1 CORINTIOS 4:19 - Chatino Tataltepec

¹⁹ Pana ná cube ti' ma̱, ca̱a̱ na' yala ti ca su ndi'i̱ ma̱ chacuayá' ji'i̱ ycui' Ndyosi nu Xu'na na. Lo'o li' quijeloo cha' ji'i̱ ma̱ jna', nu lo'o ña'a̱ na' ñi'ya̱ ndyu'ni nu ngu' tyixi bi'; si'i na ntucuá na' ji'i̱ ngu' xqui'ya cha' nu nda ti ngu' bi' li'.

1 CORINTIOS 4:19 Referans Kwoze

LOS HECHOS 18:21

Ngusalya' yu lo'o ngu' bi' li': ―Ntsu'u cha' tsa'a na' ca Jerusalén cha' cua ngulala ta'a ―nacui̱ Pablo ji'i̱ ngu'―. Li' xtyu̱u̱ na' chaca quiya' nde quichi̱ re, si jua'a̱ nti' ycui' Ndyosi ―nacui̱ yu. Ndu'u Pablo quichi̱ Efeso ndyatí̱ yu ne' yaca ni'i̱, ndyaa yu li'.

LOS HECHOS 19:21

Lo'o li' ngua ti' Pablo cha' tsaa yu ca loyuu su cuentya Macedonia, lo'o ca loyuu su cuentya Acaya, cha' tsaa yu slo lcaa taju ñati̱ ji'i̱ Jesucristo nu ndi'i̱ loyuu bi'. Nde loo la, li' tsaa yu ca Jerusalén ngua ti' yu. Lo'o jua'a̱ nchcui' Pablo cha' lo'o ntsu'u cha' tsaa yu ca nde quichi̱ Roma ca tiya' la.

HEBREOS 6:3

Lo'o nu juani ni, nga'a̱ cha' cua'ni yala ti na cha' taquiya' na lcaa cha' ji'i̱ Jesús nu tya lyiji xñi tso'o na; jua'a̱ cua'ni na lacua, si tya ta la ycui' Ndyosi xi chalyuu ji'na.

2 CORINTIOS 1:23

Ná nguta'a̱ na' quichi̱ tyi ma̱ tu'ni, cha' ná nti' na' cha' caca ñasi̱' na' ji'i̱ cu'ma̱. Chañi cha' xqui'ya cha' bi' ti, bi' cha' ná ndya'a̱ na' ca slo ma̱ li'. Cua jlo ti' ycui' Ndyosi cha' bi'. Qui'ya ycui' Ndyosi cresiya 'na si ná chañi cha' nu nchcui' na' re.

1 CORINTIOS 11:34

Si ntsu'u ma̱ nu ntyute' ma̱, jacu ma̱ tyaja to' tyi ti ma̱ clyo. Lo'o li' nga'aa cua'ni cuxi ma̱ lo'o tyu'u ti'i̱ ma̱, li' ná ntsu'u cha' caca tyaala Ni ji'i̱ ma̱. Lo'o ca̱a̱ na', taca quiñi nu xa' la cha' bi' ji'na lo'o cu'ma̱ li'.

1 CORINTIOS 4:18

¿Ni cña ndu'ni xi ngu' tya'a ma̱ nu lye tsa ndu'ni tyucuaa ti' ji'i̱ tya'a ma̱? Ná ca̱a̱ na' ca quichi̱ Corinto slo ma̱, nti' ma̱.

1 CORINTIOS 2:6

Masi jua'a̱, cua ntsu'u cha' tso'o nu nchcui' na lo'o ñati̱ nu nduna tso'o cha' ji'i̱ ycui' Ndyosi; cha' nu ngua'ya hique ycui' Ndyosi laca cha' bi', si'i sca cha' nu jlo ti' ñati̱ chalyuu. La cui' ti ná jlo ti' nu laca loo chalyuu cha' bi', masi cua lijya̱ tye cha' culo ngu' bi' cña.

ROMANOS 15:32

Lo'o jua'a̱ jña ma̱ cha' ji'i̱ Ni, cha' tso'o ti caca tyiquee na' lo'o tyalaa na' ca su ndi'i̱ ma̱, cha' xa' caca nguula ti' tyiquee na' nu lo'o tyi'i̱ na' lo'o ma̱, si jua'a̱ nti' Ni cha' caca.

SANTIAGO 4:15

Tso'o la si ndi'ya̱ ti cha' ta ma̱ lo'o ñati̱: “Nde ti tyi'i̱ ya”, ñacui̱ ma̱, “nde cña cua'ni ya; masi cña bi' cua'ni ya, sca ti si ta ycui' Ndyosi chacuayá' cua'ni ya jua'a̱”, ñacui̱ ma̱.

1 CORINTIOS 16:5

Ntsu'u cña tsa'a̱ tyu̱u̱ quichi̱ ca loyuu su cuentya Macedonia; lo'o tye cña bi', li' tyalaa na' ca quichi̱ tyi ma̱ ca ndacua,

1 CORINTIOS 14:5

Jua'a̱ na', tso'o nti' na' si lcaa cu'ma̱ caca chcui' ma̱ cha'cña ji'i̱ xa' ñati̱; pana cña nu ndulo la cha' ji'i̱ ma̱ laca si ta ma̱ cha' lo'o tya'a ma̱, la cui' cha' nu cua nti' ycui' Ndyosi chcui' Ni lo'o ma̱. Tso'o la si jua'a̱ taca ta ma̱ cha' lo'o tya'a ma̱; ná ntsu'u cha' chcui' ma̱ cha'cña ji'i̱ xa' ñati̱ li', sca ti ca si ntsu'u chaca ngu' nu taca ji'i̱ xtyacui cha' bi' cha' caca cuayá' ti' tya'a ndyu'u ti'i̱ ma̱. Li' tso'o la tyatí̱ ti' tyiquee ngu' tya'a ma̱.

LOS HECHOS 20:2

Nguta'a̱ yu ca slo lcaa taju ñati̱ ji'i̱ Jesucristo nu ndi'i̱ loyuu bi', lo'o jua'a̱ tlyu ngua'ni tyiquee ngu' xqui'ya lcaa cha' nu ngulu'u yu ji'i̱ ngu' bi'. Lo'o li' ndyaa yu chaca loyuu su cuentya Grecia;

1 CORINTIOS 4:6

Nchcui' na' cha' bi' lo'o cu'ma̱ cha' taca tyi'i̱ tso'o ti ma̱. Cua nchcui' tsa na' ji'i̱ tyucuaa ya, na' lo'o Apolos, cha' taca culacua xi ti' ma̱ ñi'ya̱ ntsu'u cha' ji'i̱ ya; jua'a̱ caca cuayá' ti' ma̱ cha' ná tso'o xñi ma̱ xi xa' la cha', nu si'i ñi'ya̱ nu nscua lo quityi cha' ji'i̱ ycui' Ndyosi. Ná tso'o cha' chcui' tso'o ma̱ lo'o sca yu tya'a ya nu lca'a̱ tsa ma̱ ji'i̱, lo'o li' cua'ni xña'a̱ ma̱ lo'o chaca yu tya'a ya.

1 CORINTIOS 16:7

Ná nti' na' cha' tyeje tacui na' jua'a̱ ti slo ma̱; na cua nti' na' tyanu na' xi tyempo lo'o ma̱, chacuayá' ji'i̱ ycui' nu Xu'na na.

2 CORINTIOS 10:9

Ná nti' na' cha' ñacui̱ ma̱ cha' na nchcutsi̱i̱ ti na' ji'i̱ ma̱ lo'o quityi nu nscua na' cha' ya̱a̱ slo ma̱.