Pana, quiña'a̱ la cha' chcui' na' lo'o ma̱ juani: ndyu'ni cuxi sca nu qui'yu si culo yu quityi cha' xtyanu yu ji'i̱ clyo'o yu, si ná ndacui nu cuna'a̱ bi' qui'ya. Lo'o li' si xa' caja clyo'o nu cuna'a̱ bi' lo'o chaca ñati̱, li' ndacui nu cuna'a̱ qui'ya, lo'o jua'a̱ chaca yu bi' ndacui qui'ya, cha' clyo'o xa' ñati̱ bi' laca nu cuna'a̱ bi'; pana tlyu la qui'ya nu ndacui ji'i̱ nu qui'yu nu ngua clyo'o clyo.
1 CORINTIOS 7:10 - Chatino Tataltepec10 Nu cu'ma̱ nu ndi'i̱ lo'o clyo'o ma̱ ni, ndi'ya̱ cña ntsu'u cha' cua'ni ma̱; ni si'i cuentya jna' ngulo na' cña re ji'i̱ ma̱, ndi'ya̱ cña nclyo ycui' Ndyosi nu Xu'na na ji'i̱ ma̱: Ná xtyanu ti'i̱ cu'ma̱ ngu' cuna'a̱ ji'i̱ clyo'o ma̱. Gade chapit la |
1 CORINTIOS 7:10
13 Referans Kwoze
Tya nchcui' la Jesús lo'o ngu' li': ―Lo'o culo sca ñati̱ quityi cha' xtyanu yu ji'i̱ clyo'o yu, cha' xa' caja clyo'o yu lo'o xa' nu cuna'a̱, cha' suba' ndyu'ni yu bi' li'. Lo'o jua'a̱ lo'o caja clyo'o sca nu qui'yu lo'o sca nu cuna'a̱ nu cua nguxtyanu clyo'o ji'i̱, masi cuentya ji'i̱ ley, la cui' ti cha' suba' laca nu ndyu'ni nu qui'yu bi' li'.
Sca ti cha' ji'i̱ ñati̱ nu ná ntaja'a̱ xñi cha' ji'i̱ Jesús bi', si cua nti' ngu' xtyanu ngu' ji'i̱ clyo'o ngu', si lya' ti' ngu' ji'i̱ clyo'o ngu' cha' ngusñi clyo'o ngu' cha' ji'i̱ Jesús, li' ta ma̱ chacuayá' cha' tyaa ngu' nu ná ngusñi cha' ji'i̱ Jesús bi'. Nu ngu' tya'a na nu ngusñi cha' ji'i̱ Jesús, masi qui'yu, masi cuna'a̱, cua ntsu'u chacuayá' ji'i̱ ma̱ cha' xtyanu ma̱ ji'i̱ clyo'o ma̱, sca ti si jua'a̱ ti taca tyi'i̱ ma̱ ti̱ ti chalyuu. Cua nti' ycui' Ndyosi cha' tyi'i̱ tso'o na chalyuu.
Nu juani ta na' sca cha' lo'o cu'ma̱ ngu' qui'yu tya'a ngusñi na cha' ji'i̱ Jesús, nu ntsu'u clyo'o ma̱ nu tya lyiji xñi cha' ji'i̱ Jesús; si tyaja'a̱ bi' tyi'i̱ bi' ñi'ya̱ nu ndi'i̱ ti lo'o ma̱, tso'o li'. Ná ntsu'u chacuayá' ji'i̱ ma̱ cha' culo'o ma̱ ji'i̱ nu cuna'a̱ bi' cha' tyaa ngu'. Na' laca̱ nu ngulo na' cña bi' ji'i̱ ma̱; masi ná ndu̱ ycui' Ndyosi lo'o na', pana sca ti cuayá' ndyu'u cha' bi'.
Piblisite