1 CORINTIOS 5:6 - Chatino Tataltepec

⁶ Si'i cha' tso'o ndu'ni ma̱ cha' ndu'ni tyucuaa ti' ma̱ ji'i̱ tya'a ma̱. ¿Ha ná jlo ti' ma̱ ñi'ya̱ ndu'ni scua̱ tiye'? Masi xti ti scua̱ tiye' tyu'u ji'i̱ catyá xlyá, cua'ni bi' cha' tyacui̱ quiña'a̱ scua̱ li'.

1 CORINTIOS 5:6 Referans Kwoze

SANTIAGO 4:16

Pana si'i jua'a̱ nchcui' ma̱ juani, cha' tyixi tsa ndyu'ni ma̱ lo'o tya'a ñati̱ ma̱; lye tsa nchcui' tyucuaa ti' ma̱ lo'o ngu' tya'a ma̱. Lcaa quiya' lo'o nchcui' ma̱ jua'a̱, cha' cuxi laca bi'.

GÁLATAS 5:9

Culacua xi ti' ma̱ ni cña cua'ni xi ca ti scua̱ tiye', nu lo'o su'ba ngu' ji'i̱ lo quiña'a̱ catyá xlyá; la cui' jua'a̱ cña nu cua'ni cha' cuxi nu nda ngu' bi' lo'o ma̱.

1 CORINTIOS 15:33

Chañi tsa laca cha' nu nchcui' ñati̱ ndi'ya̱: “Si xcui' lo'o ñati̱ cuxi ndya'a̱ na, xtyanu na ji'i̱ cha' tso'o nu ndu'ni na li'”. Ná tucuá ma̱ cha' ji'i̱ ñati̱ nu ñacui̱ cha' ná caca cuxi tyiquee na lo'o ndu'ni na cha' cuxi.

1 CORINTIOS 5:2

Lo'o ña'a̱ ti tya ndu'ni tyucuaa ti' ma̱ ji'i̱ tya'a ma̱, masi nga'a̱ cha' ca xñi'i̱ tsa ti' ma̱ xqui'ya cha' cuxi bi'. Nga'a̱ tsa cha' culo'o ma̱ ji'i̱ ñati̱ nu ngua'ni cha' cuxi bi', cha' nga'aa tya'a̱ yu stu'ba ti lo'o cu'ma̱.

SAN MATEO 13:33

Lo'o jua'a̱ nda Jesús chaca cui̱i̱ lo'o ngu': ―Chaca cha' chcui' na' lo'o ma̱, ñi'ya̱ caca lo'o laca ycui' Ni loo ne' cresiya ji'i̱ ñati̱ ―nacui̱ Jesús ji'i̱ ngu'―. Caca bi' ñi'ya̱ laca sa ycu' scua̱ tiye', nu xñi sca nu cuna'a̱ cha' su'ba ji'i̱ lo sna sca' catyá xlyá; quixa' li', cha' tsa tlyu ti tyacuí̱ lcaa scua̱ bi'.

2 TIMOTEO 2:17

Cha' cuxi laca nu nclu'u ngu' bi', lo'o jua'a̱ tlyu la caca cha' cuxi bi' nde loo la. Ñi'ya̱ ndyaluu sca quichu' tyaala nu nga'a̱ lo cuaña' na, ña'a̱ cuayá' cua'ni ñu'u̱ ji'i̱ ña'a̱ tsaca cuaña' na, la cui' jua'a̱ laca cha' cuiñi nu nclyu'u yu Himeneo lo'o yu Fileto bi'.

1 CORINTIOS 3:21

Bi' cha' nga'aa cua'ni tyixi ma̱ lo'o tya'a ma̱, nga'aa tyu'u lca'a̱ tsa ma̱ ji'i̱ sca ti ñati̱ tya'a ya. Cuentya ji'i̱ cu'ma̱ laca cua ña'a̱ ca tya'a ndyu'ni ya cña,

SAN LUCAS 13:21

Laca cha' bi' ñi'ya̱ laca sca ycu' scua̱ tiye' nu ngusu'ba sca nu cuna'a̱ lo sna tya'a sca' catyá xlyá, nguixa' li', cha' tsa tlyu ti tyacuí̱ scua̱ bi'.

ROMANOS 6:16

Nu lo'o ndya'a̱ na ne' xña ji'i̱ sca ñati̱ ni, taquiya' na sca cña nu culo ñati̱ bi' ji'na li'; jlo ti' na cha' nu ñati̱ bi' laca xu'na na, lo'o jua'a̱ nga'a̱ cha' taquiya' na ji'i̱ cha' nu nchcui' nu xu'na bi'. Lo'o nu cuxi nu ndyu'ni cha' caca na cuxi ni, si ndyu'ni cha' cuxi bi' cha' laca bi' loo ji'na, li' ntsu'u cha' cajaa na tsiya' ti; pana si ycui' Ndyosi laca loo ji'na, taquiya' na ji'i̱ cha' nu nchcui' Ni li', caca tso'o cresiya ji'na li'.