1 CORINTIOS 7:24 - Chatino Tataltepec

²⁴ Cu'ma̱ tya'a ngusñi na cha' ji'i̱ Cristo, ndi'ya̱ clyacua ti' scaa ma̱: nga'a̱ cha' tyi'i̱ ma̱ chalyuu ñi'ya̱ nu ndi'i̱ ti ma̱ nu lo'o ngusubi Jesús ji'i̱ ma̱ tya clyo, ña'a̱ ti tya xñi tso'o ti ma̱ cha' ji'i̱ ycui' Ndyosi.

1 CORINTIOS 7:24 Referans Kwoze

1 CORINTIOS 7:20

Bi' cha' juani ña'a̱ ti tya nga'a̱ cha' tyi'i̱ na chalyuu, ñi'ya̱ ndi'i̱ ti na tya lo'o ngusubi Ni ji'na cha' caca na ñati̱ ji'i̱.

1 CORINTIOS 7:17

Nu lo'o tya lyiji cusubi ycui' Ndyosi ji'na, tya li' cua laca nda Ni ji'na ñi'ya̱ nu tyi'i̱ scaa na chalyuu. Ycui' Ndyosi laca nu nda chalyuu ji'na tya clyo, lo'o jua'a̱ ycui' Ni laca nu ngusubi ji'na cha' xñi na cha' ji'i̱ Ni juani. Tya la cui' chalyuu bi' laca nu ntsu'u ji'na juani, la cui' ña'a̱ chalyuu nu ngujui ji'na tya clyo; pana juani tyucui tyiquee na ndi'i̱ na chalyuu. La cui' ti cha' nchcui' na' lo'o ngu' lcua ti quichi̱ su ndi'i̱ ngu' nu ngusñi cha' ji'i̱ Cristo.

1 CORINTIOS 10:31

Tso'o lacua masi cacu ma̱, masi co'o ma̱, masi cua'ni ma̱ lcua ti lo cña nu ndyu'ni ma̱, pana tyi'u ti' ma̱ ji'i̱ ycui' Ndyosi laja lo'o cua'ni ma̱ lcaa cña bi', cha' caca cuayá' ti' ngu' li' cha' tso'o tsa laca cha' ji'i̱ ycui' Ndyosi, la cui' cha' nu cua ngusñi ma̱.

SAN MATEO 12:45

Hora ti tsaa cui'i̱ chaca quiya' tsaana ji'i̱ tya tyacati tya'a cui'i̱ nu xña'a̱ la, cha' stu'ba ti xñi lcaa cui'i̱ bi' ji'i̱ ñati̱ bi', cha' caja su tyi'i̱ cui'i̱ bi' lo'o ñati̱ nti'. Ca cuxi la cha' ji'i̱ ñati̱ bi' li', cha' quiña'a̱ la cui'i̱ xñi ji'i̱ li'. La cui' jua'a̱ cuxi la caca cha' ji'i̱ ñati̱ nu ndi'i̱ nde chalyuu juani, cha' xña'a̱ tsa ngu'.