1 CORINTIOS 7:12 - Chatino Tataltepec

¹² Nu juani ta na' sca cha' lo'o cu'ma̱ ngu' qui'yu tya'a ngusñi na cha' ji'i̱ Jesús, nu ntsu'u clyo'o ma̱ nu tya lyiji xñi cha' ji'i̱ Jesús; si tyaja'a̱ bi' tyi'i̱ bi' ñi'ya̱ nu ndi'i̱ ti lo'o ma̱, tso'o li'. Ná ntsu'u chacuayá' ji'i̱ ma̱ cha' culo'o ma̱ ji'i̱ nu cuna'a̱ bi' cha' tyaa ngu'. Na' laca̱ nu ngulo na' cña bi' ji'i̱ ma̱; masi ná ndu̱ ycui' Ndyosi lo'o na', pana sca ti cuayá' ndyu'u cha' bi'.

1 CORINTIOS 7:12 Referans Kwoze

2 CORINTIOS 11:17

Ná ndiya ti' na' cha' nchcui' na' ji'i̱ cha' bi', cha' si'i cha' nu cua nda ycui' Ndyosi cha' chcui' na' lo'o ñati̱ laca cha' bi', nti' na'. Chañi cha' tonto tsa na', nti' na', si lye tsa chcui' na' cha' ji'i̱ ycui' ca na'.

1 CORINTIOS 7:6

Ná ñacui̱ ma̱ cha' nclyo na' cña ji'i̱ ma̱ cha' caja clyo'o ma̱; nde laca sca cha' nu nda ti na' lo'o ma̱,

1 CORINTIOS 7:25

Bilya ta ycui' nu Xu'na na cha' lo'o na' ñi'ya̱ cua'ni ñati̱ nu ntucua ycui' ti, si caja clyo'o ngu', si ná caja clyo'o ngu'; bi' cha' cuentya jna' ti, ta na' xi cha' lo'o ma̱. Taca xñi ma̱ cha' jna', xqui'ya cha' lo'o na' ngua'ni tya'na ti' Ni 'na; bi' cha' ndyu'ni na' cña ji'i̱ Ni.

1 CORINTIOS 7:11

Si cua nguxtyanu ma̱ ji'i̱ nu qui'yu, nga'a̱ cha' tyanu ma̱ ycui' ti ma̱, sca ti si tyaja'a̱ ma̱ tyaa ma̱ lo'o clyo'o ma̱ chaca quiya'. Lo'o jua'a̱ cu'ma̱ ngu' qui'yu, ná ntsu'u chacuayá' ji'i̱ ma̱ cha' culo'o ma̱ ji'i̱ clyo'o ma̱.

1 CORINTIOS 7:13

La cui' ti cha' ta na' lo'o cu'ma̱ ngu' cuna'a̱ tya'a na nu ntsu'u clyo'o ma̱ nu bilya xñi cha' ji'i̱ Jesús, tya'a cha' nu ngusñi ma̱: ná tso'o culo'o ma̱ ji'i̱ nu qui'yu clyo'o ma̱ si tya ndi'i̱ tso'o ti ngu' lo'o ma̱.

1 CORINTIOS 7:27

Si ntsu'u clyo'o ma̱, tyi'i̱ tso'o ma̱ lo'o lacua, ná culo'o ma̱ ji'i̱; si ndi'i̱ ma̱ ycui' ti ma̱, ná culana ma̱ ji'i̱ ñi'ya̱ nu caca clyo'o ma̱, nti' na'.