1 CORINTIOS 9:3 - Chatino Tataltepec

³ Ndi'ya̱ nxacui̱ na' cha' ji'i̱ ngu' nu lo'o nchcui' chu̱' ti ngu' 'na:

1 CORINTIOS 9:3 Referans Kwoze

2 TIMOTEO 4:16

Lo'o nguta'a̱ na' slo ngu' tisiya clyo, ni sca ñati̱ ná nguxtyucua ngu' 'na li', cha' ngusna ngu'; bi' cha' ndijña na' ji'i̱ ycui' Ndyosi cha' cui'ya Ni cha' clyu ti' ji'i̱ ngu' bi'.

FILIPENSES 1:7

Tso'o si culacua xi ti' na' jua'a̱ cuentya ji'i̱ cu'ma̱, xqui'ya cha' lcaa tsa̱ ntsu'u tsa tyiquee na' ña'a̱ na' ji'i̱ cu'ma̱; stu'ba ti ndyaca cha' ji'i̱ cu'ma̱ lo'o na', tso'o tsa ndyu'ni Ni lo'o na cha' ndyu'ni na cña ji'i̱ Jesucristo. Nguxtyucua ma̱ jna' tsubi' lo'o nguta'a̱ na' slo ngu' nu laca loo cha' nxacui̱ na' cha' ji'i̱ ngu' bi'; nacui̱ na' ji'i̱ ngu' cha' tso'o tsa laca cha' nu cua nda ycui' Ndyosi lo'o na, lo'o jua'a̱ ndacha' liñi na' ji'i̱ ngu' ñi'ya̱ laca cha' liñi bi'. Lo'o juani tya nxtyucua ma̱ 'na, masi ntsu'u na' ne' chcua̱ xqui'ya cha' nchcui' na' cha' ji'i̱ Jesús lo'o ñati̱.

2 CORINTIOS 13:10

Lo'o jua'a̱ nscua na' quityi re, masi tyijyu' tsa ndi'i̱ na' cuentya ji'i̱ cu'ma̱, cha' ná caca tyaala na' lo'o cu'ma̱ nu lo'o cua ndyalaa na' ca quichi̱ tyi ma̱. Chañi cha' cua nda ycui' nu Xu'na na chacuayá' 'na, pana ndi'ya̱ ndyu'u cha' bi': cua'ni na' cha' caja ñi'ya̱ tyanu tachaa la cha' bi' ne' cresiya ji'i̱ ma̱; ná ntsu'u chacuayá' 'na cha' cua'ni ñu'u̱ lyiji na' ji'i̱ cu'ma̱.

2 CORINTIOS 13:5

Cua'ni cuayá' ma̱ ji'i̱ ycui' ca ma̱ lacua, cha' ca cuayá' ti' ma̱ si chañi cha' tya ndyanu tyucui cha' ji'i̱ Jesucristo ne' cresiya ji'i̱ ma̱. Nga'a̱ cha' tyi'u ti' ma̱ cha' ndyanu Xtyi'i Jesucristo ne' cresiya ji'i̱ sa scaa ma̱; sca ti si cua ngunu'u̱ cresiya ji'i̱ ma̱ lo'o ycui' Ndyosi tsiya' ti, nga'aa tyanu Ni lo'o ma̱ li'.

2 CORINTIOS 13:3

Ca li' caca cuayá' ti' ma̱ cha' ycui' Cristo laca nu nda cha' nu nchcui' na'; lo'o jua'a̱ si'i na xti ti cña nchca ji'i̱ Cristo lo'o xcube' Ni ji'i̱ ma̱, masi lye tsa cua'ni Ni cña cha' chcube' ma̱ li'.

1 CORINTIOS 14:37

¿Ha ntsu'u chacuayá' ji'i̱ ma̱ cha' chcui' ma̱ cha' nu cua nda ycui' Ndyosi lo'o ngu' nti' ma̱? ¿Ha ji'i̱ cu'ma̱ ti cua nda Ni Xtyi'i ycui' Ni cha' cua'ni ma̱ cña ji'i̱ Ni? Cua'a̱ jyaca̱ ma̱ lacua; cña nu nclyo na' ji'i̱ ma̱ lo'o nscua na' quityi re, chacuayá' ji'i̱ ycui' Ndyosi laca cña bi',

LOS HECHOS 25:16

Pana nguxacui̱ na' cha' ji'i̱ ngu' cha' si'i jua'a̱ ndu'ni ngu' romano; ná taca cua'ni cuayá' ya ji'i̱ yu, nu lo'o bilya ta ya tyempo ji'i̱ yu cha' tyu'u lubii cha' ji'i̱ ycui' yu lo'o ngu' su ndu̱ ngu' nu ngusta qui'ya ji'i̱.

LOS HECHOS 22:1

―Cu'ma̱ ngu' cusu', ngu' tya'a na' ―nacui̱ Pablo ji'i̱ ngu'―, cua'a̱ jyaca̱ ma̱ ji'i̱ cha' nu chcui' na' lo'o ma̱ ―nacui̱―, si caca cua'ni lyaá na' ji'i̱ ycui' ca na' lo'o chcui' na' lo'o ma̱.

SAN LUCAS 12:11

’Cu'ma̱ nu laca ma̱ ñati̱ 'na ni, ná cutsi̱i̱ ma̱ nu lo'o chcui' cuayá' ngu' lo'o ma̱ ne' laa, masi nu lo'o cua'ni cuayá' ngu' ji'i̱ ma̱ slo ngu' nu laca cña. Ná culacua tsa ti' ma̱ ñi'ya̱ caca cha' nu chcui' ma̱ lo'o ngu' bi', cha' clyaá ma̱ ji'i̱ ngu';

1 CORINTIOS 9:2

masi nti' xa' ñati̱ cha' si'i cña ji'i̱ Ni laca na'; pana cu'ma̱ ngu' Corinto cua nslo ma̱ 'na, cha' cua nda na' cha' ji'i̱ Jesús lo'o ma̱ tya clyo. Chañi cha' bi'. Taca jlo ti' ngu' cha' jua'a̱ laca cña nu ndyu'ni na', lo'o ña'a̱ ngu' ñi'ya̱ ndyaca cha' bi' lo'o ma̱.

1 CORINTIOS 9:4

Ntsu'u chacuayá' 'na cha' xñi na' xi na cacu na' lo'o na co'o na' caya' lo cña nu ndyu'ni na', ni na' ji'i̱ ngu' bi'.