1 CORINTIOS 4:9 - Chatino Tataltepec

⁹ Nti' na' cha' cua nguxtyanu ycui' Ndyosi ji'i̱ cuare, masi clyo ngulo Ni cña ji'i̱ ya cha' tsaa ya tyijyu' cha' chcui' ya cha' ji'i̱ Ni; pana nu juani tyanu chu̱' la ya ji'i̱ lcaa ngu' tya'a na, ñi'ya̱ laca preso nu tyiquee' ntajatya cha' cujuii ngu' ji'i̱. Cua laca ya sca cuxe', masi ña'a̱ ñati̱ chalyuu ji'i̱ ya, masi xca̱ nu ntsu'u ji'i̱ ycui' Ndyosi nde cua̱ ña'a̱ ji'i̱ ya.

1 CORINTIOS 4:9 Referans Kwoze

HEBREOS 10:33

masi tyu̱u̱ quiya' nchcui' tsa ngu' cha' ti'í ji'i̱ ma̱, masi ngua'ni lya' ti' ngu' ji'i̱ ma̱ su ndu̱ ma̱ laja ñati̱ nu ngua li'. Lo'o jua'a̱ cua ntaja'a̱ ma̱ tyanu ma̱ slo ngu' tya'a ma̱ laja lo'o ngua'ni ti'í ti' ngu' ji'i̱ ngu' bi', masi si'i ji'i̱ ycui' ca ma̱ ndyu'ni lya' ti' ngu' tyempo bi'.

ROMANOS 8:36

Ndi'ya̱ nchcui' sca cha' nu nscua lo quityi ji'i̱ ycui' Ndyosi: Xqui'ya ycui' Ndyosi, cua ña'a̱ ca hora ndyujuii ngu' ji'na. Ndyu'ni ngu' lo'o na ñi'ya̱ si laca na xlya', la cui' xlya' nu ndya'a̱ lo'o ngu' ji'i̱ slo ñati̱ nu ndujuii ji'i̱.

HEBREOS 1:14

Lcaa nu laca xca̱ ji'i̱ ycui' Ndyosi nde cua̱ ni, lcaa tsa̱ ndu'ni bi' cña nu nclyo ycui' Ndyosi ji'i̱; cui'i̱ nu tso'o tsa laca nu ngu' xca̱ bi'. Nda Ni ji'i̱ ngu' xca̱ bi' ca̱a̱ nde chalyuu, cha' xtyucua ngu' ji'i̱ ca ta'a ñati̱ nu cua clyaá ti ji'i̱ nu cuxi xqui'ya Jesús, cha' cua ngulala ti tye chalyuu.

HEBREOS 11:36

Xa' la tya'a ngu' bi' ni, ti'í tsa nchcui' ngu' ji'i̱ ngu' bi' laja lo'o ngujui'i̱ ngu' cuxi ji'i̱ ngu' bi', masi ngusca̱' ngu' cuxi ji'i̱ ngu' bi' lo'o carena, masi ngusu'ba ngu' ji'i̱ ngu' bi' ne' chcua̱.

1 TESALONICENSES 3:3

Ná nti' ya cha' ca taja ti' ni tsaca ngu' tya'a ma̱, masi lye tsa ndyu'ni lya' ti' ngu' ji'i̱ ma̱; jlo ti' ma̱ cha' jua'a̱ ndyu'ni ngu' lo'o ñati̱ ji'i̱ Jesucristo lcua ti lo quichi̱.

2 CORINTIOS 6:9

Ntsu'u quiya' ndu'ni ngu' cha' ndyuloo ngu' ji'i̱ ya; xa' la quiya', li' ndu'ni ngu' cha' ná nslo ngu' ji'i̱ ya tsiya' ti. Ntsu'u quiya' ndya'a̱ ya su cua cajaa ti ya nchca, pana ña'a̱ ti tya lu'ú ya; nchcube' tsa ngu' ji'i̱ ya, pana ná nchca cujuii ngu' ji'i̱ ya.

LOS HECHOS 19:31

Lo'o jua'a̱ ntsu'u xi tya'a tso'o Pablo nu laca loo ji'i̱ loyuu su cuentya Asia bi', lo'o ngu' bi' nda ngu' cha' lo'o Pablo cha' ná tsaa ycui' yu tsiya' ti ca su ndyu'u ti'i̱ ngu' quichi̱.

LOS HECHOS 19:29

Ná jlo ti' ngu' quichi̱ na laca ngua ji'i̱ ngu' cha' nxi'ya tsa ngu' jua'a̱, pana ngusna lcaa ngu' ndyaa ngu' cha' ña'a̱ cui'ya ngu' xi ji'i̱. Li' ntejeya' ngu' ji'i̱ Gayo lo'o Aristarco xqui'ya cha' ndya'a̱ ngu' lo'o Pablo, masi ngu' Macedonia laca ngu' bi', ndyaa lo'o ngu' bi' ji'i̱ ngu' ca su ndyu'u ti'i̱ ngu' quichi̱.

1 CORINTIOS 15:19

Tso'o tsa cha' si'i sca ti nde chalyuu su ndu̱ ti' na ji'i̱ Cristo cha' ña'a̱ na ji'i̱. Si nde chalyuu ti xtyucua Cristo ji'na, xñi'i̱ tsa ti' na caca na su ndi'i̱ na li'; xñi'i̱ la ti' na caca na que lcaa ngu', nti' na'. Pana ná ndyaca jua'a̱ lo'o na, cha' cua ndyu'ú Cristo chaca quiya'.

2 CORINTIOS 11:23

Nacui̱ ngu' bi', cha' cña ji'i̱ Cristo ndyu'ni ngu'; la cui' cña bi' ndyu'ni na'. Masi tonto ti nchcui' na', pana tso'o la cña nu ndyu'ni na' que cña nu ndyu'ni ngu' bi'; lye la ngua'ni na' cña, lu'ba la ngusu'ba ngu' 'na ne' chcua̱, tyu̱u̱ tsa quiya' cua ngujui'i̱ ngu' juata hichu̱' na', lu'ba ti ndyaca cha' cua cajaa ti na' xqui'ya Cristo.