1 CORINTIOS 7:11 - Chatino Tataltepec

¹¹ Si cua nguxtyanu ma̱ ji'i̱ nu qui'yu, nga'a̱ cha' tyanu ma̱ ycui' ti ma̱, sca ti si tyaja'a̱ ma̱ tyaa ma̱ lo'o clyo'o ma̱ chaca quiya'. Lo'o jua'a̱ cu'ma̱ ngu' qui'yu, ná ntsu'u chacuayá' ji'i̱ ma̱ cha' culo'o ma̱ ji'i̱ clyo'o ma̱.

1 CORINTIOS 7:11 Referans Kwoze

1 CORINTIOS 7:10

Nu cu'ma̱ nu ndi'i̱ lo'o clyo'o ma̱ ni, ndi'ya̱ cña ntsu'u cha' cua'ni ma̱; ni si'i cuentya jna' ngulo na' cña re ji'i̱ ma̱, ndi'ya̱ cña nclyo ycui' Ndyosi nu Xu'na na ji'i̱ ma̱: Ná xtyanu ti'i̱ cu'ma̱ ngu' cuna'a̱ ji'i̱ clyo'o ma̱.

SAN MARCOS 10:2

Li' ndyalaa xi ngu' fariseo slo yu cha' ngua ti' ngu' bi' tyiji̱loo ngu' ji'i̱ Jesús. Li' nchcuane ngu' ji'i̱ yu: ―¿Ha ntsu'u chacuayá' cuentya ji'i̱ cha' cusu' nu ntsu'u ji'na, cha' xtyanu sca ñati̱ ji'i̱ clyo'o yu? ―nacui̱ ngu' bi' ji'i̱ Jesús.

SAN MATEO 5:32

Pana, quiña'a̱ la cha' chcui' na' lo'o ma̱ juani: ndyu'ni cuxi sca nu qui'yu si culo yu quityi cha' xtyanu yu ji'i̱ clyo'o yu, si ná ndacui nu cuna'a̱ bi' qui'ya. Lo'o li' si xa' caja clyo'o nu cuna'a̱ bi' lo'o chaca ñati̱, li' ndacui nu cuna'a̱ qui'ya, lo'o jua'a̱ chaca yu bi' ndacui qui'ya, cha' clyo'o xa' ñati̱ bi' laca nu cuna'a̱ bi'; pana tlyu la qui'ya nu ndacui ji'i̱ nu qui'yu nu ngua clyo'o clyo.

SAN MARCOS 10:12

Lo'o jua'a̱ sca nu cuna'a̱ nu culo quityi cha' xtyanu ji'i̱ clyo'o, cha' li' taca caja clyo'o lo'o chaca nu qui'yu nti', la cui' ti cha' cuxi ndyu'ni bi' lo'o nu chaca ñati̱ bi' ―nacui̱ Jesús ji'i̱ ngu'.

SAN LUCAS 16:18

Tya nchcui' la Jesús lo'o ngu' li': ―Lo'o culo sca ñati̱ quityi cha' xtyanu yu ji'i̱ clyo'o yu, cha' xa' caja clyo'o yu lo'o xa' nu cuna'a̱, cha' suba' ndyu'ni yu bi' li'. Lo'o jua'a̱ lo'o caja clyo'o sca nu qui'yu lo'o sca nu cuna'a̱ nu cua nguxtyanu clyo'o ji'i̱, masi cuentya ji'i̱ ley, la cui' ti cha' suba' laca nu ndyu'ni nu qui'yu bi' li'.

1 CORINTIOS 7:12

Nu juani ta na' sca cha' lo'o cu'ma̱ ngu' qui'yu tya'a ngusñi na cha' ji'i̱ Jesús, nu ntsu'u clyo'o ma̱ nu tya lyiji xñi cha' ji'i̱ Jesús; si tyaja'a̱ bi' tyi'i̱ bi' ñi'ya̱ nu ndi'i̱ ti lo'o ma̱, tso'o li'. Ná ntsu'u chacuayá' ji'i̱ ma̱ cha' culo'o ma̱ ji'i̱ nu cuna'a̱ bi' cha' tyaa ngu'. Na' laca̱ nu ngulo na' cña bi' ji'i̱ ma̱; masi ná ndu̱ ycui' Ndyosi lo'o na', pana sca ti cuayá' ndyu'u cha' bi'.