1 JUAN 3:4 - Chatino Tataltepec4 Si ndu'ni na cha' cuxi, laca cha' ná ntaja'a̱ na cua'ni na cña nu ngulo ycui' Ndyosi ji'na; ntsu'u qui'ya ji'na xqui'ya cha' ná ntaja'a̱ na taquiya' na ji'i̱ cha' nu nchcui' Ni lo'o na. Gade chapit la |
Nu lo'o tyalaa na' chaca quiya' ca slo ma̱ juani ti, si quije cha' jna' cha' jua'a̱ ndu'ni ma̱, ná tyiquee' quiña'a̱ tsa cha' tyuju'u ti' caca 'na cuentya ji'i̱ ycui' Ndyosi nu laca Xu'na na', nu lo'o ña'a̱ na' ji'i̱ cu'ma̱. Xi'ya tsa na' li', ña'a̱ cuayá' xñii hitya cloo na'; xi'ya na' xqui'ya ngu' nu ngua'ni cha' cuxi bi' tya tsubi' la, cha' bilya ca tyuju'u ti' ngu' bi' ji'i̱ cha' suba' nu ngua'ni ngu', cha' ntsu'u tsa cha' cuxi nu ndyu'ni ngu' lo'o tya'a ngu', cha' ná lubii cresiya ji'i̱ ngu' bi' tsiya' ti.
Bi' cha' juani, nga'aa ta Ni su tyi'i̱ ñati̱ slo ycui' Ni si ná taquiya' ngu' ji'i̱ cua ña'a̱ ca cña̱ nu nda ycui' Ni ji'i̱ ngu' cha' cua'ni ngu', si culu'u ngu' ji'i̱ tya'a ñati̱ ngu' cha' nga'aa ntsu'u cha' taquiya' ngu' ji'i̱ cña bi'. Lo'o jua'a̱ ta Ni su tyi'i̱ ñati̱ ca slo ycui' Ni si taquiya' ngu' ji'i̱ lcaa cña bi', si culu'u ngu' cña bi' ji'i̱ tya'a ñati̱ ngu'.
―La cui' jua'a̱ quiji'i̱ ycui' Ndyosi jinu'u̱ tu'ni ―nacui̱ Pablo ji'i̱ xu'na sti jo'ó bi' li'―. Cuiñi nu'u̱. ¿Ha liñi tsa ndu'ni nu'u̱ nti'? Nde ndyu'ni cuayá' ma̱ jna' cuentya ji'i̱ chacuayá' nu ntsu'u ji'na, pana cua ngulo nu'u̱ cña cha' quiji'i̱ ya' ngu' tu'ba na', masi ná ntsu'u chacuayá' cua'ni nu'u̱ jua'a̱.