Ngujui cha' jna' cha' ndi'ya̱ ndu'ni ma̱: tso'o tsa nchcui' ma̱ lo'o cua ña'a̱ ca ñati̱ nu lijya̱ ca slo ma̱, masi xa' ña'a̱ cha' nu nda ngu' cuentya ji'i̱ Jesús, masi ná stu'ba cha' nu nda ngu' bi' lo'o cha' nu cua nda ya lo'o ma̱ tya clyo la. La cui' jua'a̱ nduna ma̱ chaca cha', pana si'i cha' tso'o ji'i̱ Jesús nu ndu'ni lyaá ji'na ji'i̱ nu cuxi nu cua nchcui' ya lo'o ma̱ laca bi'. Bi' cha' laca cha' chaca xtyi'i ndyu'ú ne' cresiya ji'i̱ ma̱ juani, nga'aa si'i Xtyi'i ycui' Ndyosi laca bi'.
1 CORINTIOS 4:6 - Chatino Tataltepec6 Nchcui' na' cha' bi' lo'o cu'ma̱ cha' taca tyi'i̱ tso'o ti ma̱. Cua nchcui' tsa na' ji'i̱ tyucuaa ya, na' lo'o Apolos, cha' taca culacua xi ti' ma̱ ñi'ya̱ ntsu'u cha' ji'i̱ ya; jua'a̱ caca cuayá' ti' ma̱ cha' ná tso'o xñi ma̱ xi xa' la cha', nu si'i ñi'ya̱ nu nscua lo quityi cha' ji'i̱ ycui' Ndyosi. Ná tso'o cha' chcui' tso'o ma̱ lo'o sca yu tya'a ya nu lca'a̱ tsa ma̱ ji'i̱, lo'o li' cua'ni xña'a̱ ma̱ lo'o chaca yu tya'a ya. Gade chapit la |
1 CORINTIOS 4:6
35 Referans Kwoze
Ni si'i xcui' na cua nti' ya cha' tyu'u lubii cha' ji'i̱ ya lo'o cu'ma̱; laca cha' ndube ti' ya cha' ña'a̱ ycui' Ndyosi ji'i̱ ya, bi' cha' tsa lo cua ti cha' nchcui' ya, tsa ña'a̱ cha' nu nti' ycui' Cristo cha' chcui' ya lo'o cu'ma̱. La cui' jua'a̱ lcaa cña nu ndyu'ni ya, na xtyucua ya ji'i̱ ma̱ laca cña bi', cha' ntsu'u tsa tyiquee ya ña'a̱ ya ji'i̱ cu'ma̱ tya'a tso'o na.
Ni si'i na tonto laca na' cha' nchcui' tsa na' ji'i̱ ycui' ca ti na' jua'a̱, cha' liñi laca nu nda na' lo'o ma̱ juani. Pana nga'aa nti' na' chcui' na' quiña'a̱ la cha' lo'o ma̱ juani, cha' ná nti' na' cha' cua'ni chi̱ ngu' loo na' si bilya ña'a̱ ngu' ñi'ya̱ ndyu'ni na', si bilya cuna ngu' cha' nu nda na'; tsa ña'a̱ cuayá' nu ndyuloo ti ngu' 'na, jua'a̱ ti taca cua'ni chi̱ ngu' loo na' nti' na'.
Ná cube ti' ma̱ ji'i̱ cua ña'a̱ ca ñati̱ nu cua'ni tyucuaa ti' lo'o ma̱, ngu' nu tacati la ndu'ni ycui' ngu', nti' ngu', cha' ndyu'ni tlyu ngu' ji'i̱ sca xca̱ nu ntsu'u ji'i̱ ycui' Ndyosi ca nde cua̱; si'i ji'i̱ ycui' Ndyosi ndyu'ni tlyu ngu' bi'. Ñati̱ nu ndu'ni jua'a̱ ni, nti' ngu' cha' xa' la cha' ji'i̱ ycui' Ndyosi cua ngulu'uloo ji'i̱ ngu'. Lye tsa ndu'ni tyucuaa ti' ngu' bi' lo'o tya'a ngu', masi ná ntsu'u cha' cua'ni ngu' bi' jua'a̱, cha' ña'a̱ ti tya ntsu'u cha' cuxi ne' cresiya ji'i̱ ngu' bi';
xqui'ya cha' ngusñi ma̱ cha' tso'o nu cua nchcui' ya lo'o ma̱, la cui' cha' tlyu nu nda Xtyi'i ycui' Ni cha' chcui' ya lo'o ma̱; Xtyi'i ycui' Ndyosi ngua'ni cña laja lo'o nchcui' ya lo'o ma̱, bi' cha' ngusñi ma̱ cha' bi'. Lo'o jua'a̱ jlo ti' ma̱ ñi'ya̱ ngua cña nu ngua'ni ya lo'o nguti'i̱ ya ca slo cu'ma̱.
Tlyu tsa cha' tso'o nu ngua'ni ycui' Ndyosi lo'o na', nu lo'o nda Ni cña jna'; bi' cha' nchcui' tsa na' lo'o ma̱ juani, cha' nga'aa cua'ni tyucuaa ti' ma̱ lo'o xa' ñati̱. Nga'a̱ cha' culacua ti' ma̱ cha' lcaa cña nu cua nchca ji'i̱ ma̱ juani, Cristo ngua'ni cha' caca ji'i̱ ma̱, nu lo'o ngusñi ma̱ cha' ji'i̱ Ni.
Ndalo ya ji'i̱ lcaa cha' ti'í nu ndyacua ji'i̱ ya xqui'ya cu'ma̱; tiya' la li' tyatu̱ quiña'a̱ la tya'a ñati̱ ma̱ nu taca tya xlya'be ji'i̱ ycui' Ndyosi cuentya ji'i̱ ya, cha' jua'a̱ quiña'a̱ tsa tya'a ñati̱ ma̱ ntsu'u nu cua ngujui xlya'be nu ta ycui' Ndyosi ji'i̱ ma̱. Lo'o li' stu'ba ti taca cua'ni chi̱ na loo ycui' Ndyosi.
Nde scua na' chaca cha' nu tsaa slo ma̱, cha' ca cuayá' ti' ma̱ ni cha' ndyu'ni ma̱ lo'o ndacu ma̱ msta̱ nu cua ngusta ngu' slo jo'ó tya clyo. Ntsu'u cu'ma̱ nu ñacui̱ ma̱: “Cua jlo ti' ya, cua nda ya cuentya cha' ná ntsu'u cha' tacati ji'i̱ jo'ó jua; taca cacu ya msta̱ bi'”, ñacui̱ ma̱. Chañi tsa cha' bi'. Pana tyixi cua'ni na lo'o tya'a ñati̱ na nu lo'o chcui' na jua'a̱. Sca ti si ntsu'u tyiquee na ña'a̱ na ji'i̱ tya'a ñati̱ na, si cube ti' na ji'i̱ ngu' bi', ca li' taca xtyucua na ji'i̱ ngu'.
Masi ndu'ni ñati̱ chalyuu cha' ngua tsa ji'i̱, cha' tso'o tsa nclyacua ti' ngu', si'i jua'a̱ nti' ycui' Ndyosi ña'a̱ Ni ji'i̱ ngu' bi'; ná tso'o tsiya' ti cha' nu nchcui' ñati̱ chalyuu nti' Ni. Cua nscua sca cha' lo quityi cusu' nu nchcui' ndi'ya̱: “Ndu'ni ycui' Ndyosi cha' quichi̱ yaa cha' hique ñati̱ chalyuu, masi tso'o tsa ndu'ni ngu' nti' ngu'”, nacui̱ lo quityi.
bi' cha' talo tyiquee na' ji'i̱ ngu', masi nchcube' tsa ngu' jna'. Talo na' ji'i̱ cha' cuxi bi' cuentya ji'i̱ ca ta'a ñati̱ nu ngusubi ycui' Ndyosi ji'i̱, cha' lo'o ñati̱ bi' ngua'ni lyaá Jesucristo ji'i̱, cha' caja chalyuu nu ná nga'a̱ cha' tye ji'i̱ ñati̱ bi'. Caca tyi'i̱ ngu' bi' ca slo ycui' Ndyosi su tso'o tsa ña'a̱ lcaa cha'.
Ná ntsu'u cha' chcui' ya ji'i̱ cña nu ndyu'ni xa' ñati̱ cuentya ji'i̱ ycui' Ndyosi, chcui' ya ji'i̱ tsa bi' ti cña nu nda Ni chacuayá' cha' cua'ni ycui' ca ya ca slo ma̱. Na cua nti' ya cha' xñi tso'o la ma̱ cha' ji'i̱ ycui' Ndyosi nde loo la, cha' li' quiña'a̱ la cña taca cua'ni ya laja ngu' tya'a ma̱, ñi'ya̱ nu cua nda Ni chacuayá' cha' cua'ni ya.
Quiña'a̱ xi nclyacua ti' na' xqui'ya cu'ma̱ juani. Lo'o tyalaa na' ca su ndi'i̱ ma̱, si quije cha' 'na lo'o ma̱ cha' xa' ña'a̱ ndu'ni ma̱, nga'aa si'i ñi'ya̱ nu ngulu'u na' ji'i̱ ma̱ tya clyo, ¿ñi'ya̱ cua'ni ta na' lo'o ma̱ li'? Ca cuayá' ti' ma̱ cha' taca cua'ni tyaala na' xi lo'o ma̱ li', masi ná ndiya ti' ma̱ cha' cua'ni na' jua'a̱. Ndube ti' na' cha' tya ntsu'u xi ngu' tya'a ma̱ nu ña'a̱ ti nxu̱u̱ tya'a ngu', nu ti'í tsa ti' ngu' ña'a̱ ji'i̱ tya'a ngu', nu ñasi̱' tsa ngu' ña'a̱ ji'i̱ tya'a ngu', nu sca ti ji'i̱ ycui' ca ngu' ndube ti' ngu'; lo'o jua'a̱ nchcui' ca'a̱ ti ngu' ji'i̱ tya'a ngu', cuentyu tsa ti' ngu' lo'o tya'a ngu', ntyucuaa tsa ti' ngu' ndyu'ni ngu' lo'o tya'a ngu'. Lcaa lo cha' cuxi bi' ndyu'ni ngu' cha' ná ndube ti' ngu' tsiya' ti.
Piblisite