1 CORINTIOS 7:15 - Chatino Tataltepec

¹⁵ Sca ti cha' ji'i̱ ñati̱ nu ná ntaja'a̱ xñi cha' ji'i̱ Jesús bi', si cua nti' ngu' xtyanu ngu' ji'i̱ clyo'o ngu', si lya' ti' ngu' ji'i̱ clyo'o ngu' cha' ngusñi clyo'o ngu' cha' ji'i̱ Jesús, li' ta ma̱ chacuayá' cha' tyaa ngu' nu ná ngusñi cha' ji'i̱ Jesús bi'. Nu ngu' tya'a na nu ngusñi cha' ji'i̱ Jesús, masi qui'yu, masi cuna'a̱, cua ntsu'u chacuayá' ji'i̱ ma̱ cha' xtyanu ma̱ ji'i̱ clyo'o ma̱, sca ti si jua'a̱ ti taca tyi'i̱ ma̱ ti̱ ti chalyuu. Cua nti' ycui' Ndyosi cha' tyi'i̱ tso'o na chalyuu.

1 CORINTIOS 7:15 Referans Kwoze

ROMANOS 14:19

Tso'o lacua. Lcaa tya'a na nga'a̱ cha' clyana na cua ña'a̱ ca cha' nu cua'ni cha' caca tyi'i̱ tso'o na lo'o tya'a ñati̱ na, ña'a̱ cha' nu cua'ni cha' xtyucua na ji'i̱ tya'a ñati̱ na, cha' tso'o ti tyi'i̱ na cuentya ji'i̱ Cristo;

2 CORINTIOS 13:11

Cu'ma̱ tya'a ngusñi na cha' ji'i̱ Jesucristo, chcui' salya' na' lo'o ma̱ juani, nu lo'o cua tye ti xcua se'i̱ cha' nu nscua na' lo quityi re. Cua'ni lyiji ma̱ ñi'ya̱ nu nga'a̱ cha' cua'ni ma̱ cha' laca ma̱ ñati̱ ji'i̱ ycui' Ndyosi. Cua'a̱ jyaca̱ ma̱ ji'i̱ lcaa cha' nu nda na' lo quityi re. Cua'ni ma̱ cha' caca stu'ba tyiquee ma̱ lo'o xa' ñati̱ tya'a ma̱. Tso'o ti tyi'i̱ ma̱ lo'o lcaa ñati̱. Lo'o li' la cui' ycui' Ndyosi laca nu tyi'i̱ lo'o ma̱ lcaa tsa̱; ntsu'u tsa tyiquee Ni ña'a̱ Ni ji'na, lo'o jua'a̱ ndu'ni Ni cha' ti̱ ti tyi'i̱ tyiquee na.

1 CORINTIOS 14:33

Nti' Ni cha' tso'o ti cua'ni na lo'o tya'a na lo'o tyu'u ti'i̱ na, ná tso'o nti' Ni si lye tsa nguixa' nu ndu'ni na. Ndi'ya̱ ndu'ni ca ta'a ngu' tya'a ngusñi na cha' ji'i̱ Jesús scaa quichi̱, nu lo'o ndyu'u ti'i̱ ngu':

ROMANOS 12:18

Cua'ni ma̱ cha' cajá ñi'ya̱ tyi'i̱ tso'o ti ma̱ lo'o lcaa ñati̱, cha' ná caja tya'a cusu̱u̱ ma̱.

SAN MATEO 12:50

Tya'a na' laca lcaa ngu' nu ndu'ni ñi'ya̱ nu nti' Sti na' nu ntucua nde cua̱ cha' cua'ni ngu'; ñati̱ bi' laca ñi'ya̱ laca xtya'a̱ na', ñi'ya̱ laca tya'a na', masi nu qui'yu, masi nu cuna'a̱.

HEBREOS 12:14

Cua'ni cña ti' ma̱ cha' tso'o ti tyi'i̱ ma̱ lo'o lcaa ñati̱, cua'ni ma̱ cha' caca lubii cresiya ji'i̱ ma̱; ni tsaca na, ná caca ña'a̱ na ji'i̱ ycui' Ndyosi si tya lyiji caca lubii cresiya ji'na.

GÁLATAS 5:22

Xa' ña'a̱ cña ndu'ni Xtyi'i ycui' Ndyosi ne' cresiya ji'na: ndu'ni Ni cha' tyu'u tyiquee na ña'a̱ na ji'i̱ tya'a ñati̱ na; jua'a̱ ndu'ni Ni cha' chaa ti' na cuentya ji'i̱ Ni, cha' ti̱ ti tyi'i̱ tyiquee na, cha' talo tyiquee na ji'i̱ tya'a ñati̱ na; jua'a̱ ndu'ni Ni cha' ca tya'na ti' na ña'a̱ na ji'i̱ ñati̱, cha' xcui' tso'o ti cua'ni na lo'o ñati̱, cha' liñi ti cua'ni na lo'o ñati̱;

SANTIAGO 2:15

Ná tyiquee' ntsu'u ngu' tya'a ndyu'u ti'i̱ ma̱ nu lyiji tsa ste' ngu', nu lyiji tsa na cacu ngu', masi qui'yu, masi cuna'a̱.

SAN LUCAS 9:39

Ntsu'u tsa̱ nxalú cui'i̱ ji'i̱ yu, ndu'ni bi' cha' cui̱i̱ nxi'ya yu li'; nxasu nu cui'i̱ bi' ji'i̱ yu ña'a̱ cuayá' ndyu'u ngo' tu'ba yu. Cuxi tsa ndu'ni cui'i̱ bi' lo'o yu, cha' ná ntaja'a̱ bi' culaá ji'i̱ yu.