1 CORINTIOS 6:8 - Chatino Tataltepec

⁸ Pana si'i na tso'o la ndu'ni ma̱; cha' cuxi ndyu'ni ma̱ lo'o ycui' ngu' tya'a ngusñi ma̱ cha' ji'i̱ Jesús, hasta ntyucuaana ma̱ na nu ntsu'u ji'i̱ tya'a ma̱.

1 CORINTIOS 6:8 Referans Kwoze

1 TESALONICENSES 4:6

Nga'aa xlyaá ma̱ ji'i̱ nu cuna'a̱ ji'i̱ ngu' tya'a ma̱, masi ji'i̱ clyo'o ngu', masi ji'i̱ sñi' ngu'. Cua nchcui' tsa ya lo'o ma̱ cha' lcaa cha' ña'a̱ ycui' nu Xu'na na; jlo ti' ycui' Ndyosi, lo'o jua'a̱ ntsu'u cha' xcube' Ni ji'i̱ lcaa ñati̱ nu ná taquiya' ji'i̱ cha' bi',

COLOSENSES 3:25

Pana xcube' ycui' Ndyosi ji'i̱ cua ña'a̱ ca ñati̱ nu ndu'ni cha' cuxi; stu'ba ti ndu'ni cuayá' Ni ji'i̱ lcua ti ña'a̱ ñati̱, masi ñati̱ tonu, masi ñati̱ sube.

SANTIAGO 5:4

Lo'o jua'a̱ ná nda ma̱ xcaya' msu nu ndyaa ne' xña ji'i̱ ma̱, bi' cha' juani cua'a̱ jyaca̱ ma̱ xi ji'i̱ cha' nu nxlyú msu bi' hichu̱' ma̱; ca su ntucua ycui' Ndyosi nu laca Xu'na lcaa chalyuu, ca bi' ndañi nchcui' nu ngu' nu ngua'ni clacua ji'i̱ ma̱.

SAN MARCOS 10:19

Jlo ti' nu'u̱ lcaa cña nu ngulo ycui' Ndyosi ji'i̱ ñati̱ cua sa'ni la: “Ná cujuii ma̱ ji'i̱ tya'a ñati̱ ma̱; ná cua'ni ma̱ cha' suba' lo'o clyo'o xa' ñati̱; ná cuaana ma̱ cha' tso'o nu ntsu'u ji'i̱ tya'a ñati̱ ma̱; ná chcui' ma̱ cuentyu ji'i̱ tya'a ñati̱ ma̱; ná cua'ni ma̱ ngana ji'i̱ tya'a ñati̱ ma̱ cuaana ti; lo'o jua'a̱, cua'ni tlyu ma̱ ji'i̱ sti ma̱, ji'i̱ xtya'a̱ ma̱, taquiya' ma̱ ji'i̱ cha' nu nchcui' ngu' bi'”.

SAN MATEO 20:13

Li' nguxacui̱ xu'na cña bi' cha' ji'i̱ msu ñasi̱' bi': “Si'i cha' cuxi nu ndyu'ni na' lo'o ma̱. ¿Ha si'i na cua ngüiñi cha' jna' lo'o ma̱ ni tsa lo xcaya' nu ta na' ji'i̱ ma̱? Lo'o jua'a̱, tsa lo cua cñi xcaya' cu'ma̱ nda na' ji'i̱ ma̱ juani.