1 CORINTIOS 9:2 - Chatino Tataltepec

² masi nti' xa' ñati̱ cha' si'i cña ji'i̱ Ni laca na'; pana cu'ma̱ ngu' Corinto cua nslo ma̱ 'na, cha' cua nda na' cha' ji'i̱ Jesús lo'o ma̱ tya clyo. Chañi cha' bi'. Taca jlo ti' ngu' cha' jua'a̱ laca cña nu ndyu'ni na', lo'o ña'a̱ ngu' ñi'ya̱ ndyaca cha' bi' lo'o ma̱.

1 CORINTIOS 9:2 Referans Kwoze

2 CORINTIOS 12:12

Cua ndalo tsa na' laja lcaa cha' cuxi nu ngua 'na, cha' ndyu'ni na' cña nu cua nda nu Xu'na na 'na, cha' ndu̱ na' nchcui' na' lo'o cu'ma̱. Cua jlo ti' ma̱ cha' ycui' Ndyosi laca nu cua nda cña bi' 'na nu lo'o cua na'a̱ ma̱ cha' tlyu nu cua ngua'ni Ni ca slo ma̱ xqui'ya na', cha' jua'a̱ cube la ti' ma̱ ji'i̱ ycui' Ndyosi. Ná nchca cua'ni ñati̱ chalyuu cña bi' jua'a̱ ti.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

SAN JUAN 3:33

Si taquiya' na ji'i̱ cha' nu nda Jesús, li' ndu'ni na lo'o tya'a na cha' liñi tsa laca cha' nu nda ycui' Ndyosi lo'o na.

LOS HECHOS 1:25

cha' taca tsaa yu bi' xa' quichi̱, cha' chcui' yu cha' jinu'u̱ cña su ndu̱ jyo'o Judas nquicha'. Na cua nguxtyanu jyo'o bi' cña cha' xña'a̱ tsa bi', lo'o li' ndyaa ca su ndyanu cha' tsaa.

1 CORINTIOS 9:3

Ndi'ya̱ nxacui̱ na' cha' ji'i̱ ngu' nu lo'o nchcui' chu̱' ti ngu' 'na: