1 JUAN 2:24 - Chatino Tataltepec

²⁴ Bi' cha' nga'a̱ cha' tyanu tachaa cha' bi' ne' cresiya ji'i̱ ma̱, cha' nu cua ndyuna ma̱ ji'i̱ Jesús tya lo'o ngusñi ma̱ cha' ji'i̱ yu tya clyo. Si tya ndyanu cha' bi' ne' cresiya ji'i̱ ma̱, stu'ba tsa ntsu'u tyiquee ma̱ lo'o Jesucristo masi tya ndi'i̱ ma̱ chalyuu, lo'o jua'a̱ stu'ba ntsu'u tyiquee ma̱ lo'o ycui' Ndyosi Sti na li'.

1 JUAN 2:24 Referans Kwoze

SAN JUAN 14:23

―Ñati̱ nu chañi cha' ntsu'u tsa tyiquee jna', taquiya' ngu' ji'i̱ lcaa cha' nu nchcui' na' lo'o ngu' ―nacui̱ Jesús―. Lo'o li' tso'o tsa caca tyiquee ycui' Ndyosi Sti na' ña'a̱ Ni ji'i̱ ngu' bi'. Cuati ca̱a̱ ya lo'o Sti na' cha' tyanu ya lo'o ngu' bi' ―nacui̱ Jesús―.

1 JUAN 4:13

Cua nda ycui' Ndyosi Xtyi'i Ni cha' tyanu ne' cresiya ji'na, bi' cha' cua ngua jlo ti' na cha' stu'ba ntsu'u tyiquee na lo'o ycui' Ndyosi, lo'o jua'a̱ stu'ba ntsu'u tyiquee Ni lo'o na.

1 JUAN 4:16

Ngua cuayá' ti' na li', cha' ntsu'u tsa tyiquee ycui' Ndyosi ña'a̱ Ni ji'na; jua'a̱ jlya ti' na li', cha' xcui' ntsu'u tsa tyiquee ycui' Ni ña'a̱ Ni ji'i̱ ñati̱ chalyuu. Lo'o ñati̱ nu jua'a̱ tso'o nti' ña'a̱ ngu' ji'i̱ tya'a ñati̱, nu xcui' jua'a̱ ndu'ni ngu' laja lo'o ndi'i̱ ngu' chalyuu, cua stu'ba ntsu'u tyiquee ngu' bi' lo'o ycui' Ndyosi; la cui' jua'a̱ stu'ba ntsu'u tyiquee ycui' Ndyosi lo'o ngu' bi' li'.

APOCALIPSIS 3:3

Tyi'u ti' ma̱ cha' tso'o tsa ngusñi ma̱ cha' 'na nu lo'o ngulu'u ngu' cha' ji'i̱ ma̱ tya clyo; taquiya' ma̱ ji'i̱ cha' bi' chaca quiya', pana culochu̱' ma̱ cha' cuxi nu ndyu'ni ma̱ juani, nacui̱ Jesús. Si ná tyaja'a̱ ma̱ taquiya' ma̱ cha' 'na, li' tsiya' ca tyu'u tucua na' ca̱a̱ na' slo cu'ma̱, ñi'ya̱ nti' lijya̱ sca nu cuaana; ca̱a̱ na' cha' xcube' na' ji'i̱ ma̱ lo'o ná ca tii ma̱ ni hora laca nu ca̱a̱ na', nacui̱ Ni.

1 JUAN 2:7

Cu'ma̱ tya'a ngusñi na cha' ji'i̱ Jesús, cua nscua cha' lo quityi re cha' tyaja'a̱ ma̱ tyu'u tso'o tyiquee ma̱ ña'a̱ ma̱ ji'i̱ tya'a ñati̱ ma̱. Si'i sca cha' nu bilya cuna ma̱ laca cha' bi'; cua ndyuna ma̱ cha' bi' tya lo'o ngusñi ma̱ cha' ji'i̱ Jesucristo tya clyo la, cha' la cui' ti cha' bi' laca nu cua nscua cua sa'ni.

1 JUAN 1:3

Juani culu'u ya ji'i̱ ma̱ cua ña'a̱ ca cha' nu cua na'a̱ ya, culu'u ya cua ña'a̱ ca cha' nu cua ndyuna ya. Chañi laca cha' stu'ba ntsu'u tyiquee na lo'o ycui' Ndyosi Sti na, jua'a̱ lo'o Jesucristo nu sca ti Sñi' ycui' Ni. Lo'o juani cua nti' ya cha' stu'ba ti caca tyiquee ma̱ lo'o ya;

SAN JUAN 15:7

’Nu lo'o stu'ba ti ntsu'u tyiquee ma̱ lo'o na' ―nacui̱ Jesús―, nu lo'o tyanu cha' nu nchcui' na' ne' cresiya ji'i̱ ma̱, li' taca jña ma̱ sca cha' ji'i̱ Sti na', lo'o jua'a̱ ta Ni cha' bi' ji'i̱ ma̱.

APOCALIPSIS 3:11

Cua tya̱a̱ ti na'. Ná ta ma̱ chacuayá' cha' culiji yu'u jua'a̱ ti cha' tso'o nu ntsu'u ne' cresiya ji'i̱ ma̱, tya cua'ni ma̱ ñi'ya̱ nu ngua'ni ma̱ tya sa'ni la. Tii ti ti' tyi'i̱ ma̱ cha' caja chalyuu tso'o nu ta ycui' Ndyosi ji'i̱ ma̱ lo'o tye chalyuu re.

COLOSENSES 3:16

Nga'a̱ cha' tyanu tyucui cha' ji'i̱ Cristo ca ne' cresiya ji'i̱ ma̱. Tso'o tsa ndyu'u cha' bi', bi' cha' tso'o ti culu'u ma̱ cha' bi' ji'i̱ tya'a ma̱ ña'a̱ cuayá' nu cuna tso'o lcaa ngu'. La cui' jua'a̱ cula tu'ba ma̱ lcaa lo ji̱i̱ nu ntsu'u ji'i̱ ycui' Ndyosi, masi ji̱i̱ salmo nu nscua lo quityi nu ngua sa'ni, masi cua ña'a̱ ca ji̱i̱ nu ca'ya hique ma̱ nu nchcui' cha' ji'i̱ ycui' Ndyosi; cula tu'ba ma̱ ji̱i̱ cha' cuna ycui' Ndyosi, xqui'ya cha' tso'o tsa ntsu'u tyiquee ma̱ ña'a̱ ma̱ ji'i̱ ycui' Ni.

1 JUAN 1:7

Pana si lubii cresiya ji'na ñi'ya̱ lo'o lubii cresiya ji'i̱ ycui' Ni, ndu'ni na cha' tso'o li'; stu'ba ti caca tyiquee na lo'o tya'a ngusñi na cha' ji'i̱ Jesús li'. Lo'o jua'a̱ cuityi̱ Ni qui'ya nu ntsu'u ji'na, xqui'ya cha' cua ndyalú tañi Jesús Sñi' ycui' Ni lo'o ngujuii yu lo crusi.

HEBREOS 3:14

Lcaa na lo'o tya'a na, tya ntsu'u cha' ji'na lo'o Cristo si ña'a̱ ti xñi na cha' ji'i̱ Ni ña'a̱ cuayá' nu tye chalyuu ji'na, la cui' ñi'ya̱ lo'o jlya ti' na ji'i̱ yu nu ngua tya clyo.

FILIPENSES 4:15

Cu'ma̱ ngu' Filipos, cua jlo ti' ma̱ ñi'ya̱ ngua lo'o ngutu'u na' nde loyuu su cuentya Macedonia, ndya'a̱ na' nchcui' na' cha' ji'i̱ Jesús lo'o ngu' bi'; li' sca ti taju cu'ma̱ nu ndyu'ni tlyu ma̱ ji'i̱ ycui' Ndyosi ca jua, cua ndya ma̱ msta̱ cha' caca sca xlya'be 'na, xqui'ya cha' tso'o tsa ngua tsa'a̱ ma̱ cha' ji'i̱ Jesús laja lo'o nguti'i̱ na' lo'o ma̱.

3 JUAN 1:3

Lo'o juani tso'o tsa ntsu'u tyiquee na' cha' cua ndyalaa xi ngu' tya'a ntsu'u cha' ji'na lo'o Cristo nu ngutu'u ca su ndi'i̱ ma̱ ya̱a̱ ngu' ca nde. Nacui̱ ngu' cha' ña'a̱ ti ndaquiya' tso'o ma̱ ji'i̱ cha' liñi nu cua nda Jesús lo'o na, cha' jua'a̱ ndu'ni ma̱ lcaa tsa̱.

2 JUAN 1:2

Cua ndyanu tso'o cha' liñi bi' ne' cresiya ji'na, jua'a̱ ná nga'a̱ cha' tye cha' nu cua ndyuna na bi'; bi' cha' tso'o tsa ntsu'u tyiquee na' ña'a̱ na' ji'i̱ ma̱.

HEBREOS 2:1

Tlyu tsa cha' laca ji'i̱ Jesús juani lacua, bi' cha' nga'a̱ cha' xñi tso'o na lcaa cha' nu cua nchcui' Jesús lo'o na, cha' ná tyu'utsu' na ji'i̱ tyucui̱i̱ liñi nu ngusñi na.

SAN JUAN 8:25

―¿Tilaca laca nu'u̱ lacua? ―nacui̱ ngu' ji'i̱ Jesús li'. ―Tya tsubi' ni na' ji'i̱ ma̱ tilaca laca na' ―nacui̱ Jesús li'―.

SAN LUCAS 1:2

Lo'o jua'a̱ ntsu'u ngu' nu ngulu'u cha' bi' ji'na; ngu' bi' ni, cua na'a̱ ngu' cha' bi' clyo, tya lo'o nguxana Jesús ngua'ni yu cña, lo'o jua'a̱ ndyaa ngu' nchcui' ngu' cha' ji'i̱ Jesús lo'o lcaa ñati̱.

SAN LUCAS 9:44

―Cua'a̱ jyaca̱ ma̱ ji'i̱ cha' re, culacua xi ti' ma̱ ji'i̱: Ntsu'u sca ñati̱ nu cujui' cresiya 'na ji'i̱ ngu' tisiya cha' cua'ni cuxi ngu' lo'o na', masi na' nu cua nda Ni 'na lijya̱a̱ cha' caca na' ñati̱ ―nacui̱ Jesús.

SAN JUAN 6:56

Lo'o cua ña'a̱ ca ñati̱ nu jua'a̱ cacu ngu', nu jua'a̱ co'o ngu' cha' nu ta na' ji'i̱ ngu' ―nacui̱―, lcaa tsa̱ tyi'i̱ ngu' bi' lo'o na', tyi'i̱ na' lo'o ngu' bi' li'.

1 JUAN 3:24

Nu lo'o taquiya' na ji'i̱ cña nu cua ngulo ycui' Ndyosi ji'na cha' cua'ni na, li' cua ntsu'u cha' ji'na lo'o ycui' Ndyosi, lo'o jua'a̱ ntsu'u cha' ji'i̱ Ni lo'o na li'. Jlo ti' na cha' bi', xqui'ya cha' cua nda ycui' Ndyosi Xtyi'i ycui' Ni cha' tyanu ne' cresiya ji'na.

1 JUAN 4:15

Ñati̱ nu tyaja'a̱ cacha' ji'i̱ tya'a ñati̱ cha' nu sca ti Sñi' ycui' Ndyosi laca Jesucristo, stu'ba ntsu'u tyiquee ycui' Ni lo'o ngu' bi' li'; jua'a̱ stu'ba ntsu'u tyiquee ngu' bi' lo'o ycui' Ni.

2 JUAN 1:9

Lcaa ñati̱ nu tyatí̱ yu'u lo'o xa' la cha', ná ntsu'u cha' ji'i̱ ngu' bi' lo'o ycui' Ndyosi tsiya' ti, cha' ná cuayá' cha' ji'na lo'o jlya ti' na ji'i̱ Cristo, nti' ngu' bi'; pana lo'o cua ngusñi na cha' ji'i̱ Cristo ca ne' cresiya ji'na, li' stu'ba ntsu'u cha' ji'na lo'o ycui' Ndyosi, jua'a̱ lo'o ycui' nu sca ti Sñi' ycui' Ni.