1 CORINTIOS 7:1 - Chatino Tataltepec

¹ Juani scua na' xi cha', cha' xacui̱ na' cha' ji'i̱ ma̱ cuentya ji'i̱ quityi nu nguscua ma̱, nu ndyalaa slo na' tsubi' ti. Nu na ngu' qui'yu, tso'o la si ná caja clyo'o na; tyanu na jua'a̱ ti, nti' na'.

1 CORINTIOS 7:1 Referans Kwoze

1 CORINTIOS 7:8

Nde laca cha' nu ta na' lo'o cu'ma̱ nu bilya caja clyo'o ma̱, cuati jua'a̱ lo'o ngu' tya'a na nu ndyanu ti'i ti: tso'o la caca ji'i̱ ma̱ si tyi'i̱ ma̱ ñi'ya̱ nu ndi'i̱ ti na', nti' na'.

1 CORINTIOS 7:2

Pana nde chalyuu su ndi'i̱ na, ntsu'u tsa cha' suba' nu ndu'ni ngu' lo'o ngu' cuna'a̱; bi' cha' ni na' ji'i̱ ma̱ cha' tso'o la si lcaa ñati̱ caja clyo'o ngu', caja sca nu cuna'a̱ ji'i̱ sca nu qui'yu, lo'o jua'a̱ nu cuna'a̱ caja qui'yu ji'i̱.