1 CORINTIOS 7:19 - Chatino Tataltepec19 Ná ndu'ni cha' cuentya ji'i̱ ycui' Ndyosi, masi ngulacua̱ na jua'a̱, masi ná ngulacua̱ na jua'a̱; nu ndu'ni cha' cuentya ji'i̱ ycui' Ndyosi laca cha' cua'ni na cña nu nclyo Ni ji'na. Gade chapit la |
Bi' cha' juani nga'aa ndulo tsa cha' ji'na lo'o tya'a na, masi la cui' ngu' judío laca na, masi si'i ngu' judío laca ma̱; nga'aa ndu'ni cha' masi cua ngulacua̱ na, masi ná ngulacua̱ na; nga'aa ndu'ni cha' si ngu' xa' tsu' laca na, masi ngu' tyaala laca na, masi ngu' nu ndi'i̱ tso'o ti laca na, masi msu nu ngüi'ya ti ñati̱ laca ma̱ cha' cua'ni ma̱ cña ji'i̱ ñati̱ laja ti. Nga'aa ndulo tsa cha' bi' ji'na juani, cha' sca ti Cristo laca nu ndulo tsa cha' ji'i̱ cuentya ji'na. Ndi'i̱ Cristo lo'o lcaa ñati̱ ji'i̱ Ni, ñi'ya̱ nu laca ngu', macala su ndi'i̱ ngu'.
Nu lo'o cua ngua stu'ba cha' ji'na lo'o Jesucristo, la cui' tyempo bi' ngua stu'ba cha' ji'na lo'o tya'a ñati̱ na; bi' cha' nga'aa chcui' na cha' ngu' judío laca ya, cha' ngu' xa' tsu' laca ma̱; nga'aa chcui' na cha' msu nu ngüi'ya ñati̱ laca ma̱, cha' ñati̱ nu ndi'i̱ tso'o ti laca na; nga'aa chcui' na cha' qui'yu laca na, cha' cuna'a̱ laca ma̱. Lcaa na, stu'ba cha' ji'na lo'o tya'a na juani.
Bi' cha' juani, nga'aa ta Ni su tyi'i̱ ñati̱ slo ycui' Ni si ná taquiya' ngu' ji'i̱ cua ña'a̱ ca cña̱ nu nda ycui' Ni ji'i̱ ngu' cha' cua'ni ngu', si culu'u ngu' ji'i̱ tya'a ñati̱ ngu' cha' nga'aa ntsu'u cha' taquiya' ngu' ji'i̱ cña bi'. Lo'o jua'a̱ ta Ni su tyi'i̱ ñati̱ ca slo ycui' Ni si taquiya' ngu' ji'i̱ lcaa cña bi', si culu'u ngu' cña bi' ji'i̱ tya'a ñati̱ ngu'.