1 CORINTIOS 9:18 - Chatino Tataltepec

¹⁸ ¿Ha ná caja xcaya' na' li'? Chañi cha' caja bi' 'na, pana xa' lo na laca bi' li'; laca cha' tso'o tsa ntsu'u tyiquee na' nu lo'o nchcui' na' cha' tso'o ji'i̱ Jesús lo'o ñati̱. Bi' cha' tso'o tsa nti' na', masi ná nda ngu' xcaya' na'. Ná nti' na' jña na' xcaya' na' ji'i̱ ma̱, masi ntsu'u chacuayá' cha' jña na' cha' bi' ji'i̱ ma̱, laja lo'o ndyu'ni na' cña ji'i̱ ycui' Ni.

1 CORINTIOS 9:18 Referans Kwoze

1 TESALONICENSES 2:6

Ná nti' ya cha' cua'ni chi̱ ma̱ loo ya, masi chacuayá' ji'i̱ ycui' Jesucristo ndyalaa ya slo cu'ma̱; si'i na nchcui' tyucuaa ti' ya lo'o ma̱, cha' loo laca ya ji'i̱ ma̱, ni si'i na tyixi ya cha' loo laca ya ji'i̱ xa' ñati̱.

1 CORINTIOS 8:9

Bi' cha' cui'ya ma̱ cuentya ñi'ya̱ cua'ni ma̱ slo ngu' nu tya nclyacua tsa ti' bi'. Ntsu'u chacuayá' ji'na cha' cacu na cua ña'a̱ ca na tu'ni; pana ná tyiquee' tyu'utsu' ngu' bi' ji'i̱ tyucui̱i̱ liñi si ná tso'o ti cua'ni ma̱ slo ngu', si cacu ma̱ msta̱ nu nscua slo jo'ó tya clyo.

2 CORINTIOS 4:5

Nu cha' nu nda ya lo'o ngu' ni, si'i cha' ji'i̱ ycui' ca ya nchcui' ya. Ndi'ya̱ laca cha' nu nchcui' ya lo'o ngu': Jesucristo laca Xu'na tyucui ña'a̱ nde cua̱, lo'o la cui' Ni laca Ni loo ji'i̱ tyucui ña'a̱ nde chalyuu. Bi' cha' ñacui̱ ya cha' xqui'ya Jesús nu Xu'na na ndyu'ni ya cña cuentya ji'i̱ ma̱.

1 CORINTIOS 10:33

Lcaa su ndyu'ni na' cña ndube ti' na' ji'i̱ xa' ñati̱, si caca tso'o cresiya ji'i̱ ngu' lo'o cua'ni na' cña bi'. Si'i na tyacua cha' tso'o ji'i̱ ycui' ca na', nti' na' cha' caca tso'o cresiya ji'i̱ cua ña'a̱ ca ñati̱, cha' caja ñi'ya̱ clyaá ngu' ji'i̱ nu cuxi li'.

1 CORINTIOS 7:31

masi ntsu'u tsa cha' tso'o ji'i̱ ma̱ nde chalyuu, ná culiji tsa ma̱ tyempo ji'i̱ ma̱ xqui'ya cha' tso'o bi'. Cua lijya̱ ti tye tyucui ña'a̱ chalyuu, lo'o jua'a̱ lcaa na nu ntsu'u chalyuu nga'a̱ cha' tye cha' bi'.

ROMANOS 14:15

Lo'o ngu' tya'a ntsu'u cha' ji'i̱ ma̱ lo'o Jesús ni, si ña'a̱ ngu' cha' ndyacu ma̱ sca na nu ná ntsu'u chacuayá' cacu ycui' ngu', nti' ngu', chiya'a̱ culacua ti' ngu' bi' li'; ñi'ya̱ laca si ná tso'o ntsu'u tyiquee ma̱ ña'a̱ ma̱ ji'i̱ ngu', bi' cha' ndyacu ma̱ na bi' culacua ti' ngu'. Ná tso'o jua'a̱. Ná ntsu'u chacuayá' ji'i̱ ma̱ cacu ma̱ na laca nu nti' ti ma̱, si jua'a̱ cua'ni ma̱ cha' xtyanu ngu' tya'a ma̱ cha' ji'i̱ Cristo xqui'ya cha' ndyacu ma̱ na bi'. Lo'o ngu' bi', laca ngu' cuentya ji'i̱ ycui' Ndyosi; xqui'ya ngu' bi', bi' cha' ngujuii Cristo.

SAN JUAN 4:36

Caja xcaya' msu 'na nu cua'ni clacua bi', ni ná nga'a̱ cha' tye cña nu cua'ni msu bi'. Lo'o li' stu'ba ti caca chaa ti' ngu' bi' lo'o ngu' nu cua ngusañi si'yu, la cui' ñati̱ nu ngusañi cha' tso'o ji'i̱ ycui' Ndyosi lcaa su ndi'i̱ ñati̱ tya clyo la; stu'ba ti caca chaa ti' ngu' bi' lo'o ñati̱ nu cua na'a̱ lo'o ndyatí̱ ca cha' bi' ne' cresiya ji'i̱ ngu' ―nacui̱ Jesús ji'i̱ ngu' nu ndyaca tsa'a̱ ji'i̱―.

LOS HECHOS 18:3

Stu'ba ti ngua'ni Pablo cña lo'o ngu' bi' li', cha' cuityi ni'i̱ late' laca ngu'; bi' cha' ndyanu yu slo ngu' cha' cua'ni yu cña lo'o ngu'.

1 CORINTIOS 3:8

Sca ti cuayá' ndu'ni ya lo'o tya'a ya, masi nda ya cha' lo'o cu'ma̱ su clyo, masi nclyu'u tso'o la ya cha' bi' ji'i̱ ma̱ ca tiya' la. Ycui' Ndyosi ni, tya ta la Ni cha' tso'o ji'i̱ ya, tsa ña'a̱ nu ndyu'ni tso'o ya cña ji'i̱ Ni.

1 CORINTIOS 9:12

Xa' la tya'a ndyu'ni ya cña ndyiji na laca nu lyiji ji'i̱ ngu' nu lo'o nda ma̱ xi xcaya' ngu' bi'. ¿Ha ná tso'o si la cui' ti cha' caja ji'i̱ ya, ñi'ya̱ nu ndyiji ji'i̱ ngu' bi'? Tsa bi' ti cha', ná ndijña ya cha' tso'o bi' ji'i̱ ma̱ tsiya' ti. Ndalo tsa ya ji'i̱ cua ña'a̱ ca cha' ti'í nu ndyacua ji'i̱ ya, cha' ná nti' ya tsiya' ti tacu̱' ya ji'i̱ cha' tso'o ji'i̱ Cristo nu nchcui' ya lo'o ma̱, cha' ná cuna ñati̱ ji'i̱ cha' bi'.

1 CORINTIOS 9:15

Pana ná ngüijña na' na cacu na' ji'i̱ ngu' tsiya' ti lcaa se'i̱ su ndya'a̱ na'. La cui' jua'a̱ ná nscua na' quityi re cha' jña na' na cacu na' ji'i̱ cu'ma̱, cha' ná xñi na' na nu ta ngu' 'na masi cajaa ycui' na'; tso'o la nti' na' cha' ndu'ni na' cña re jua'a̱ ti, ná lo'o caya'.

1 CORINTIOS 9:17

Nu lo'o cua'ni na' sca cña cuentya 'na ti, ndu̱ ti' na' cha' caja xcaya' na' li'. Pana xa' ña'a̱ cña laca cña nu nda Ni 'na; na cua ndyanu cña bi' 'na cha' bi' ti cña cua'ni na', cha' cua ndatsaa Ni 'na cha' cua'ni na' ji'i̱. Bi' cha' ndyu'ni na' cña bi'.