1 CORINTIOS 4:7 - Chatino Tataltepec

⁷ ¿Ni cha' laca cha' ndulo tsa cha' ji'i̱ ycui' ma̱ cuentya ji'i̱ ma̱, pana ná ndube ti' ma̱ ji'i̱ xa' ñati̱? Ycui' Ndyosi cua nda lcaa na nu ntsu'u ji'i̱ ma̱, lcaa cña nu nchca ji'i̱ ma̱; bi' cha' lacua ná ntsu'u cha' cua'ni tyucuaa ti' ma̱ ji'i̱ tya'a ma̱. Si'i xqui'ya cña nu ndyu'ni ycui' ma̱ ngutsa'a̱ chalyuu ji'i̱ ma̱, xqui'ya ycui' Ndyosi cua laca ma̱ ñi'ya̱ nu laca ma̱ juani.

1 CORINTIOS 4:7 Referans Kwoze

SAN JUAN 3:27

Li' nguxacui̱ Juan cha' ji'i̱ ngu' bi': ―Tsa lo cua ti cña nchca ji'i̱ scaa na cua'ni na, tsa ña'a̱ nu nda ycui' Ndyosi chacuayá' cua'ni scaa na ―nacui̱―.

1 PEDRO 4:10

Nda xlya'be ti ycui' Ndyosi ñi'ya̱ taca cua'ni scaa ma̱ sca cña tso'o, lcaa ma̱ nu ngusñi ma̱ cha' ji'i̱ Jesús. Ñi'ya̱ lo'o nxtyucua ycui' Ndyosi ji'na cha' caca tya'na ti' na ji'i̱ tya'a ñati̱ na, la cui' jua'a̱ nga'a̱ cha' xtyucua na ji'i̱ ngu' lo'o cua'ni na cña nu nda Ni cha' cua'ni sa scaa na.

SANTIAGO 1:17

Lcaa cha' xlya'be nu ndyiji ji'na ni, lcaa cha' nu chañi cha' xcui' cha' tso'o laca bi', ca su ntucua ycui' Ndyosi tsiya' ti, ca bi' ngutu'u lcaa cha' bi', la cui' ycui' Ndyosi nu ngüiñá lcaa xee tlyu nu nga'a̱ nde cua̱. Sca ti cuayá' ña'a̱ loo ycui' Ndyosi ña'a̱ Ni ji'na; ná xcutsa'a̱ Ni cha' nu ntsu'u tyiquee Ni ña'a̱ Ni ji'na, cha' ná ntsu'u cha' tya'a̱chu̱' Ni ji'i̱ scaa cha' nu cua nchcui' Ni lo'o ñati̱.

ROMANOS 12:6

Xi xa' la cña nchca cua'ni sa scaa na, ña'a̱ cña nu nda Ni chacuayá' cha' cua'ni scaa na, cha' tso'o tsa ntsu'u tyiquee Ni ña'a̱ Ni ji'na. Nu lo'o ntsu'u ngu' tya'a ma̱ nu nchca ji'i̱ ngu' chcui' ngu' sca cha' nu nti' ycui' Ndyosi ta Ni lo'o ma̱, bi' cña cua'ni ngu' lacua. La cui' ñi'ya̱ nduna ngu' bi' cha' nu nda ycui' Ndyosi, ñi'ya̱ ngusñi ngu' cha' bi', la cui' jua'a̱ ta ngu' cha' bi' lo'o ma̱.

SAN JUAN 1:16

Lcaa na tsiya' ti ntsu'u ji'i̱ Jesús, lo'o lcaa tsa̱ ndyiji cha' tso'o ji'na xqui'ya Jesús.

SAN LUCAS 19:13

Nu lo'o tya lyiji tsaa yu, li' ngusi'ya yu ji'i̱ tii tya'a ñati̱ nu laca msu ji'i̱ yu, cha' ta yu sca cñi ji'i̱ scaa ngu', sca cñi oro nu quiña'a̱ ntsu'u loo. Li' nacui̱ yu ji'i̱ ngu' msu bi': “Cua'ni ma̱ ngana lo'o cñi re tyucui tyempo nu tsa'a̱ juani, ña'a̱ cuayá' nu tya̱a̱ na' chaca quiya'”, nacui̱ yu ji'i̱ ngu'.

1 CORINTIOS 15:10

Pana tya'na ti' ycui' Ndyosi, bi' cha' tso'o ti ntsu'u tyiquee Ni ña'a̱ Ni jna'; jua'a̱ ngua'ni Ni cha' ndya'a̱ na' cña ji'i̱ Ni li'. Ni si'i na nguliji yu'u cha' bi' jua'a̱ ti lo'o ngua'ni Ni cha' tso'o lo'o na'; masi lo'o nu xa' la ngu' tya'a ya ndyu'ni ngu' la cui' cña nu ndyu'ni na', pana tlyu la cña ntsu'u jna' que ngu' bi'. Si'i na nchca tsa 'na, pana ycui' Ndyosi laca nu ndu'ni lo'o na' cha' caca chcui' na' lo'o ñati̱, cha' tso'o ti ntsu'u tyiquee Ni ña'a̱ Ni 'na.

1 CORINTIOS 7:7

cha' cuentya jna' tso'o la si tyanu ngu' ycui' ti ngu' ñi'ya̱ nu ndi'i̱ na', jua'a̱ nti' na'. Pana xi xa' ca ña'a̱ ndu'ni ycui' Ndyosi lo'o scaa ñati̱, cha' cua nda ycui' Ndyosi chacuayá' ñi'ya̱ tyi'i̱ scaa na; tsaca lo ña'a̱ ndi'i̱ tsaca ñati̱, chaca lo ña'a̱ ndi'i̱ chaca ñati̱, tsa ña'a̱ chacuayá' nu nda Ni ji'na.

ROMANOS 12:3

Tlyu tsa cha' tso'o nu ngua'ni ycui' Ndyosi lo'o na', nu lo'o nda Ni cña jna'; bi' cha' nchcui' tsa na' lo'o ma̱ juani, cha' nga'aa cua'ni tyucuaa ti' ma̱ lo'o xa' ñati̱. Nga'a̱ cha' culacua ti' ma̱ cha' lcaa cña nu cua nchca ji'i̱ ma̱ juani, Cristo ngua'ni cha' caca ji'i̱ ma̱, nu lo'o ngusñi ma̱ cha' ji'i̱ Ni.

ROMANOS 1:5

Tso'o tsa ngua'ni ycui' Ndyosi lo'o na' xqui'ya Jesucristo. Cua ngulo Ni cña jna' cha' tsa'a na' tyucui ña'a̱ chalyuu mala su ndi'i̱ ñati̱; chacuayá' ji'i̱ ycui' Ni tsa'a na' chcui' na' cha' tso'o ji'i̱ ycui' Ndyosi lo'o ñati̱. Nti' Ni cha' caja ñati̱ ji'i̱ ycui' Ni lcua ti se'i̱, ñati̱ nu xñi cha' ji'i̱ ycui' Ni, ñati̱ nu taquiya' ji'i̱ cha' nu nchcui' Ni.

1 CORINTIOS 5:6

Si'i cha' tso'o ndu'ni ma̱ cha' ndu'ni tyucuaa ti' ma̱ ji'i̱ tya'a ma̱. ¿Ha ná jlo ti' ma̱ ñi'ya̱ ndu'ni scua̱ tiye'? Masi xti ti scua̱ tiye' tyu'u ji'i̱ catyá xlyá, cua'ni bi' cha' tyacui̱ quiña'a̱ scua̱ li'.

1 CORINTIOS 3:5

¿Tilaca laca nu Apolos bi' lacua? ¿Tilaca laca na' lacua? ¿Ha si'i cña ji'i̱ ycui' Ndyosi ndyu'ni ca ta'a ya? ¿Ha si'i xqui'ya cha' nda ya cha' lo'o ma̱, bi' cha' ngusñi ma̱ cha' ji'i̱ Cristo li'? Cua laca cña ndyu'ni scaa ya, la cui' cña ñi'ya̱ nu cua nda ycui' nu Xu'na na cha' cua'ni ya.