1 JUAN 1:5 - Chatino Tataltepec

⁵ Nde culu'u ya ji'i̱ ma̱ cha' nu cua nda Jesucristo lo'o ya: Ñi'ya̱ nti' sca xee nu ndubi tsa ña'a̱, jua'a̱ nti' ycui' Ndyosi si tyu'u tucua Ni slo na; xcui' lubii tsa cresiya ji'i̱ Ni, cha' ne' cresiya ji'i̱ ycui' Ni ná ntsu'u su talya ña'a̱, ná ntsu'u cha' cuxi tsiya' ti.

1 JUAN 1:5 Referans Kwoze

SAN JUAN 8:12

Chaca quiya' nda Jesús cha' lo'o ngu' ne' laa bi'. ―Na' laca̱ nu nda̱ xee cha' tyu'ú ne' cresiya ji'i̱ ñati̱ ―nacui̱ yu―. Tyanu xee lubii jna' ne' cresiya ji'i̱ ñati̱ nu xñi cha' jna', lo'o jua'a̱ ná nga'a̱ cha' tye chalyuu ji'i̱ ngu' bi' li'; nga'aa ntsu'u cha' tya'a̱ yu'u ngu' bi', ñi'ya̱ nu ndu'ni ngu' nu ná ntsu'u xee jna' ne' cresiya ji'i̱ tsiya' ti.

SANTIAGO 1:17

Lcaa cha' xlya'be nu ndyiji ji'na ni, lcaa cha' nu chañi cha' xcui' cha' tso'o laca bi', ca su ntucua ycui' Ndyosi tsiya' ti, ca bi' ngutu'u lcaa cha' bi', la cui' ycui' Ndyosi nu ngüiñá lcaa xee tlyu nu nga'a̱ nde cua̱. Sca ti cuayá' ña'a̱ loo ycui' Ndyosi ña'a̱ Ni ji'na; ná xcutsa'a̱ Ni cha' nu ntsu'u tyiquee Ni ña'a̱ Ni ji'na, cha' ná ntsu'u cha' tya'a̱chu̱' Ni ji'i̱ scaa cha' nu cua nchcui' Ni lo'o ñati̱.

SAN JUAN 1:9

Nu laca xee nu chañi ca, cua lijya̱ yu bi' lo yuu cha' ta xee nu caca tyu'ú ne' cresiya ji'i̱ cua ña'a̱ ca ñati̱.

SAN JUAN 1:4

Ca slo ycui' Ndyosi ndu'u yu bi' ya̱a̱ cha' caca tso'o cresiya ji'i̱ ñati̱ chalyuu na. Ngua'ni yu cha' caca cuayá' ti' na lcaa cha' liñi, xqui'ya xee nu ta Ni cha' tyanu ne' cresiya ji'na.

SAN JUAN 9:5

Lo'o tya tyi'i̱ na' chalyuu, tya ta na' xee nu tyu'ú ne' cresiya ji'i̱ ñati̱.

APOCALIPSIS 22:5

Nga'aa caca talya su ndi'i̱ ngu' ca bi'; bi' cha' nga'aa cua'nijo'o xee cuichaa ji'i̱ ngu', nga'aa nti' cha' cua'a̱ ngu' xee nde ni'i̱. Ycui' Ndyosi nu Xu'na na, bi' laca nu ta xee ji'i̱ ngu', ni ná tye tyempo cha' stu'ba ti caca ngu' loo lo'o ycui' Ni.

APOCALIPSIS 21:23

Nga'aa cua'nijo'o xee cuichaa cuentya ji'i̱ quichi̱ bi', la cui' jua'a̱ nga'aa nti' cha' quiji'i̱ xee co' lo. Tso'o tsa ña'a̱ xee quichi̱ bi', xqui'ya cha' lubii tsa xee nu nda ycui' Ndyosi, jua'a̱ lubii tsa xee su ntucua nu ñi'ya̱ ña'a̱ xlya' bi';

1 TIMOTEO 6:16

Ná ntsu'u cha' cajaa ycui' Ndyosi tsiya' ti, ná tye cha' ji'i̱ Ni. Ndubi tsa ña'a̱ xee ca su ntucua ycui' Ndyosi, ni ná ntsu'u ñati̱ nu caca tsaa ca slo Ni jua'a̱ ti xqui'ya xee tlyu bi'. La cui' jua'a̱ ná ntsu'u ñati̱ nu cua na'a̱ ji'i̱ ycui' Ndyosi, cha' ná nchca ña'a̱ ñati̱ ji'i̱ Ni nde chalyuu. Bi' cha' cua'ni chi̱ na loo ycui' Ndyosi lacua, cha' laca Ni nu tlyu la. Jua'a̱ laca cha' tu'ni.

1 JUAN 3:11

Nde nscua la cui' cha' nu cua ndyuna ma̱ lo'o ngusñi ma̱ cha' ji'i̱ Jesús tya clyo: nga'a̱ cha' tyu'u tyiquee na ña'a̱ na ji'i̱ tya'a ñati̱ na.

1 CORINTIOS 11:23

Ndi'ya̱ cha' nclyu'u na' ji'i̱ ma̱, la cui' cha' nu ndyuna na' lo'o nchcui' ñati̱ nu ngua tsa'a̱ ji'i̱ ycui' nu Xu'na na tya clyo: La cui' talya nu lo'o ndyujui' ngu' cresiya ji'i̱ Jesús, laja lo'o tya ndi'i̱ ñati̱ bi' lo'o Jesús, li' ndaya' Jesús ji'i̱ xlyá,

SAN JUAN 1:19

Nda Juan cha' lo'o tyu̱u̱ tya'a sti jo'ó lo'o ngu' xirta; ngutu'u ngu' nde quichi̱ Jerusalén, ndyalaa ngu' su ndi'i̱ nu Juan bi' li'. Cua ngulo ngu' judío nu ndi'i̱ ca bi' cña ji'i̱ ngu' bi', cha' ca̱a̱ ngu' slo Juan cha' xcuane ngu' ji'i̱ Juan tilaca laca.