Pana lcaa ñati̱ nu ntsi̱i̱ tsa cha' tyu'u cha' ji'i̱ lo'o na', jua'a̱ ñati̱ nu ná ndaquiya' jna' tsiya' ti, jua'a̱ nu chiya'a̱ tsa ndu'ni, jua'a̱ nu ndujuii ji'i̱ tya'a ñati̱, jua'a̱ nu ndu'ni suba' lo'o nu cuna'a̱, jua'a̱ nu cucha'a̱, jua'a̱ ñati̱ nu jlya tsa ti' ji'i̱ cha' cucha'a̱, jua'a̱ ñati̱ nu ndu'ni tlyu ji'i̱ lcui̱ jo'ó, jua'a̱ nu cuiñi, lcaa ngu' bi' tyaa ngu' ca lo tayu' tlyu ca su ntsu'u quii' nu ndyaqui̱ lo'o yuu sufri. Lcaa ngu' nu cua ndyaa nde tayu' bi' ni, cua ndyaa ngu' nde chalyuu talya; cua ndye cha' ngujuii ngu' tsiya' ti li'.
1 CORINTIOS 5:1 - Chatino Tataltepec1 Cua ngujui cha' 'na, cua ndyuna na' cha' suba' tsa ngua'ni sca ñati̱ tya'a ngusñi ma̱ cha' ji'i̱ Jesucristo; ngua'ni yu sca cña nu cuxi tsa. Pana ni ngu' xa' tsu', ná ndu'ni ngu' tsa lo cua cha' cuxi, masi ná ndaquiya' ngu' ji'i̱ ycui' Ndyosi tsiya' ti. Ndi'ya̱ cña ngua'ni yu: ngua'a̱ yu lo'o xtya'a̱ miña'a̱ yu. Gade chapit la |
1 CORINTIOS 5:1
32 Referans Kwoze
Cua'ni tye ma̱ lcaa cha' cuxi nu ndiya tsa ti' ma̱ ji'i̱ lacua: nga'aa cua'ni cuxi ma̱ lo'o clyo'o xa' ñati̱, nga'aa cua'ni ma̱ cha' suba' lo'o tya'a ñati̱ ma̱, nga'aa tyacui' ti' ma̱ ña'a̱ ma̱ ji'i̱ tya'a ñati̱ ma̱, cua'ni tye ma̱ ji'i̱ lcaa lo cha' cuxi nu ndijña tsa ti' tyiquee ma̱ cha' cua'ni ma̱ ji'i̱, nga'aa tyacui ti' ma̱ ji'i̱ scaa cha' tso'o nu ntsu'u chalyuu. Sca na nu ndacui ti' na ji'i̱ ni, stu'ba ti cuxi laca cha' bi' ñi'ya̱ nti' si cua'ni tlyu na ji'i̱ sca lcui̱ jo'ó ti;
Nu lo'o tyalaa na' chaca quiya' ca slo ma̱ juani ti, si quije cha' jna' cha' jua'a̱ ndu'ni ma̱, ná tyiquee' quiña'a̱ tsa cha' tyuju'u ti' caca 'na cuentya ji'i̱ ycui' Ndyosi nu laca Xu'na na', nu lo'o ña'a̱ na' ji'i̱ cu'ma̱. Xi'ya tsa na' li', ña'a̱ cuayá' xñii hitya cloo na'; xi'ya na' xqui'ya ngu' nu ngua'ni cha' cuxi bi' tya tsubi' la, cha' bilya ca tyuju'u ti' ngu' bi' ji'i̱ cha' suba' nu ngua'ni ngu', cha' ntsu'u tsa cha' cuxi nu ndyu'ni ngu' lo'o tya'a ngu', cha' ná lubii cresiya ji'i̱ ngu' bi' tsiya' ti.
Ntsu'u chaca cha' nu nchcui' ñati̱: “Taca cacu na lcua ti lo na nu nti' na cacu na”, nacui̱ ngu', “bi' cha' ntsu'u quiji̱ ne' na cha' cua'ni cha'á̱ na bi' lo'o na cacu na”, nacui̱ ngu'. Chañi cha' bi', pana sca ti cuayá' cua'ni tye ycui' Ndyosi ji'i̱ na ndacu na lo'o jua'a̱ ji'i̱ cuaña' ycui' na. La cui' jua'a̱ cua ngüiñá ycui' Ndyosi ji'i̱ tyucui ña'a̱ na lijya̱ na chalyuu, pana si'i cha' culiji ti cuaña' na lo'o ndu'ni suba' na lo'o ñati̱, si'i xqui'ya cha' bi' ngüiñá Ni ji'na; cha' caca na ñati̱ ji'i̱ ycui' Ni, cha' caca Ni nu Xu'na na, bi' cha' cua nda ycui' Ndyosi ji'na lijya̱ na chalyuu.
Jlo ti' na cha' ná lo'o ñati̱ cuxi taca tsaa ca su tlyu ca su laca ycui' Ndyosi loo. Tso'o si liñi tsa caca cuayá' ti' ma̱ cha' ná tsaa ngu' cuxi ca su tso'o bi': ñati̱ nu suba' tsa ndu'ni lo'o tya'a, lo'o jua'a̱ ñati̱ nu ndu'ni tlyu ji'i̱ lcui̱ jo'ó ti, lo'o jua'a̱ ñati̱ nu ntsu'u cha' ji'i̱ lo'o clyo'o xa' ñati̱, jua'a̱ nu ngu' qui'yu nu ndu'ni suba' lo'o tya'a qui'yu ti ngu',
Pana ná tso'o cha' tyu'u cha' ji'i̱ ma̱ lo'o ñati̱ nu ndu'ni jua'a̱, masi ndu'ni ngu' bi' lo'o ma̱ cha' tya'a ñati̱ ji'i̱ Jesucristo laca ngu' bi'; bi' laca cha' nu ngua ti' na' chcui̱' lo'o ma̱. Ná caca stu'ba cha' ji'i̱ ma̱ lo'o ngu' si suba' ndu'ni ngu', si ndacui ti' ngu', si ndu'ni tlyu ngu' ji'i̱ lcui̱ jo'ó ti, si cuxi tsa nchcui' ngu' lo'o ñati̱, si cu'bi ngu', si cuaana ngu'; ná caca xñi ma̱ cha' ji'i̱ ngu' nu ndu'ni jua'a̱. Masi nacui̱ ñati̱ bi' cha' stu'ba ti ntsu'u cha' ji'i̱ ngu' lo'o Jesús, ná caca tyu'u cha' ji'i̱ ma̱ lo'o ngu'. La cui' ti cha', ni ná tso'o chca'a̱ ma̱ cacu ma̱ tyaja lo'o ñati̱ nu ndu'ni jua'a̱.
Ná tso'o cacu ma̱ cuaña' na'ni nu laca msta̱, nu cua nda ngu' ji'i̱ jo'ó; ná tso'o cacu ma̱ tañi; ná tso'o cacu ma̱ na'ni nu ná ndye ndyalú tañi lo'o ndyujuii ngu' ji'i̱; la cui' ti cha' ná tso'o tsiya' ti si tyu'u cha' ji'i̱ ma̱ lo'o clyo'o xa' ñati̱. Si taquiya' ma̱ ji'i̱ lcaa cha' nu nscua re, tso'o ti tyi'i̱ ma̱ li'. Tsa lo cua ti cha' nscua ya.”
Tsa bi' ti cha' cua'ni na, nti' na'; scua na xi cha' tso'o cha' tsaa slo ngu' bi' nu nacui̱ ndi'ya̱: Ná tso'o si cacu ngu' msta̱ ji'i̱ jo'ó, xqui'ya cha' cua'ni ñu'u̱ msta̱ bi' ji'i̱ cresiya ji'na si cacu na ji'i̱; lo'o jua'a̱ ná tso'o tsiya' ti tyu'u cha' ji'i̱ ngu' lo'o clyo'o xa' ñati̱; ná tso'o cacu ngu' na'ni nu ná ndye ndyalú tañi ji'i̱ ni', nu lo'o cua ndyujuii ngu' ji'i̱; ni ná tso'o cacu ngu' tañi.
Bi' cha' laca nguscua na' nu quityi bi'; si'i na ngulacua tsa ti' na' xqui'ya yu nu ngua'ni cha' cuxi bi', ni si'i na ngulacua tsa ti' na' xqui'ya ngu' nu ngua cuxi ji'i̱. Ngua ti' na' cha' culacua tso'o ti' ma̱ ji'i̱ cha' nu cua nchcui' ya lo'o ma̱, ñi'ya̱ laca si ndu̱ ycui' Ndyosi ña'a̱ Ni ji'na; bi' cha' nguscua na' quityi nu ndyaa slo ma̱ bi'.
Cua ngua xñi'i̱ ti' ma̱ xqui'ya cha' cuxi nu ngua'ni nu ñati̱ bi'. Lo'o ngua'ni yu jua'a̱ ni, si'i sca ti na' ngua xñi'i̱ ti' na' li'; lo'o lcaa cu'ma̱ ngua xñi'i̱ xi ti' tyiquee ma̱ xqui'ya cha' cuxi bi'. Pana juani nga'aa ntsu'u cha' cuxi bi', bi' cha' nga'aa nti' na' cua'ni tyaala na' ji'i̱ cu'ma̱.
Piblisite