1 CORINTIOS 6:3 - Chatino Tataltepec

³ Lo'o jua'a̱ nu ngu' xca̱ ji'i̱ ycui' Ndyosi ca nde cua̱, nda ma̱ cuentya cha' lo'o ngu' bi' nga'a̱ cha' cua'ni cuayá' na ji'i̱; bi' cha' ycui' ca na taca xquiñi na sca cha' nu ndyaca ji'na lo'o tya'a na nde chalyuu.

1 CORINTIOS 6:3 Referans Kwoze

JUDAS 1:6

Lo'o jua'a̱ tyi'u ti' ma̱ ji'i̱ xca̱ ji'i̱ ycui' Ndyosi nu ná ntaja'a̱ taquiya' ji'i̱ cña nu nda Ni ji'i̱ ngu' nu ngua sa'ni, bi' cha' nguxtyanu xca̱ bi' tyi ngu' ca slo ycui' Ndyosi. Pana juani cua ndu̱ xca̱ cuxi bi' ndyaaca̱' lo'o carena; ca su talya ña'a̱ tsiya' ti ndu̱ xca̱ cuxi bi', cha' preso ji'i̱ ycui' Ndyosi laca ngu' juani. Jua'a̱ ntsu'u cha' jatya xca̱ bi' ni jacua' tyalaa tsa̱ nu cua'ni cuayá' ycui' Ni ji'i̱ lcaa ñati̱.

SAN MATEO 25:41

’Lo'o li' chcui' na' lo'o taju ñati̱ nu ndi'i̱ la'a tsu' coca 'na: “Tyu'u ma̱ liya', cu'ma̱ nu ná ntsu'u su tyi'i̱ ma̱ slo ycui' Ndyosi. Yaa clya ma̱ ca su ná tye tsiya' ti cha' ndyaqui̱ quii', cha' stu'ba ti tyi'i̱ ma̱ lo'o nu laca xu'na cuiñaja lo'o lcaa xca̱ ji'i̱, lcaa cui'i̱ cuxi; cuentya ji'i̱ nu cuiñaja bi' nguxtyu'u ycui' Ni quii' bi'.

1 CORINTIOS 6:4

Lo'o ndyaca sca cha' cusu̱u̱ ji'i̱ ma̱ lo'o tya'a ma̱, ná tso'o tsaa lo'o ma̱ ji'i̱ tya'a ma̱ cha' caca cuayá' ji'i̱ ma̱ slo xa' ñati̱ nu ná stu'ba cha' ji'i̱ lo'o tya'a ngusñi ma̱ cha' ji'i̱ Jesús.

SAN LUCAS 8:14

Ndi'ya̱ laca cha' ji'i̱ si'yu nu ndyalú laja yaca quiche': bi' laca ñi'ya̱ laca lo'o ñati̱ nu cua ndyuna cha' tso'o bi' nquicha', pana ntsu'u tsa cña ji'i̱ ngu', ntsu'u tsa cñi ji'i̱ ngu', lo'o jua'a̱ ntsu'u tsa su culiji ngu' cñi cha' ji'i̱ ti ngu'; bi' cha' ná nchca tyanu tso'o cha' tso'o bi' ne' cresiya ji'i̱ ngu'.

SAN LUCAS 21:34

’Cui'ya ma̱ cuentya, cua'a ma̱ ji'i̱ ycui' ca ma̱ cha' tii ti ti' ma̱ tyi'i̱ ma̱ lo'o tyalaa tsa̱ bi'; si culiji yu'u ti ma̱ chalyuu ji'i̱ ma̱ jua'a̱ ti lo'o ndya'a̱ tsa ma̱ calle, lo'o cu'bi ti ma̱, la cui' jua'a̱ si ntsu'u tyu̱u̱ tya'a cha' nu ndube tsa ti' ma̱ ji'i̱, ná caca tyi'i̱ ma̱ tii ti ti' ma̱ li'. Ñi'ya̱ ndyacu̱' sca lco'o,

2 TIMOTEO 4:10

Cua nguxtyanu Demas 'na xqui'ya cha' ndiya la ti' yu ji'i̱ cha' cuxi nu ntsu'u chalyuu, ndyaa yu ca quichi̱ Tesalónica. Nda na' ji'i̱ Crescente ndyaa ca Galacia, jua'a̱ nda na' ji'i̱ Tito ndyaa ca Dalmacia;

2 TIMOTEO 2:4

Sca ti cña sendaru caca cua'ni sendaru; ná caca cua'ni yu xi xa' lo cña, si nti' yu cha' ca tso'o tyiquee xu'na yu lo'o yu, cha' bi' laca nu cua ngusubi ji'i̱ yu cha' caca yu sendaru.

2 PEDRO 2:4

Nu cua sa'ni ni, ná ngua'ni clyu ti' ycui' Ndyosi ji'i̱ nu ngu' xca̱ ji'i̱ Ni nu ntsu'u qui'ya ji'i̱; nguxcua̱a̱ Ni ji'i̱ ngu' xca̱ nu xña'a̱ bi', ndyaa ngu' nde ca bilyaa, ca su talya ña'a̱ tsiya' ti. Ndyaaca̱' ngu' xca̱ bi' lo'o ju̱u̱ chcua̱, cha' ca bi' tyanu ngu' ña'a̱ cuayá' nu cua'ni cuayá' Ni ji'i̱ lcaa ñati̱ chalyuu, lo'o ji'i̱ ngu' xca̱ bi'.

ROMANOS 6:16

Nu lo'o ndya'a̱ na ne' xña ji'i̱ sca ñati̱ ni, taquiya' na sca cña nu culo ñati̱ bi' ji'na li'; jlo ti' na cha' nu ñati̱ bi' laca xu'na na, lo'o jua'a̱ nga'a̱ cha' taquiya' na ji'i̱ cha' nu nchcui' nu xu'na bi'. Lo'o nu cuxi nu ndyu'ni cha' caca na cuxi ni, si ndyu'ni cha' cuxi bi' cha' laca bi' loo ji'na, li' ntsu'u cha' cajaa na tsiya' ti; pana si ycui' Ndyosi laca loo ji'na, taquiya' na ji'i̱ cha' nu nchcui' Ni li', caca tso'o cresiya ji'na li'.

1 CORINTIOS 6:15

Cristo ca ji'i̱ tyucui ña'a̱ tsaca ma̱ lacua, stu'ba ti ntsu'u cha' ji'i̱ ma̱ lo'o nu xa' la ñati̱ tya'a ngusñi na cha' ji'i̱ Cristo. Lo'o laca na ñati̱ ji'i̱ Cristo ni, ¿ha caca sa'a na ji'i̱ sca nu cuna'a̱ calle ti? Ná tso'o cua'ni na jua'a̱ tsiya' ti.

1 CORINTIOS 6:16

¿Ha ná jlo ti' ma̱ cha' stu'ba ti tyiquee na, sca ti tañi na lo'o ñati̱ bi', si tyu'u cha' ji'na lo'o, masi sa'a ti na ji'i̱? La cui' jua'a̱ cha' nscua lo quityi cha' jo'ó nu ndi'ya̱ nchcui': “Laca nu tyucuaa ngu' bi' ñi'ya̱ si laca ngu' sca ti ñati̱”. Jua'a̱ nchcui' quityi bi'.

1 CORINTIOS 6:19

¿Ha ná nda ma̱ cuentya cha' tyaca'a tsa ma̱ ji'i̱ ycui' Ndyosi, xqui'ya cha' nda Ni Xtyi'i ycui' Ni nu ndyanu ne' cresiya ji'i̱ ma̱? Nga'aa si'i cuentya ji'i̱ ycui' ti ma̱ ndya'a̱ ma̱, cuentya ji'i̱ ycui' Ndyosi laca ma̱. Quiña'a̱ tsa cha' tso'o ngua'ni Ni cuentya ji'na cha' ngulaá ma̱ ji'i̱ nu cuxi, cha' laca ma̱ ñati̱ ji'i̱ ycui' Ni; bi' cha' cua'ni tlyu ma̱ ji'i̱ ycui' Ndyosi lcaa su ndya'a̱ ma̱, tyi'u ti' ma̱ ji'i̱ Ni, lo'o jua'a̱ tyucui tyiquee ma̱ cua'ni ma̱ lcaa cña nu culo ycui' Ni ji'i̱ ma̱.