1 JUAN 4:21 - Chatino Tataltepec

²¹ Cua ngulo Ni cña bi' ji'na ndi'ya̱: Tso'o ti tyu'u tyiquee ma̱ ña'a̱ ma̱ ji'i̱ ycui' Ndyosi, lo'o jua'a̱ xcui' tso'o ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱.

1 JUAN 4:21 Referans Kwoze

1 JUAN 3:11

Nde nscua la cui' cha' nu cua ndyuna ma̱ lo'o ngusñi ma̱ cha' ji'i̱ Jesús tya clyo: nga'a̱ cha' tyu'u tyiquee na ña'a̱ na ji'i̱ tya'a ñati̱ na.

1 TESALONICENSES 4:9

Ná nga'a̱ cha' scua la na' lo quityi re cha' tso'o ti tyu'u tyiquee ma̱ ña'a̱ ma̱ ji'i̱ ñati̱ tya'a ngusñi ma̱ cha' ji'i̱ ycui' Ni; cua laca ntsu'u tsa tyiquee ma̱ ña'a̱ ma̱ ji'i̱ ngu' bi', xqui'ya cha' cua ngulu'u ycui' Ndyosi ji'i̱ ma̱ ñi'ya̱ nu cua'ni ma̱ lo'o tya'a ma̱.

1 PEDRO 3:8

Lcaa cu'ma̱ ni, nga'a̱ cha' caca stu'ba tyiquee ma̱ lo'o tya'a ma̱, cha' tya'a ngusñi ma̱ cha' ji'i̱ Cristo laca ma̱; nga'a̱ cha' cube ti' ma̱ ji'i̱ tya'a ma̱, nga'a̱ cha' cua'ni tyaca'a ma̱ ji'i̱ lcaa tya'a ma̱. Lo'o jua'a̱ cua'ni tya'na ti' ma̱ ji'i̱ tya'a ma̱, ná cua'ni liye' ti' ma̱ ña'a̱ ma̱ ji'i̱ ngu' bi'.

GÁLATAS 5:14

Li' taca cua'ni na lcaa cña nu nti' ycui' Ndyosi cha' cua'ni na, si taquiya' na ji'i̱ sca ti cha'cña nu nchcui' ndi'ya̱: “Nga'a̱ cha' tso'o ti tyu'u tyiquee na ña'a̱ na ji'i̱ xa' la ñati̱, ñi'ya̱ nu tso'o tsa ntsu'u tyiquee na ña'a̱ na ji'i̱ ycui' ca ti na”.

SAN JUAN 15:12

Nde laca cña nu ta na' ji'i̱ ma̱ ―nacui̱ Jesús―, cha' tso'o ti caca tyiquee ma̱ ña'a̱ ma̱ ji'i̱ tya'a ñati̱ ma̱, ñi'ya̱ ntsu'u tyiquee na' ña'a̱a̱ ji'i̱ ma̱.

1 JUAN 3:23

Nde laca cña nu cua nda ycui' Ndyosi cha' cua'ni sa scaa na: nga'a̱ cha' xñi tso'o na cha' ji'i̱ Jesucristo Sñi' ycui' Ni; la cui' jua'a̱ tso'o ti tyu'u tyiquee na ña'a̱ na ji'i̱ tya'a ñati̱ na, ñi'ya̱ nu cua nacui̱ ycui' Ni ji'na.

1 JUAN 3:14

Xcui' nguna' tya ndi'i̱ na chalyuu cua tsubi' la xqui'ya qui'ya nu ntsu'u ji'na; pana juani, cua nda ycui' Ndyosi chaca chalyuu cucui ji'na, cha' tso'o ti ndi'i̱ tyiquee na juani. Ntsu'u tsa tyiquee na ña'a̱ na ji'i̱ xa' la tya'a ntsu'u cha' ji'na lo'o Jesucristo; bi' cha' taca jlo ti' na cha' cua ntsu'u chaca chalyuu cucui ji'na juani, cha' ñati̱ nu ná ntsu'u tyiquee ña'a̱ ji'i̱ tya'a ñati̱, nguna' tya ndi'i̱ ngu' chalyuu.

1 PEDRO 4:8

Nu cha' nu ndulo tsa cha' cua'ni ma̱ ni, bi' laca cha' xcui' tso'o caca tyiquee ma̱ ña'a̱ ma̱ ji'i̱ tya'a ñati̱ ma̱. Lo'o si jua'a̱ nti' na ña'a̱ na ji'i̱ tya'a na, ndyu'ni clyu ti' na ji'i̱ qui'ya nu ntsu'u ji'i̱ tya'a na li'.

SAN LUCAS 10:37

―Nu ngua'ni tya'na ti' ji'i̱ yu quicha bi' ―nacui̱ mstru cha' jo'ó bi' ji'i̱ Jesús. Li' nacui̱ Jesús ji'i̱ mstru bi': ―Yaa nu'u̱ lacua, lo'o la cui' jua'a̱ cua'ni nu'u̱ lo'o tya'a ñati̱ nu'u̱.

1 JUAN 4:11

Cu'ma̱ ngu' tya'a na nu tyaca'a tsa ma̱ 'na, nga'a̱ cha' tso'o ti tyu'u tyiquee na ña'a̱ na ji'i̱ tya'a ñati̱ na, cha' jua'a̱ ntsu'u tsa tyiquee ycui' Ndyosi ña'a̱ Ni ji'na.

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

1 JUAN 3:18

Cu'ma̱ sñi' na', nu lo'o ntsu'u tsa tyiquee na ña'a̱ na ji'i̱ ycui' Ndyosi lo'o ji'i̱ tya'a ñati̱ na, si'i sca cui̱i̱ ti laca nu chcui' na lo'o ngu', si'i sca cha' nu nda ti na lo'o ngu' caca bi'; tyucui tyiquee na nga'a̱ cha' xtyucua na ji'i̱ nu ngu' tya'a na bi'.

SAN MATEO 5:43

’Cua ndyuna ma̱ cha' nu nchcui' jyo'o cusu' sa'ni. Ndi'ya̱ nacui̱: “Cua'ni tyaca'a ma̱ ji'i̱ ngu' tya'a ma̱, lo'o jua'a̱ ca ti'í ti' ma̱ ji'i̱ tya'a cusu̱u̱ ma̱”.

1 JUAN 2:7

Cu'ma̱ tya'a ngusñi na cha' ji'i̱ Jesús, cua nscua cha' lo quityi re cha' tyaja'a̱ ma̱ tyu'u tso'o tyiquee ma̱ ña'a̱ ma̱ ji'i̱ tya'a ñati̱ ma̱. Si'i sca cha' nu bilya cuna ma̱ laca cha' bi'; cua ndyuna ma̱ cha' bi' tya lo'o ngusñi ma̱ cha' ji'i̱ Jesucristo tya clyo la, cha' la cui' ti cha' bi' laca nu cua nscua cua sa'ni.