1 JUAN 3:13 - Chatino Tataltepec

¹³ Cu'ma̱ tya'a ngusñi na cha' ji'i̱ ycui' Ndyosi, ná quiña'a̱ tsa cha' culacua ti' ma̱ si liye' tsa ti' ñati̱ chalyuu ña'a̱ ngu' ji'i̱ ma̱.

1 JUAN 3:13 Referans Kwoze

SAN JUAN 17:14

Lcaa cha' nu cua nchcui' nu'u̱ lo'o na', cua nda na' cha' bi' lo'o ngu' bi' ―nacui̱―. Lo'o juani, ñi'ya̱ lo'o liye' ti' ñati̱ chalyuu 'na, jua'a̱ ca liye' ti' ñati̱ ña'a̱ ji'i̱ ngu' bi', xqui'ya cha' ná ntsu'u cha' ji'i̱ ya lo'o nu cuxi nu ntsu'u nde chalyuu.

SAN LUCAS 21:17

cha' tyucui ña'a̱ chalyuu ntsu'u quiña'a̱ tsa ngu' nu ti'í ti' ngu' ña'a̱ ngu' ji'i̱ ma̱ xqui'ya na'.

SANTIAGO 4:4

cua nguxtyanu ma̱ ji'i̱ ycui' Ndyosi, cua ntsu'u cha' ji'i̱ ma̱ lo'o sca cha' nu cuxi tsa, si jua'a̱ ndyu'ni ma̱. ¿Ha ná nchca cuayá' ti' ma̱ cha' tya'a cusu̱u̱ ycui' Ndyosi laca na, si xcui' cha' ji'i̱ ycui' ca ti na ntsu'u tyiquee na? Na nxu̱u̱ tya'a na lo'o ycui' Ndyosi, si cua'ni tya'a na lo'o nu cuxi nu ntsu'u nde chalyuu.

2 TIMOTEO 3:12

Chañi cha' xcube' ñati̱ ji'i̱ lcaa tya'a na nu nti' na cha' caca lubii cresiya ji'na cuentya ji'i̱ Jesucristo.

SAN MARCOS 13:13

Lye tsa caca ti'í ti' lcaa ñati̱ ji'i̱ ma̱ xqui'ya cha' ñati̱ jna' laca ma̱. Ná cube ti' ma̱; lcaa cu'ma̱ nu talo ma̱ ji'i̱ cha' cuxi bi' ña'a̱ cuayá' nu tye chalyuu, cua'ni lyaá ycui' Ni ji'i̱ ma̱ li'.

ROMANOS 8:7

Tya'a cusu̱u̱ ycui' Ndyosi laca na, si ña'a̱ ti ndu'ni na cha' cuxi ñi'ya̱ nu ndu'ni ñati̱ chalyuu ti; ná nchca ji'na tsiya' ti taquiya' na ji'i̱ cha' nu nda ycui' Ni lo'o na, si ña'a̱ ti tya nti' na cua'ni na cha' cuxi.

SAN JUAN 16:33

Cua nda na' lcaa cha' bi' lo'o ma̱ cha' ti̱ ti tyi'i̱ tyiquee ma̱ xqui'ya na' ―nacui̱―. Nde chalyuu ti'í ti' ñati̱ ña'a̱ ji'i̱ ma̱. Pana ná cube ti' ma̱, cua'ni tlyu tyiquee ma̱; na' laca̱ loo nde chalyuu, cha' cua ntiji̱loo na' tsiya' ti ji'i̱ nu xña'a̱.

SAN JUAN 7:7

cha' ná liye' ti' ngu' ña'a̱ ngu' ji'i̱ ma̱; pana liye' tsa ti' ngu' ña'a̱ ngu' 'na, cha' nchcui' liñi na' lo'o ngu' cuentya ji'i̱ cha' cuxi nu ndu'ni ngu' ―nacui̱―.

SAN LUCAS 6:22

’Lo'o jua'a̱ tso'o ti caca tyiquee cu'ma̱ masi ti'í ti' ngu' ña'a̱ ngu' ji'i̱ ma̱, masi culo'o ngu' ji'i̱ ma̱ ca su ndi'i̱ ma̱, masi suba' tsa chcui' ngu' lo'o ma̱, masi hasta nga'aa nti' ngu' chcui' ngu' lo'o ma̱, xqui'ya cha' jlya ti' ma̱ jna', na' nu cua nda Ni lijya̱a̱ cha' caca na' ñati̱;

SAN MATEO 24:9

’Nu lo'o xana cha' cuxi bi', tejeya' ngu' ji'i̱ ma̱ cha' xcube' ngu' ji'i̱ ma̱, hasta ña'a̱ cuayá' nu cujuii ngu' ji'i̱ ma̱, cha' ntsu'u ngu' tyucui ña'a̱ chalyuu nu caca ti'í ti' ngu' ña'a̱ ngu' ji'i̱ ma̱ xqui'ya na';

SAN MATEO 10:22

Lo'o jua'a̱ caca ti'í ti' lcaa ngu' ña'a̱ ngu' ji'i̱ ma̱ xqui'ya na'. Pana ñati̱ nu talo ji'i̱ lcaa cha' cuxi bi', clyaá ngu' li', caja chalyuu nu ná nga'a̱ cha' tye ji'i̱ ngu' bi'.

LOS HECHOS 3:12

Cua na'a̱ Pedro ji'i̱ ñati̱ cha' quiña'a̱ tsa ngu' ndyalaa ngu' slo. Li' nchcui' Pedro lo'o ngu' quiña'a̱ bi' ñi'ya̱ nu ngua ji'i̱ nu quicha bi': ―Cu'ma̱ ngu' Israel ―nacui̱ Pedro ji'i̱ ngu'―, ¿ni cha' laca ndube tsa ti' ma̱? ―nacui̱―. Na ndu̱ ti ma̱ nxña'a̱ tsa ma̱ ji'i̱ ya ―nacui̱―. Ndube tsa ti' ma̱ ña'a̱ ma̱ na ca ndyaca ji'i̱ nu qui'yu re. Nacui̱ ma̱ cha' nchca tsa ji'i̱ ya; ngua'ni ya cha' ndyaca tso'o yu re xqui'ya cha' tso'o tsa cha' nu ndu'ni ya lcaa tsa̱, nti' ma̱. Si'i jua'a̱. Jesús laca nu ngua'ni cha' ndyaca tso'o quiya' yu re.

SAN JUAN 16:2

masi ná ta ngu' chacuayá' ji'i̱ ma̱ cha' tsaa ma̱ ne' laa ji'i̱ ngu' li' ―nacui̱ Jesús―. Tyalaa sca tyempo nu culacua ti' ngu' cha' cña tacati cua'ni ngu' si cujuii ngu' ji'i̱ ngu' tya'a ma̱.

SAN JUAN 3:7

Ná culacua tsa ti' nu'u̱ cha' nchcui' na' lo'o nu'u̱ cha' ntsu'u cha' cala ñati̱ chaca quiya'.

APOCALIPSIS 17:7

Lo'o li' ndacha' nu xca̱ ji'i̱ ycui' Ndyosi bi' 'na: ―¿Ni cha' laca ndube tsa ti' nu'u̱? ―nacui̱―. Culu'u na' jinu'u̱ cua ña'a̱ ca cha' tucui nu ntsu'u ji'i̱ nu cuna'a̱ nu ntucua chu̱' na'ni chiya'a̱ ña'a̱ jua, nu na'ni nu ntucua cati tya'a hique ni' lo'o tii tya'a sata ni'; culu'u na' jinu'u̱ sca cha' nu ná nchca cuayá' ti' ñati̱ ji'i̱ ―nacui̱―.