1 JUAN 2:26 - Chatino Tataltepec

²⁶ Tsa bi' ti cha' nchcui' na' cuentya ji'i̱ ñati̱ nu nñilo'o ji'i̱ ma̱ jua'a̱.

1 JUAN 2:26 Referans Kwoze

2 JUAN 1:7

Ntsu'u tsa ñati̱ cuiñi nu nchcui' cha' ná chañi cha' ngua Jesús ñati̱ lo'o ya̱a̱ yu chalyuu. Tyucui ña'a̱ lo yuu chalyuu ndya'a̱ ñati̱ nu nchcui' cha' cuiñi bi'; na nñilo'o ngu' bi' ji'i̱ tya'a ñati̱ na, jua'a̱ tya'a cusu̱u̱ ji'i̱ Cristo laca ngu' bi'.

1 JUAN 3:7

Cu'ma̱ sñi' na', ná nti' na' cha' cñilo'o xa' ñati̱ ji'i̱ ma̱. Xcui' tso'o ti ngua'ni Jesucristo nde chalyuu; bi' cha' lacua, lcaa ñati̱ nu ntsu'u cha' ji'i̱ lo'o Jesucristo, cua nscua cha' xcui' cha' tso'o ti cua'ni ngu' bi' laja lo'o tyi'i̱ ngu' chalyuu.

SAN MARCOS 13:22

Cristo cuiñi caca ngu' bi'. Lo'o jua'a̱ tyu'u tucua xi nu cuiñi nu chcui' cha' tu'ba ji'i̱ ycui' Ndyosi laca ycui' ca ngu'; cha' cuiñi ti cua'ni ngu' bi' cha' tlyu, cha' cube tsa ti' xa' ñati̱. Cua'ni ngu' cuiñi bi' jua'a̱, cha' tyiji̱loo ngu' ji'i̱ ma̱ nti' ngu', lo'o jua'a̱ ji'i̱ lcaa ñati̱ nu cua ngusubi ycui' Ndyosi ji'i̱.

COLOSENSES 2:8

Cui'ya tso'o ma̱ cuentya lacua, cha' ná tucui taca cñilo'o ji'i̱ ma̱ lo'o cua ña'a̱ ca cha' cuiñi nu chcui' ngu' lo'o ma̱, masi tajua' tsa chcui' ngu' bi'. Si'i ycui' Cristo nu ntucua quiya' cha' ji'i̱ ngu' lo'o nchcui' ngu' jua'a̱; bi' laca cña cua̱ ti, bi' laca cha' cuiñi nu nchcui' ñati̱ chalyuu ti, masi nchcui' ngu' cha' ji'i̱ sca jo'ó, masi nchcui' ngu' cha' ji'i̱ sca cui'i̱ nu ntsu'u nde chalyuu ti.

1 TIMOTEO 4:1

Xqui'ya Xtyi'i ycui' Ndyosi nchca cuayá' ti' na ñi'ya̱ caca tyempo nde loo la, cha' ntsu'u ñati̱ nu cua ngusñi tyucui̱i̱ ji'i̱ Jesucristo nquicha', lo'o li' tyu'utsu' ngu' bi' tyucui̱i̱ ji'i̱ ycui' nu Xu'na na. Xtyanu ñati̱ bi' ji'i̱ Ni li', cha' cñilo'o cui'i̱ cuxi nu ndu'ni cña cuentya ji'i̱ nu xña'a̱ ji'i̱ ngu'; tyiji̱loo cui'i̱ cuxi bi' ji'i̱ ngu' bi' li'.

2 TIMOTEO 3:13

Pana ngu' nu ndu'ni cha' cuxi ni, cua nscua cha' tya cuxi la cua'ni ngu' bi'; ngu' cuiñi ni, cua nscua cha' tya cuiñi la cua'ni ngu', jua'a̱ ña'a̱ ti tya jlya la ti' ycui' ca ngu' cha' cuiñi li'.

COLOSENSES 2:18

Ná cube ti' ma̱ ji'i̱ cua ña'a̱ ca ñati̱ nu cua'ni tyucuaa ti' lo'o ma̱, ngu' nu tacati la ndu'ni ycui' ngu', nti' ngu', cha' ndyu'ni tlyu ngu' ji'i̱ sca xca̱ nu ntsu'u ji'i̱ ycui' Ndyosi ca nde cua̱; si'i ji'i̱ ycui' Ndyosi ndyu'ni tlyu ngu' bi'. Ñati̱ nu ndu'ni jua'a̱ ni, nti' ngu' cha' xa' la cha' ji'i̱ ycui' Ndyosi cua ngulu'uloo ji'i̱ ngu'. Lye tsa ndu'ni tyucuaa ti' ngu' bi' lo'o tya'a ngu', masi ná ntsu'u cha' cua'ni ngu' bi' jua'a̱, cha' ña'a̱ ti tya ntsu'u cha' cuxi ne' cresiya ji'i̱ ngu' bi';