1 JUAN 2:13 - Chatino Tataltepec

¹³ Nscua na' quityi re cha' ca̱a̱ slo cu'ma̱ ngu' cusu', cha' cua ngujui ñi'ya̱ nu tyu'u cha' ji'i̱ ma̱ lo'o Jesucristo nu stu'ba ti ntucua lo'o ycui' Ndyosi Sti yu tya lo'o nguxana chalyuu. Lo'o jua'a̱ nscua na' quityi re cha' ca̱a̱ slo cu'ma̱ ngu' cuañi', cha' cua ntiji̱loo ma̱ ji'i̱ nu xña'a̱. Cu'ma̱ sñi' na', cua ngujui ñi'ya̱ nu tyu'u cha' ji'i̱ ma̱ lo'o ycui' Ndyosi Sti na, bi' cha' nscua na' quityi re cha' ca̱a̱ slo ma̱.

1 JUAN 2:13 Referans Kwoze

SAN JUAN 14:7

Ndyuloo ma̱ 'na, bi' cha' jua'a̱ cua ndyuloo ma̱ ji'i̱ Sti na' li'; cua ndyuloo ma̱ ji'i̱ Ni juani, cha' cua na'a̱ ma̱ ji'i̱ ycui' Ni nu lo'o cua na'a̱ ma̱ jna'.

1 JUAN 2:14

Cu'ma̱ ngu' cusu', cua ngusñi ma̱ cha' ji'i̱ Jesucristo, la cui' Cristo nu cua lu'ú lo'o ycui' Ndyosi Sti yu tya clyo, bi' cha' nscua na' quityi re cha' ca̱a̱ ca slo ma̱. Cu'ma̱ ngu' cuañi', nguula ti ti' ma̱ ndi'i̱ ma̱, cha' cua ndyanu tso'o cha' ji'i̱ ycui' Ndyosi ne' cresiya ji'i̱ ma̱; cua ntiji̱loo ma̱ ji'i̱ nu xña'a̱, bi' cha' laca nscua na' quityi re cha' ca̱a̱ slo ma̱.

1 JUAN 4:4

Cu'ma̱ sñi' na', cua ntsu'u cha' ji'i̱ ma̱ lo'o ycui' Ndyosi, jua'a̱ cua ngua nguula la ti' tyiquee ma̱ xqui'ya Xtyi'i ycui' Ndyosi nu ndyanu ne' cresiya ji'i̱ ma̱ li'; bi' cha' nchca ji'i̱ ma̱ tyiji̱loo ma̱ ji'i̱ ngu' cuiñi nu cua ntsu'u cha' ji'i̱ lo'o ycui' nu xña'a̱. La cui' nu xña'a̱ laca nu nclyo cña ji'i̱ ñati̱ cuxi nde chalyuu.

1 JUAN 1:1

Cua laca ntucua Jesús lo'o ycui' Ndyosi Sti yu nu lo'o nguxana chalyuu tya clyo; la cui' yu laca nu nchcui' ya ji'i̱, nu lo'o nscua ya tilaca laca Jesucristo. Cua jlo tso'o ti' ya cha' bi', cha' cua na'a̱ tso'o ya ji'i̱ yu lo'o cloo ya, cha' stu'ba ti nguta'a̱ ya lo'o yu; cua ndyuloo ya ji'i̱ yu lo'o cua ngua'ni ca'a̱ ya' ya ji'i̱ ycui' yu. Cua nchcui' ya lo'o cu'ma̱ cha' Jesucristo laca nu nda chaca chalyuu cucui ji'i̱ ñati̱.

SAN LUCAS 10:22

Li' nchcui' yu lo'o ngu' nu ndyaa cuentya ji'i̱ yu bi': ―Cua nda Sti na' lcaa na jna'. Ná tucui jlo ti' cha' laca na' Sñi' ycui' Ni; sca ti ycui' Sti na', bi' nu jlo ti'. Ná tucui jlo ti' tilaca laca ycui' Sti na'; sca ti na', jlo ti' na' tilaca laca Ni. Lo'o jua'a̱ ca jlo ti' xi xa' la ñati̱ nu nti' na' cha' culu'u na' ji'i̱ ngu' tilaca laca ycui' Sti na', ca cuayá' ti' ngu' bi' li'.

SAN JUAN 17:3

Chalyuu nu ta na' ji'i̱ ngu' laca cha' tyuloo ngu' jinu'u̱, nu'u̱ nu laca sca ti ycui' Ndyosi nu ntucua nde cua̱; lo'o jua'a̱ tyuloo ngu' jna', cha' laca na' Jesucristo nu nda nu'u̱ lijya̱a̱.

1 JUAN 5:18

Jlo ti' na cha' nga'aa ndu'ni ñati̱ ji'i̱ Jesucristo cha' cuxi. Jesucristo nu laca nu sca ti Sñi' ycui' Ndyosi, bi' laca nu ndaca'a ji'i̱ ngu', cha' ná taca cala' nu xña'a̱ ji'i̱ ngu' bi' li'.

1 JUAN 3:12

Ná cua'ni na ñi'ya̱ nu ngua'ni jyo'o Caín; sñi' ycui' nu xña'a̱ ngua yu bi', cha' ndyujuii yu ji'i̱ tya'a yu. ¿Ni cha' laca ngua'ni yu jua'a̱? Ndyujuii yu ji'i̱ tya'a yu xqui'ya cha' xcui' cha' cuxi ngua'ni jyo'o Caín bi', bi' cha' ná ndiya ti' yu cha' xcui' cha' tso'o ngua'ni yu tya'a yu bi'.

SAN MATEO 11:27

Lo'o li' tya ngulu'u la Jesús xi ji'i̱ ngu': ―Lcaa chacuaya' ji'i̱ Sti na' ndyanu ya' na'. Ni sca ñati̱ ná jlo ti' ñi'ya̱ laca cha' nu ntsu'u ne' cresiya 'na nu laca̱ Sñi' ycui' Ni; sca ti ycui' Ndyosi Sti na' jlo ti' ñi'ya̱ laca cha' nu ntsu'u ne' cresiya 'na. Lo'o jua'a̱, ni sca ñati̱ ná jlo ti' ñi'ya̱ laca cha' nu ntsu'u ne' cresiya ji'i̱ Sti na'; sca ti na' nu laca̱ Sñi' ycui' Ni jlo ti' na', lo'o jua'a̱ culu'u na' cha' bi' ji'i̱ ñati̱ nu subi na' ji'i̱ cha' ca tsa'a̱ ngu' 'na.

1 JUAN 5:20

Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.

1 JUAN 2:12

Cu'ma̱ sñi' na', nscua na' quityi re cha' ca̱a̱ slo ma̱, xqui'ya cha' ngua'ni clyu ti' ycui' Ndyosi ji'i̱ ma̱; xqui'ya Jesucristo cua ngüityi̱ Ni qui'ya nu ntsu'u ji'i̱ ma̱.

1 JUAN 2:1

Ñi'ya̱ nti' na' ña'a̱a̱ ji'i̱ sñi' na', jua'a̱ nti' na' ña'a̱a̱ ji'i̱ cu'ma̱, cha' tyaca'a tsa ma̱ 'na; bi' cha' nscua na' quityi re cha' ca̱a̱ ca slo cu'ma̱, cha' ná nti' na' cha' sta ycui' Ndyosi qui'ya ji'i̱ ma̱. Pana si ntsu'u cha' sta Ni qui'ya ji'na lo'o cua ngusñi na cha' ji'i̱ Jesucristo, la cui' Jesucristo laca nu cua nchcube' yu cña loo na. Sca ñati̱ nu lubii tsa laca nu Jesucristo bi'.

TITO 2:6

La cui' jua'a̱, ta nu'u̱ cui̱i̱ lo'o nu ngu' qui'yu cuañi' cha' cua'a ngu' ji'i̱ ycui' ca ngu', cha' xcui' cha' tso'o cua'ni ngu'.

2 CORINTIOS 4:6

La cui' ycui' Ndyosi laca nu nda xee lubii ji'i̱ Ni cha' tyanu ne' cresiya ji'na; bi' cha' caca cuayá' ti' na lcaa cha' tlyu nu tso'o tsa nu ntsu'u ji'i̱ ycui' Ndyosi, la cui' ti cha' nu nchca tii na cha' ndyu'ni Ni cña ne' cresiya ji'na nu lo'o xñi na cha' ji'i̱ Cristo. Ycui' Ni ngulo Ni cña cha' tyucua xee ca su ngua chalyuu talya nu ngua tya sa'ni la.

SAN JUAN 16:3

Jua'a̱ cua'ni ngu' bi', cha' ná nslo ngu' ji'i̱ ycui' Ndyosi Sti na'; la cui' jua'a̱ ná nslo ngu' jna' ―nacui̱ Jesús―.

SAN JUAN 14:9

―Felipe ―nacui̱ Jesús ji'i̱―, cua tyu̱u̱ tsa tsa̱ ndi'i̱ na' lo'o cu'ma̱, ¿ha tya lyiji tyuloo ma̱ jna'? ―nacui̱―. Cua na'a̱ ma̱ 'na, bi' cha' jua'a̱ ji'i̱ Sti na' cua na'a̱ ma̱ li'. ¿Na laca nti' nu'u̱ lo'o ndi'ya̱ nchcui' nu'u̱ lo'o na': Culu'u nu'u̱ ji'i̱ Sti nu'u̱ ji'i̱ ya? ―nacui̱ Jesús ji'i̱ Felipe―.

SAN JUAN 8:19

―¿Macala ntsu'u Sti nu'u̱ lacua? ―nacui̱ ngu' ji'i̱ Jesús li'. ―Ná nslo ma̱ jna' tsiya' ti, lo'o la cui' ti ná nslo ma̱ ji'i̱ Sti na' ―nacui̱ Jesús ji'i̱ ngu'―. Si cua ndyuloo ma̱ jna', la cui' jua'a̱ cua ndyuloo ma̱ ji'i̱ Sti na' li'.

SAN MATEO 13:38

Lo'o xtya̱ 'na ni, bi' laca tyucui ña'a̱ chalyuu; lo'o jua'a̱ calya trigo nu ndyaluu lo'o ntyucua si'yu tso'o, bi' laca ñi'ya̱ laca ñati̱ nu cua nda chacuaya' cha' caca Ni loo ne' cresiya ji'i̱ ngu'. Lo'o nu quixi̱' bi' ni, bi' laca ñi'ya̱ laca ñati̱ nu ntsu'u cha' ji'i̱ lo'o nu xña'a̱,

SAN MATEO 13:19

Lo'o cuna ñati̱ cha', ñi'ya̱ nu caca lo'o laca ycui' Ndyosi loo ne' cresiya ji'i̱ ngu', pana ná nchca cuayá' ti' ñati̱ bi' ni cha' laca bi', hora ti cua'ni xu'na cuiñaja cha' cuityi̱ cha' tso'o bi', cha' nga'aa xñi ngu' bi' cha' tso'o bi'. Laca ñati̱ bi' ñi'ya̱ laca lo'o ndyú si'yu to' tyucui̱i̱ ti.

1 TIMOTEO 5:1

Ná cua'ni tyaala nu'u̱ ji'i̱ sca ngu' cusu' si ngua'ni cuxi yu; ta nu'u̱ sca cui̱i̱ lo'o yu ñi'ya̱ lo'o nchcui' na lo'o sti na. La cui' ti cha' lo'o nu ngu' qui'yu cuañi' ni, ta sca cui̱i̱ lo'o ngu' ñi'ya̱ lo'o nclu'u na ji'i̱ tya'a na.

SAN JUAN 17:21

Ndijña na' jinu'u̱ cha' caca stu'ba cresiya ji'i̱ ngu' bi' lo'o tya'a ngu'. Sti na', ñi'ya̱ stu'ba ntsu'u cha' jinu'u̱ lo'o na', ñi'ya̱ stu'ba nchca tyiquee na' lo'o nu'u̱, jua'a̱ cua'ni nu'u̱ cha' caca stu'ba tyiquee ngu' bi' lo'o na; li' taca jlya ti' xa' ñati̱ cha' nu'u̱ nda 'na lijya̱a̱ ―nacui̱ Jesús―.

SAN MATEO 5:37

Tsa bi' ti cha' ñacui̱ ma̱: “Chañi”, si cha' liñi laca; lo'o jua'a̱ ñacui̱ ma̱: “Si'i”, si cha' cuiñi. Cua ña'a̱ ca cha' nu chcui' ma̱ nu lo'o ndu'ni ma̱ jura, cha' ji'i̱ nu xña'a̱ laca bi'.

SAN JUAN 16:33

Cua nda na' lcaa cha' bi' lo'o ma̱ cha' ti̱ ti tyi'i̱ tyiquee ma̱ xqui'ya na' ―nacui̱―. Nde chalyuu ti'í ti' ñati̱ ña'a̱ ji'i̱ ma̱. Pana ná cube ti' ma̱, cua'ni tlyu tyiquee ma̱; na' laca̱ loo nde chalyuu, cha' cua ntiji̱loo na' tsiya' ti ji'i̱ nu xña'a̱.

APOCALIPSIS 2:7

Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱: Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu ji'i̱ ngu'; caja chalyuu nu ná nga'a̱ cha' tye ji'i̱ ngu' bi', lo'o jua'a̱ ta na' chacuayá' cacu ngu' si'yu yaca tso'o nu ndu̱ ca cla'be yuu tso'o su ndi'i̱ ycui' Ni, nacui̱ Jesús.”

APOCALIPSIS 12:11

Nu ngu' tya'a ngusñi na cha' ji'i̱ Jesús ni, cua ntiji̱loo ngu' ji'i̱ nu xña'a̱ bi', xqui'ya cha' ngujuii Jesús nu ñi'ya̱ ña'a̱ xlya' bi'. Ná ntsi̱i̱ ngu' bi' ta ngu' cha' tso'o ji'i̱ Jesús lo'o xa' ñati̱; ntaja'a̱ ngu' bi' chcui' ngu' cha' bi', masi cujuii ñati̱ ji'i̱ ngu' bi' xqui'ya cha' ñasi̱' tsa ñati̱ ji'i̱ Jesús.