1 CORINTIOS 5:3 - Chatino Tataltepec

³ Sca ti cuayá' ndyu'u cha', masi ná ndi'i̱ na' lo'o ma̱ juani cha' cua'ni cuayá' na' ji'i̱ yu bi'; pana cacua tsa slo cu'ma̱ ndi'i̱ na', nti' na', xqui'ya cha' ndyi'u tsa ti' na' ji'i̱ ma̱. Cua laca ngusta na' qui'ya ji'i̱ ñati̱ nu ngua'ni cha' cuxi bi'.

1 CORINTIOS 5:3 Referans Kwoze

COLOSENSES 2:5

Masi juani ti ná ndi'i̱ na' ca su ndi'i̱ ma̱, pana lu'ba ti ndyi'u ti' na' ji'i̱ cu'ma̱. Tso'o tsa nti' na' lo'o ndyuna na' cha' tso'o tsa ngusñi ma̱ cha' ji'i̱ Cristo. Lo'o jua'a̱ tso'o tsa nti' na' cha' tso'o ti ndi'i̱ ma̱ lo'o xa' la ngu' tya'a ngusñi ma̱ cha' ji'i̱ ycui' Ndyosi.

1 TESALONICENSES 2:17

Masi xa' quichi̱ ndi'i̱ ya juani, nti' ya xtyu̱u̱ ya slo cu'ma̱ tya'a ngusñi na cha' ji'i̱ Jesús; ndyi'u tsa ti' ya ji'i̱ ma̱, masi ná nchca ña'a̱ ya ji'i̱ ma̱, bi' cha' nti' ya tya̱a̱ ya tya̱a̱ na'a̱ ya ji'i̱ ma̱ chaca quiya'.

2 CORINTIOS 13:2

Bi' laca cha' nu nchcui' na' lo'o lcaa cu'ma̱ ngu' Corinto nu cua ngusñi cha' ji'i̱ Jesucristo, lo'o jua'a̱ nchcui' na' lo'o cu'ma̱ ngu' taju ji'i̱ Jesús ca ndacua nu ngua'ni cha' cuxi tya tsubi' la. Nu lo'o ñaa na' nu ndyaca tyucuaa quiya' ni, cua laca nda na' cha' re lo'o cu'ma̱ li', pana juani lo'o ndi'i̱ na' tyijyu', tya chaca quiya' chcui' na' cha' bi' lo'o ma̱, cha' ni sca ñati̱ nu ndu'ni cha' cuxi ná nga'a̱ cha' clyaá ngu' lo'o ca̱a̱ na' chaca quiya'; cua'ni cuayá' na' ji'i̱ lcaa ngu' bi'.

2 CORINTIOS 10:11

Tso'o si caca cuayá' ti' ngu' bi' lacua, cha' sca ti cuayá' ndyu'u cha' nu nscua ya lo quityi nu lo'o nga'a̱ ya tyijyu', la cui' ñi'ya̱ nu cua'ni ya lo'o ma̱ nu lo'o tyi'i̱ ya ca slo ma̱.

2 CORINTIOS 10:1

Pablo laca na' nu nchcui' na' lo'o cu'ma̱ juani; tyu'u cha' clyu ti' ji'i̱ ma̱, masi chcui' liñi na' lo'o ma̱. Nacui̱ ngu' cha' ntsi̱i̱ na' lo'o nchcui' na' lo'o ma̱ nu lo'o ndi'i̱ na' slo ma̱, pana tyaala tsa ndu'ni na' lo'o ma̱ nu lo'o nga'a̱ na' tyijyu'; jua'a̱ cha' nda ngu'. Tyi'u ti' ma̱ lacua, cha' xcui' tso'o ti nti' Cristo lo'o ña'a̱ Ni ji'na.

1 CORINTIOS 5:12

Si'i cuentya jna' laca ñati̱ nu ná ndaquiya' ji'i̱ ycui' Ndyosi tsiya' ti, caca cuayá' ji'i̱ ngu' bi' slo ycui' Ndyosi. Pana nu ngu' tya'a ma̱ nu ntsu'u cha' ji'i̱ lo'o Cristo, tso'o la si cua'ni cuayá' ycui' cu'ma̱ ji'i̱ ngu', nti' na'. Bi' cha' lacua culo'o ma̱ ji'i̱ nu cuxi, cha' ná cua'ni tya'a ngu' bi' lo'o ma̱ tsiya' ti.