ to' lo'o ji'i̱ xu'na xlya', bi' cha' nda chacuayá' ndyatí̱ yu bi' ne' lo'o ―nacui̱ Jesús―. Nslo xlya' xtyi'i xu'na ni'; lo'o nxi'ya yu ji'i̱ xlya' ji'i̱ ycui' ca, lijya̱ ni' slo yu, ndya'a̱ lo'o yu ji'i̱ xlya' bi' li'.

1 JUAN 5:19

Jlo ti' na cha' ñati̱ ji'i̱ ycui' Ndyosi laca na, xqui'ya cha' cua ngusñi na cha' ji'i̱ Jesucristo; pana xa' la ñati̱ chalyuu nu ná ndaquiya' ji'i̱ Ni tsiya' ti, ña'a̱ ti tya laca nu xña'a̱ loo ji'i̱ ñati̱ bi'.